Friday, May 30, 2008

低落

因為那個人弄髒了地方就走了

因為頭暈

因為壞人繼續肆無忌憚

因為吃了一碗很辣的小辣米線(根本不能吃完)

因為電話還沒有響起來

因為電影要在八點零五分才播映

因為雜亂成了我的標記

因為那篇文章還繼續塵封

因為「友人」的前面加了形容詞

因為不喜歡寫 Err,卻還是不懂得用哪個中文字

因為怕又再牽動別人

因為今晚不想回家

因為興高釆烈要貼的文被突發事件卡住了

因為一條人龍在外邊等著

因為 Inbox 後面沒有再出現括號和數目字

因為灰色一直都再沒有變回綠色







能夠把因為寫出來,就夠值得欣喜了。

感謝你,總讓我任意胡亂霸佔你的兆位元組。

來也、去也

你再三的把我遺落在迷霧之中,
是要我把債務償還嗎?

曾經,
那刺耳的嘟嘟響起,
傳來的是思念!
是戲言?

現在,
要慶幸還有,
還有…
殘念依然!






聽著
終於哭了…

Sunday, May 25, 2008

並非發洩

出手相助
並非為任何回報
只覺當時你值得幫忙
我又能夠幫得上
就是了

幫了你
感到很高興
(對,我已經得了回報!)
然而
你卻令我
失義於人

我很失望
我期望…

可惜
今天
你竟然
變本加厲

我難過
不過
沒有後悔當初
我還很平靜
我會承擔

朋友
以後
你好自為之了

也謝謝你

Thursday, May 22, 2008

破題兒 — 只因這笑臉




「我們每天都要飛十幾個小時,很累,但是看到這個笑臉,就感覺到了,其實很多市民都很關心我們執行救援任務的官兵的。不過我相信這個笑臉更多的是為這個飛機上來自災區傷重病人的祈福。」一位在飛向地震災區山谷飛機上的機組人員訴說著。

一幅以稻穀砌擺出來、近百平方米的巨型笑臉,綻放著陽光與希望,展示著災民的無盡心意。

不期然立刻聯想起那個十一歲的康潔,真是的,千鈞一髮之際,死命地從學校的六樓跳下來,還能爬起來走回那同時已經塌下來的頹垣中拯救老師和同學們。

躺在醫院的床上,揚起生動朗朗的語調,娓娓道著那生死關頭的情景,是那麼的無懼。但當提到遇難的爸爸,清脆的聲音頓時變成嗚咽哭啼,唉,她如何能忘爸爸的帥臉!

最後,對著鏡頭向著災難中喪失父母的小朋友,說出一番簡而有力的鼓勵說話:「……一定要堅強的活著,你們活著是為了他們(父母)。他們雖然現在進了天堂,但是他們在上面看到你們的。」

她的勇敢、成熟,怎不令人讚嘆。


圖片來源:www.wenweipo.com

Sunday, May 18, 2008

生命

本來是想尋人,因為失了總想尋、有問題總想去找答案;又因為有一點莫名無辜的感覺,想把這點嘀咕著不快的詫異跟牢騷發洩出來;就這樣,只是想把一連串的自然反應表達出來。結果,可能,都不重要了。

發洩當中,繼續的條件反射,想了很多。鋪陳在眼前的得與失、抓緊與放棄、擁有與釋放,一切一切,思緒湧著如滔滔江河。

發覺數字是一種很奇妙的符號、工具,標記著我們如何懂得數算;可以是理性的表列,也可以是情緒衝動的宣示。當我們可以是何等精靈地數算著周遭,何曾靜心細意去數算一下自身?於是…,在這尋人的過程中、這組數字裡,我找著這些。

1. 仁 ─ 仍然相信仁者無敵
2. 義 ─ 繼續堅守正義公理
3. 生 ─ 學習接受生死無常
4. 死 ─ 努力繼續活出生命
5. (未悟)
6. (尋樂)
7. (失)
8. 敗 ─ 成敗得失本是必然
9. 疚 ─ 不讓悔疚牽扯腳步
10. 滿 ─ 享受已有、認知不足

中間缺了的5、6和7,提醒了我,尚需繼續放眼世界,用心感悟、尋找美善、自得和樂,再減少擁有、減少物慾,煩惱也自然可以減少。

十,素來代表著完滿。究竟生命是滿、是缺,有多滿、有多缺,都視乎自己如何為自己定位,不錯,是自己如何為自己,是意識、是選擇。

上面都是在上一篇貼出之後的一些零碎感悟,想不到竟然有人同時如此用心地把我的囈語去解構:

有仁、有義、有生、有死、
未悟、缺祿、無恥、
有敗、有咎,最後還有『詩』。

十項裡面竟然有七項吻合,不能不向 Inner Space 致意。而可喜的是他的解說又多帶給我兩個啟發。

他的「無恥」的「恥」,刺激我想起「痴」,嗯,要「去痴」。 另外,他也說得對,人生本來就是沒有十全十美的。

最後還有『詩』!對,生命就是一首詩歌,宇宙、自然又是如何奇異,有見羔羊、有見虎狼,但我相信,我們縱是渺小,還是可以主導參預去譜寫我們自己的詩歌的。


後記:

人,沒有尋到,卻是又已經站在那裡了。頓然失笑!

