IT 世界癱瘓！

嘩，幾經艱苦先至入到黎，嗱嗱lum即刻試吓打唔打到先。有D blogs 開到，但 comments 就唔得；有D就出網頁錯誤，有D仲怪誕，話我冇權限，好似 Vicky 個就係咁喇，但之前明明都曾經入到過一次，隔左一陣就唔得喇。總之一句講哂，好 meng jeng！

好同意巔巔兄所講，有乜理由D網絡供應商冇 contingency measures 嘅咩?錢就識收；仲話起碼要幾個禮拜先搞得掂，叫我哋唔好打咁多IDD 同埋冇必要就唔好上網?簡直離哂譜呀！！淨係我今日要 search D articles， 都等幾世先至出去到個 page，有D直情開唔到，喂，呢D係我必要做嘅嘢黎架！頂！

唔知今次咁樣震一震，D人會點去補飛，同點去預防日後同類情況再發生?突然諗起有個唔用電腦嘅朋友講："都話電腦靠唔住架啦！" 今次佢實行喺度陰陰笑定嘞。