Sunday, December 17, 2006

指甲美容

無無聊聊click 入左一個網,睇到一雙玉手,十隻手指做哂時興嘅水晶指甲,再睇,仲有好多其他款式嘅圖案,嘩,連腳趾甲都整埋?駛唔駛呀!!

明知道寫左出黎會得罪好多人,但真係忍唔住都要講句:好核凸呀!

你話我保守都係咁話喇,覺得唔單止毫無美感,根本就係肉酸、醜怪!唔知道D老公或者男朋友見到會點呢?我估十個有九個都會俾老婆或者女朋友問:靚唔靚呀!靚唔靚啫? 究竟會點俾反應呢? 唉,真係點頂得順呀!

不過諗諗吓都好嘅,始終都叫做製造多左D就業機會,促進社會繁榮丫。你睇,中環開左幾多呢D專幫D OL 整手指腳趾嘅鋪頭。點都係賺女人錢好!

邊位女士路過見到,千祈唔好嬲呀,當我唔識欣賞,多多包涵呀。

10 comments:

梁巔巔 said...

oD女人又唔麻煩個噃~

xiao zhu said...

我都係覺得煩嘅多過唔煩嘅。

Anonymous said...

欲罷不能!!! 本來話上床訓覺﹐見了小朱篇大作。。。我有回應

男朋友幫女朋友﹐老公幫老婆﹐油手指腳指甲是很好的情趣!!!

我的老爸跟老媽子﹐雖不是油手指甲油腳指甲﹐但舊時爸爸幫媽媽剪腳指甲﹐不用媽媽彎腰 (我媽並不肥﹐也非大了肚子)﹐媽媽是十分 LUM 的樣子﹐十分溫馨!!!

哩家﹐有時回老家﹐都隅然見他們兩老互相幫助剪腳指甲。 Hahahaha!

xiao zhu said...

你講你爹媽呢種情況又唔同講法喎。呢D係咪叫做鶼鰈情深呀,簡直羨慕死人啦!

你講幫老婆或者女友油指甲油,雙方自願嘅就梗係叫做情趣啦,否則....

岔開少少,我覺得男人幫女人做嘢、例如粗重嘢絕冇問題,係應該嘅。不過好唔明點解連手袋都要個男人拎!莫名其妙!

xiao zhu said...

"本來話上床訓覺﹐December 18, 2006 4:30 AM"

嘩咁嘅鐘數都仲唔瞓,同我有得 fight 喎!

vicky said...

要在指甲上搞花臣, 首先要留長指甲,這才是問題! 藏污納垢.

外國有一美麗烹飪皇后,本來美女煮美食是賞心悅目,可惜她一手長指甲,搗著食物,令我大倒胃口兼印象深刻, 隨時記起.

xiao zhu said...

"可惜她一手長指甲,搗著食物,令我大倒胃口兼印象深刻,"

你一咁講,即刻令我聯想到0個D長到起勾嘅指甲,唔得,想嘔呀...

樂遊 said...

所以在某些情況,對住某些人,修辭是很重要的。
「我個頭set得好唔好? 」
「ok la」(真實的情況可能是:唉,好唔掂呀!都set了,唔通叫你斬掉個頭咩)

「我d水晶指甲搞得很美吧,花了很長時間呢!」
「噢!幾特別呢!」或者「啊!幾得意呢」(well,其實我見清朝人紮腳、d人穿到成身環去破世界紀錄、甚至千年乾屍,都會有同樣的感覺,「幾特別、幾得意呢」)

有時在街上見到某些人的髮形,可以說「你與那些演乞兒和露宿者的專業演員很相像呢」,或者說「不錯!頭髮夠多!」

當然別人對我也有同樣的評價,如「個頭殊到死」之類。

總之,對著某種人,盡量避免心中那句「喂!唔掂wow」。

新鮮人 said...

睇返你啲舊posts,
忽然見到你同我有一樣的意見喎! :p
http://freshdesigner.blogspot.com/2006/09/blog-post.html

xiao zhu said...

新鮮兄:

多謝造訪。竟然重摷番我D舊posts睇,多謝:)

係呀,我好怕D人搞到鬼五馬六咁,恐怖!