瑞典一項研究顯示，蠢人原來跟香烟、咖啡因或油膩食物一樣對健康有害——跟笨同事一起工作所帶來的壓力，可能引致心臟病發！
令工作壓力大增
瑞典林德伯格大學醫療中心的研究人員說，壓力是心臟病發的頭號主因，而每天跟笨人一起工作，是破壞性最大的壓力模式之一。負責研究的安德烈松表示，他們研究了五百名心臟病病人，出奇地發現六成二人生理上只有很少普遍被認為能誘發心臟病的危險因素。
她說：「於是我們問及他們的生活習慣，差不多所有低風險病人都說，他們的同事蠢得幾乎連怎樣從停車場行往公司都不知道，而他們在心臟病發前不足十二小時內曾受其中一個『蠢人』大大刺激。」
一名女士因助手把要影印的重要公司稅務文件放進碎紙機而被送到醫院，另一男士因女同事不斷問他借塗改液去「塗改」電腦屏幕上的錯字而在桌前病發。
安德烈松說：「你可以抽少點烟或是改善飲食習慣，但大多數人處理蠢事的技巧都很差——他們認為自己無能為力，所以一味將不滿收藏心底，直至他們終於忍不住爆發。」笨同事亦會令其他人的工作量增加一或兩倍，她說：「很多研究對象同情那些笨同事，所以嘗試替他們糾正錯失。」
東方日報（2003-07-31）
（轉貼自「網路文摘」）
_____________________________________________
「嗱，開個 file save 左佢。第日如果我猝死，要研究死因，你就攞出黎，呢個會係一個好重要嘅線索。」
「哦。」
.
34 comments:
喂！唔該借支塗改液嚟吖！
我 save 錯咗個 File 名。
哈哈哈哈
放鬆D咪唔洗死囉
我身邊都有好多蠢人(包括我自己)!不過,我以為蠢人總比奸人可愛。
待人以寬,從而使得待己也以寬,相信此乃上好養生之道也:)
有趣，
幾時會有「與蠢老闆共事易爆抑鬱症」？
原來想無聲無色地殺人又唔會有罪係咁易架?!
幾好喎,
我將會是一名很厲害的無形殺手了!
唔知我平時有無殺左人呢
罪過罪過
我冇心架～唔好告我謀殺或誤殺...
噢，睇黎我要著草．．．．
你...
啱啱先知咩?
Space：
吓，冇塗改液喎，擦紙膠得唔得呀?
小寶：
唔洗死?邊個可以唔洗死呀?
Ebenezer：
如何待人、如何待己，每日都會面對不同的衝擊。難求別人諒解，只要問心無愧。
匿名朋友：
其實這段報導根本沒有指明主詞、受詞，共事的人自必包括同事、下屬和上司。
新鮮：
你?你好似未夠資格喎！咪妄想喇！你估人人都可以做到殺手嘅咩！
思..寧：
唔知好過知嘞，哈！=P
肥龍：
駛唔駛幫你揾大飛呀?
Morca：
係呀。
我都有條件做殺手噃！
Hahaha! I know this long time ago. My company is full old and stupid Canadian. I am still alive, is a curse or blessing??
小朱, 比個五我！唔係,廿個先 arm!!!
牛牛：
咦，你身體底子好好喎，有冇食咩補身架?
老麥：
"啪/啪"
比左喇，咁點解要比廿個你呀?（有對好蠢嘅眼神望住你。）
唔好呃我噃！上面都寫著：借塗改液去「塗改」電腦屏幕上的錯字喎，擦紙膠唔得過喎！
大飛? 我一個人唔識揸大飛喎．．．．（死寂．．．．．）
你望望下，實忍唔住笑。哈哈哈哈！
廿下當燒炮仗嘛！
Space：
咩唧，擦紙膠仲好呀，擦得乾淨啲架，你試吓先啦。
肥龍：
放心喇，啲著草服務好好架，有人幫你揸埋大飛，送你上路架！
老麥：
燒炮仗?要趕瘟神咩?哈哈！
唔會未夠資格卦?
如果真係咁,
我會繼續努力的,
希望可以早日成功啦!
新鮮：
哦，原來你係壞人黎嘅！咁黑心要去害人。我唔同你玩喇！
做人千祁唔好太聰明，否則下場仲慘過同蠢人共事。
C.M.：
你好驚哩?
鄧你擔心遮。
咩呀, 我絕對同意呢份報告, 最近我先差d俾個自作聰明既同事激死...明明三分鐘可完成的工作,竟然攪攪震要做多成個鐘無謂野都未做好, 真係佛都有火, 累街坊之餘仲要諸多解釋揾藉口, 原因只就係怕死唔肯承擔兼自作聰明.
人蠢唔係罪, 肯聽教聽話做好件事就無問題喇, 但人蠢又唔肯聽人勸, 仲要扮醒目, 就死有餘辜.
#$!#%%&%*(*&
C.M.:
擔心又點！
亦：
人貴自知；自知呢樣嘢，又真係好貴架，開講都有話，物以罕為貴嘛。
接受現實喇，老兄！
Post a Comment