究竟香港地愛貓之人多抑或愛狗之人多?有朋友話應該係愛狗之人多D。以前我都覺得係，但而家我發覺又唔似係。淨係隨意瀏覽吓D網誌，有好多都係用貓嘅相做封面，或者做背景，甚至發表文章，時不時都會見到用貓做主題。都冇乜見過D狗嘅。
自細都怕貓貓狗狗，特別係狗，就更加驚俾佢咬。不過雖然好似怕狗多D，但係其實對狗都好有好感，因為覺得狗嘅形像真係好夠正氣、又忠誠，所以只要佢唔埋黎舔我，離遠D 嘅話，我又好鍾意見到狗固喎。
相反，不嬲都唔鍾意貓，可能受D故事呀、電影呀嘅影響，硬係覺得D貓好邪咁，唔聲唔聲仲得人驚。
今時今日，越黎越多人養貓養狗都唔養人。無可厚非嘅，反正都有人滿之患。
點都好，我都係唔鍾意D動物ge嘞，掂都唔敢掂添，硬係覺得好核突咁。我唯一鍾意嘅動物始終都係人，雖然周不時都唔好彩撞親都係D衰人！
丫，有一個關於養狗嘅問題成日都想知道。D人日日都要放狗，出街痾便便。究竟去完街街返到屋企會唔會幫佢洗腳架?如果唔洗咪好鬼污糟囉?同埋其實佢地周身毛，去完街咪 "痴" 埋好多灰塵?唔，跟住又抱上身玩，咦！
上映電影配合聖誕氛圍
2 hours ago
8 comments:
養狗要有點腦，不要像我弟弟的朋友就好了：
他養了隻甚麼北極雪犬。一年廿四小時開冷氣(給環保團體知道就大件事了)，又不可以帶牠散步(會熱死的)。可能是長期「屈住」的關係，牠爪爛了很多東西....真的不知那人從哪兒找來一隻北極狗。
anyway，閃閃，聖誕快樂。
咁搞笑?
養狗也好，做甚麼都好，都要用腦！
本來鐘意狗多 oD, 但自從在台灣生活過後, 變咗鐘意貓多 oD!
貓乾淨! 兼性感!
養貓狗真是極之不合衛生。
巔巔：
"貓乾淨! 兼性感!"
咦，點乾淨都係毛"sang sang"，都係容易藏污納垢。講起性感，我只會覺得佢太陰柔，令我諗起周芷若。唔鍾意！都係鍾意趙明（敏）。
寧靜：
同意。諗起仲有一樣嘢都係好唔衛生嘅，就是鋪地毯，特別係喺香港地，就更加唔適合。
趙敏, 黃蓉同一類~ 正!
但我更愛薛冰. (陸小鳳第二集的早死女主角). 哎唷唷~ 嗰 oD對白, 金庸都唔係嗰皮!
看曾慶瑜小姐有點關外人的樣﹐
是否也像 趙敏﹑昭明郡主是蒙古族美女?
巔巔：
"趙敏, 黃蓉同一類~ 正!"
可惜婚後嘅黃蓉好似"爭"咁D，應該話生完仔之後至啱。見到郭芙D離譜法，就會好嬲黃蓉咁慈母多敗兒，個無知婦孺款出哂黎，睇到火都黎埋。以前嘅聰慧、機智、亮麗、跳脫、深明大義都唔知去哂邊。最慘嘅就係俾左個錯覺人地，以為個個女人生完仔都會變到咁無知。
匿名者：
點呀，仲念念不忘曾小姐呀?
Post a Comment