Thursday, March 26, 2009

關於我閱讀網誌的一二

月前,何許人建議我用閱讀器,當時我的嘴還是硬的,不久我也裝置了。但其實都不明白為甚麼他要叫我這樣做,他總以為我是他肚裏面的蟲,但是他不知道蟲都要睡覺的嗎?他經常都會苦口婆心地叫我這樣那樣,其實我(多數)都會暗暗地照做的,例如每次喝奶茶的時候,耳畔總會響起他老人家的聲音!

雖然已經裝了閱讀器,我還是透過書籤欄繼續我逐家逐戶去拜訪的習慣,而不喜歡在那單調的框框裏頭搜讀字粒,總覺得這樣沒有生命、很機械化,又像循例工作或者交功課的感覺,總之就是覺得不夠人性;即使我知道是可以從閱讀器再進入個別網誌,那感覺都會折扣了。

我是個可以見到就不會單去聽、可以接觸到就不會只用眼睛、耳朵的人。所以引伸到閱讀網誌,我喜歡打開網誌來看,因為那像是見到版主的容貌。我喜歡那一下一下點擊、追尋、遇見的過程,還有的就是那種在不知情底下發現新作的絲絲雀躍,整個感覺是完整的,這些都是閱讀器無法滿足到我的。

每次當要閱讀網誌的時候,對於特別喜愛的三、五個,自然會首先點擊造訪,不論它們在書籤欄排行位置的所在,而其他的就會順着排序、隨心情去選讀。每當我心情不佳的時候,其中有兩個網誌是我必定選讀,甚至是會來回多次重複去看的。

第一個是一位網友慷慨地開放給我登堂入室走進他為自己的親親寶貝設立的私人網誌。每次見到這個可愛的小寶貝,不論她是笑、是哭,我的心情怎樣差都會笑出來的。

第二個是一個男孩的網誌,或者應該說,他在我的眼中很「男孩」。這並不是指他表現了無知、幼稚,而只是因為他的真、他的直接,還有那點點的原始粗糙感所帶來的一個微妙的化學作用。之所以這樣形容,其實並非覺得他真的很有相對的獨特性,我想事實反而是很有普遍性,只不過湊巧地在開始見到的時候他可能就是有某一丁點甚麼觸動到我而已。每次讀完他的日誌、文章,無論是平鋪敘事、是激動批判、是因病呻吟,都會令我會心微笑,又或者搖頭輕嘆,心理上都想去拍拍他的肩膀,就像是面對着自己的弟弟一樣。而這個過程和心理反應,有時或會隱隱地產生了一些洗滌的作用。

書寫網誌也好,閱讀網誌也好,其間的種種心態行為,也不失是一個個有趣的現象。意到再寫。


28 comments:

mingmanfred said...

咁啱既, 我今日都係度諗女仔係咪鐘意得閒時, 可能幾日先睇下人地blog一次, 但一次睇幾個page. 而男就鐘意check it every day.

HollyCow said...

Agree. RRS got no feel as all!
I visit my favorites sites 10 times a day!

xiao zhu said...

Ming:

歡迎你先!

點解你會咁諗嘅? 乜嘢令你覺得女仔會幾日先睇一次呢? 我係日日睇個喎!儲埋一次過睇幾篇,仲有咁多唔同 bloggers,咁咪要睇好多!?

xiao zhu said...

HollyCow:

我都係架,我鍾意果啲得閒就會去睇架喇。

新鮮人 said...

我是用閱讀器的,
因為太多BLOG友了,
這樣比較容易知道誰人UPDATE嘛,
有感覺的文章我會好有心機睇和留言架,
不會欺場的! =)

aulina said...

但係reader可以提我有冇漏睇邊個,同邊個有新文上市嘛... :)

篤篤篤撐 said...

其實, rss係點用ka?

HollyCow said...

篤篤篤撐
http://www.ruanyifeng.com/blog/2006/01/rss.html
这个很詳盡。

文風 said...

我都有閱讀器,但一樣較少用,多數仲係用番blog上條link去網友處。要知道邊位網友更新了,看sidebar的「博友新文」也可以知道:~)

C.M. said...

有日我同人捉棋,發覺對手好強。自問幾乎無敵手,次次都會諗多二三十步。嘿,但呢個對手兩三步就可以逼使我再諗過,好強。試過捉左成個幾鐘,我被逼要投降。

我覺得同呢位仁兄捉棋好似睇小珠個網誌咁,我次次都要投降。唉。

(仲有呀,小珠,你偏心!!)

xiao zhu said...

新鮮:

識你咁耐,我梗係知道你不會欺場喇,事實上都冇咁嘅需要,又冇着數嘅。

其實我係知道用閱讀器嘅方便,不過係我自己怪怪地、有另類要求啫。

xiao zhu said...