Thursday, May 15, 2008

Wednesday, May 14, 2008

14/05/2008 紀要

有啲嘢,真係要睇環境、睇心情、mood 到至講到。琴晚到今朝,都係講左好少咋,不過都已經好好喇,起碼叫做開左個頭。所以好開心!

今朝好早返屋企。

* * * * * * * * * *

同一個人,喺一日之內俾我勁鬧兩次,第二次仲係喺一個公眾場所(雖然當時周圍都好少好少人);佢真係極品、又真係好有福氣;幾多人想見我發惡都唔知幾困難。(一定有人會會心微笑。)

幾用心良苦!要冇晒儀態咁,犧牲幾大呀。係,係計算左嘅,係計算左先至做嘅,仲要一路做、一路都喺度評估、檢討、調校。(啱唔啱拍恐怖片呢?)雖然慣左做醜人,又唔介意做,不過好似今次去得咁盡,都值得寫低佢。

* * * * * * * * * *

一早鬧完人之後(第一次),跟住又要準備下晝一場談判。做做吓嘢,嗯,都係唔得,突然好想有個人了解吓呢一刻嘅我,(了解咩呢?!嘿,竟然會咁諗嘅,少有!)於是就揾左一個正在好煩嘅人傾左個幾鐘。(好,就叫佢做阿煩喇,暫時。)(傾咁耐,乜唔駛做架咩,兩個都?)

傾完覺得好開心;梗係喇,唔係都唔會揾佢傾喇。又梗係喇,吞扑吞左個幾鐘,點會唔過癮呀。阿煩成日都激我架,(其實係隔好耐至會傾一次。)不過佢又好好固喎,好多時都會讓我嘅。發覺有時同佢耍吓無賴,係特別開心架,不過我唔會濫用嘅,因為耍無賴唔係我嘅強項;(雖然我喺我個牌頭上面認左,其實應該係一個目標黎嘅,仲係學緊點樣無賴完一啲都唔會覺得唔好意思咁至得。)再者,既然有咁好,我會留番間中有需要嘅時候先至做,費事做得多會冇效。

最近幾次同阿煩傾偈,有一種越來越舒暢嘅感覺,好一廂情願地覺得,我哋嘅溝通係有提昇左。不過又都好唔開心,因為見佢唔開心。好想可以幫到佢。

* * * * * * * * * *

本來預左係一場多數都係運吉嘅談判,竟然出人意表,一開波就即刻俾人搞吋個 party。因為預左頂籠係運吉,唔係想一面倒爛尾,所以即刻做番啲嘢,(跟住有人就俾我勁鬧第二次嘞。)令到已經準備好嘅菜可以上到檯,跟住另外又有人做好做醜,結果都算做有啲進展,唔駛齋運吉。跟住劇情嘅發展,又要睇吓我點寫落去喇。

* * * * * * * * * *

返到公司好想即刻又揾阿煩。呢啲係唔係叫做食過番尋味呢?係,女人,真係唔縱得架!會得寸進尺架。

結果梗係冇揾喇,我都仲係好善解人意嘅。

* * * * * * * * * *

瞓喺梳化度瞌著左。有個SMS,阿煩好似揾到啲嘢,不過又係巡例講啲唔講啲,真係乞人憎。

Monday, May 12, 2008

思念

這刻,我在思念
所以
走進了你的思憶裡
所以
騰出了空間
讓你好好思念

Saturday, May 10, 2008

食˙色˙性

一、二、三、四、五、六、七、八、總共九個。從來都不擅於鑑貌辨年齡,想她們大概都是三十尾、四十頭吧。(還是更大?抑或只是樣貌…?)

填鴨呀、蘆筍鹿肉呀、老虎斑呀、煎大蝦呀、網網千斤呀、燉海底椰呀、還有甚麼甚麼,哎呀,八嘴九舌的,很煩!

Eye mask 呀、去皺霜呀、磨砂膏呀、蛋黃混蜜糖呀、Covermark A4鏡子呀、還有甚麼甚麼,哎呀,八嘴九舌的,很煩!