Aulie:

係呀,我知呀。不過有時個人喜好嘅嘢真係好難解釋畀人聽架,我都會死牛一邊頸架,嘻嘻!

xiao zhu said...

篤撐:

HollyCow 介紹果個連結解釋得好清楚。不過其實我都冇研究過,有人建議我用 Google Reader,我呢啲電腦白痴都識用,應該係好簡單架。

xiao zhu said...

HollyCow:

多謝你拔刀相助喎!哈哈!

xiao zhu said...

文風兄:

係呀,我都覺得裝左個 Blog List,都一樣符合到想睇最新發表文章嘅要求,而且仲方便添。

xiao zhu said...

C.M.;

投降,可以係代表放棄、跟住離場個喎!你係唔係咁嘅意思先?

我偏心? 係呀,你真係冇講錯呀,我擺到明係偏心架,你都唔知!嘿!!

小丁 siuding said...

我而家blog多過睇書,有時上網睇唔切又好想睇,就用recyle paper print 出黎坐車時看...自己都覺得係中晒毒...
係要去"沉迷上網中心"度治療
XD hahaa~

xiao zhu said...

小丁:

中毒就肯定架喇,不過你話要去"沉迷上網中心"度治療? 你有冇去錯地方呀? 去"沉迷上網中心" 咪即係會更加沉迷?!

話時話,我覺得啲 recyle paper 可以肩負一啲其他更加有意義嘅任務嘅。

HollyCow said...

小丁:
Me2, once I am on Blogs, I lost.

Also, mind you, RSS not always came thro. I found notice on comments 1 weeks later?!?

005 said...

都係架, RSS睇唔到人地轉左版面, 字形又未必表達到個blogger既風格. 個個都新細明times new roman 好悶架麻.

有時embed左D movie/mp3, 個版面又對唔齊, 甚至出唔到. 又係煩.

所以都係bookmark左, 逐個click有feel好多.

不過我覺得最可憐既, 係自己追開哥個blog, 個幾兩個月都無update.

xiao zhu said...

HollyCow:

Lost in the space!

xiao zhu said...

005:

咦...!!??

哈哈,係原來我唔算怪、定係你同我一樣都咁怪呢?

你話可憐,係你自己定哥個 blogger先?

我初初開 blog 都係因為一個人引發嘅,點知我呢頭開左,佢哥頭就唔寫喎,我都失落左一陣架。不過而家寫耐左,發覺blog 界都係同現實生活一樣,啲人總係來來往往架喇,我哋各自互相都係人哋嘅過客。

Morca said...

我自己就唔用閱讀器,因為每次走到人地個 blog 度, 都會有期盼,就係等待同希望

小丁 siuding said...

xiao zhu,
去"沉迷上網中心" 咪即係會更加沉迷
<--- 係呀,咁以毒攻毒呀麻, 用"發條橙"個種方法 XD hahahaha~

recyle paper 可以肩負一啲其他更加有意義嘅任務<--- 睇下print 咩blog 啦,...我有個朋友的blog的文字寫得好好(blog 名《碟碟不休》
http://mbh-dishes.blogspot.com/,
佢係寫食野,但係係食野當中往往表現一種對食物的尊重和人文精神...唔print出黎根本看得好辛苦...

HollyCow,
RSS 主要係個樣太醜,所以我從來唔用...
不過對有閱讀版面困難的人係好好好的平台。

anmary said...

你好啊! 我是新鮮人的blog友, 經常在他的文章留言部份中看到你的名字, 還是第一次走進來呢!

我也是跟你一樣, 不太會用也不太喜歡用閱讀器, 總覺得一個一個網誌去探訪的感覺人性得多. 有時看到對方沒新動靜, 就好像去朋友的家摸門釘一樣, 會想: 他最近是不是很忙呢? 喜歡的網誌或大家互動良好的網友我都會天天拜訪的, 除非我也很忙. 有些就會幾天才去一次. 不常update的就只會一個月去一兩次了.

網誌真的是很奇妙的, 以前從來不會跟網上不認識的人談話, 但網誌卻真正可以從文字感受對方, 認識對方, 竟然因而認識了很多朋友呢^^

xiao zhu said...

Morca:

原來唔止我一個!

xiao zhu said...

小丁:

駛唔駛好似"發條橙"咁激呀!

多謝你介紹個好 blog 畀我喎。^^

xiao zhu said...

Anmary:

歡迎你呀!我又多一個同道喇。

只要是用心去寫的,就會有人用心去讀,用心去留言的,我會更用心去回覆。這些感覺真的撩人。不過說回頭,網上世界其實都是現實世界的另一個舞臺而已。