陳玉蓮很胖呀、商天鵝肥到慘不忍睹呀、伍姑娘很老呀、哪個能及嘟嘟……老呀、石修雙眼那麼腫呀、還有甚麼甚麼,哎呀,八嘴九舌的,很煩!

還有甚麼甚麼,哎呀,八嘴九舌的,很煩呀!

「喂,食嘢喇,咁八做乜唧。」

「佢地啲老公真係…唉!」


* * * * * * * * *


「睇咩唧?」

「對面果個呀。」

「長頭髮、指手畫腳講緊嘢果個?」

「嗯。」

「睇落成個女強人咁款喎。」

「應該係個見習女強人。佢 sell 緊客呀。」

「見習女強人?咁都俾你睇到!」

「佢好 aggressive 呀…」

「你有順風耳架?食嘢喇,咁八做乜唧。」

「唔知佢個男人…」


* * * * * * * * *


「喂,你做咩呀,兩頭望?」

「睇靚女囉。」

「邊個呀?喺邊檯呀?」

「唔係呀,果個呀,個女侍應呀。」

「吓,唔算好靚啫,而且都唔後生嚕喎,睇佢都應該四字頭喇。」

「唏,你鋪話法呀,就係佢都唔後生,但係佢啲皮膚幾白滑呀,五官、面型、輪廓都配合得好正,面容滲透住一點風塵味,嘩,你睇,最攞命嘅係眉梢眼角流露住一絲幽怨咁,真係我見尤憐呀;呀,啲髮質仲好柔順咁喎。」

「喂,邊有人好似你咁架,人地行到邊你就追住望到邊,我懷疑你其實係男人黎嘅。」

「哈哈,靚人、靚嘢梗係要睇多兩眼啦,你嬲我唔睇你呢?」

「食嘢啦,周圍好多人望住你呀!」

「係呀,我慣架啦。」

Tuesday, May 06, 2008

昨夜、今晨

要把所有的零碎收拾、好好的保存:
柳暗花明、BoBo鬼臉、肉酥卷、三文治、綠茶、Q12+Q13、手指、嘰咕嘰咕、興記、小碗、大可樂、那樓上的Mary、細雨、鼻頭照明燈、天空廊、大手掌、小眼睛、大眼睛、喝得很飽的03年法國紅酒、未兌現的二人二足、街頭的熊抱、微風細雨繼續…

讓此刻的擁抱凝於空氣。

請給我足夠的時間都把這些歸檔為遠古…
才叫我痴呆。


等待那老伯的輕佻;
誰個在搔我的腳底!

Friday, May 02, 2008

某時、某地、某人與某人

「食飽飯嗱?」
「係呀。咁早嘅。」
「今日收早黎睇你嘛。咩湯黎架?」
「都唔知。……唉,而家真係求生不得,求死不能。」
「咁咪好囉,咩都求唔到,慳番唔駛再求喇。喂仲有少少,飲埋佢吖,俾左錢架嘛。」

* * * * * * * * * *

「陳生,今晚 buffet 啲燒牛肉好靚喎,出面仲有 BBQ 大蝦,食 buffet 啦。」
「個肚唔夠大呀,要個海南雞飯吖。喂,一陣可唔可以送舊 cheese cake 黎食吓呀?」
「哦,海南雞飯。Err,出面啲食物人客自己出去攞架。」
「OK!」

* * * * * * * * * *

「呢張單點解過左截數時間至入架?」
「唔記得呀,真係唔記得呀,咁耐。……」
「零零丁丁一張單,點會唔記得呀?你諗清楚,呢張單好重要架,影響成條數點計架。」
「……我真係唔記得呀。」
「唔緊要啦,咁你慢慢再諗吓先喇,我俾啲時間你。係嘞,你平時會唔會幫佢地開單架?」
「好少,都係佢地自己做番嘅。」
「咁今次有冇呀?」
「有,一單。」
「邊單呀?」
「咪最尾果張囉。佢地叫我做嘅,都六點幾喇,我啱啱準備收工。」
「哦,咁係唔係即係呢張呀?」
「……」

* * * * * * * * * *

「爹D爹D!出黎吖,我想攞個芒果雪糕呀!」
「唔好喇,你頭先食左啦。」
「我想食多杯呀!」
「唔好喇,你食左好多嘢架喇!返埋黎啦!」
「哥哥哥哥,唔改幫我攞個芒果雪糕吖。」
「Adrian!」

* * * * * * * * * *

「我只會去見你一次。」
「點解呀?」
「因為見左你之後,我就唔會走架嘞。」