Tuesday, February 27, 2007

孻女拉心肝

擒日阿 lu 分享咗佢做嘅一個關於子女排行位置嘅不同性格特徵嘅分析結果,跟住就唔覺意輕輕咁tag 咗畀我。係呀,我真係好鍾意做問卷架。 Here it goes!


***么兒,么女

A)一般特徵:

1. 他們永遠是家裡的寶貝, <幾兄弟姊妹中畀阿媽打得最多、最勁嘅就係我!曳曳反叛丫嘛,不過我都知阿媽心裡面都係錫我多D:)> 即使他們長大了,大多數仍看來年輕、可愛。 <咦!自己點好意思話自己年輕、可愛架!可唔可愛係人哋講先至好嘅,不過我就真係覺得自己都仲係好似細路咁架,我會同朋友D仔女爭玩 “sir” 滑梯架!>


2. 他們常比家中其他孩子更任性, <真,真到冇得再真!!> 也比較樂觀。 <錯哂!生性悲觀,細個時候已經覺得做人好苦。>


3. 他們常指望得到別人主動的幫助, <有人幫又唔拘,不過從來都唔會咁傻去指望人哋,不嬲都知道求人不如求己,盡量唔去依賴人,因為身邊亦冇人畀我依賴。> 他們也常看來較無助。 <唔係噃,D人睇我個樣好似好tough咁,覺得我好掂,唔駛幫。幾慘!>


4. 他們在生活上比較不講規矩, <一半半咁啦。日常生活都鍾意有條有理,但係間中都鍾意玩即興。> 常常遲到、拖延或失信。 <一定唔係!最爭人遲到,所以己所不欲不會施於人。失信? No Way!!從來都講得出做得到,最憎人冇口齒;所以千祈唔好輕易promise我D乜嘢。>


5. 若是他們曾受到壓抑,長大後會對公平問題特別敏感。 <細個冇受過乜嘢壓抑。由細到大都追求公平、公義,會據理力爭,如果路見不平,都會忍唔住拔刀相助。>

B)在工作中:

1. 他們是各種出生順序中事業心最差的, <中等啦。唔會刻意,但係一定全力以赴。> 他們傾向找不太費力的工作, <冇咁諗過喎。> 最好是那些能配合他們休閒生活的事。 <的確曾經因為爭取多D時間投入舞台劇活動而繼續做一份刻板但工作時間穩定嘅工作。>

2. 他們是各種排行中,興趣最廣泛的一種,所以他們通常都多才多藝,即使在運動上也是如此。 <乜嘢都想知就係真嘅,但係就一定唔係多才多藝,唔係懶謙喎,有個句講個句。>

3. 他們對涉及社交、藝術方面的工作最高興,他們在音樂、語言、藝術方面都很有表現。<其實好怕醜(不過D人唔信)、好被動,不擅交際。好鍾意唱歌,又鍾意睇畫,但係唔識個噃,講感覺咋。係咁多嘞。>

4. 他們容易成為好的合作夥伴,因為他們具備與人建立關係的能力。<好難講,係唔係好嘅合作夥伴唔係淨係睇單方面嘅,都係要睇雙方夾唔夾。> 他們習慣依賴別人(配偶或同事)為他們解決問題。 <依賴?上面講咗喇。>

5. 他們若處於負責任的高位,常會感到不知所措或不安全。<又冇覺得不知所措,不過身處困境危機時就當然會煩好多啦。都係要做架啦,係咪?> 他們缺乏自律,常難做出決定。<梗係唔係啦,我最講求自律架嘞,亦都最憎人冇自律。人貴自知。>

C)作為朋友:

1. 他們通常是最善交際、最受歡迎的人。 <上面講咗,不善交際,唔鍾意應酬。最受歡迎就一定唔係,不過心知其實都有好多朋友錫我。>

2. 若是來自大家庭,他們可能希望擁有自己私人的空間。<五口之家,唔係大,不過細個時候都已經好需要有自己嘅空間。>

D)作為配偶:

1. 他們更有興趣讓自己過得快樂,因而常會成為違反社會期望的父母。<唔明!咩係違反社會期望呀?不過整體上我有時做D嘢的確係幾逆流嘅。>

E)專家建議:

1. 要學著在必要時負起更多的責任,靠自己「長大起來<嘩,我而家負緊嘅責任仲未夠多呀?D朋友已經成日勸我唔好再做 Bionic Woman 嗱。係囉,我乖架,我係靠自己,冇曳架!>


好嘢,終於答哂!!有興趣就去阿 lu 度睇埋其他排行位置嘅特徵,咁多,我唔copy過黎喇。^_*

10 comments:

lu said...

hehehe... i guess you're just not the *typical* youngest child. probably because your own personality or family upbringing has a bigger influence than being the youngest child :)

xiao zhu said...

Yes, I think the most prominent element of being the youngest child I have is 任性! haha ^_

lu said...

hahaha... they should have that for only child as well!!!

coz i think most of the ppl said i don't appear to be like an only child becoz i don't look 任性 to them. hohoho... i'm just good at covering it up :P

xiao zhu said...

"they should have that for only child as well!!!"

係呀係呀 :)

macy said...

我是"么女"
a. "年輕,可愛,任性,樂觀,指望別人幫助,看來較無助,不講規矩, 常常遲到、拖延或失信,若是他們曾受到壓抑,長大後會對公平問題特別敏感。"

~ 我是100%準確! 係大個左先至知唔係個個會幫人,咩都要靠自己.

b. 我係無咩事業心,
but係就身刀,無張利!
音樂、語言、藝術我都唔得喎.
人際關係好架,但我唔依賴別人咯.
"他們缺乏自律,常難做出決定" 這句真吖,我最唔鍾意升職,加人工好過啦.

c. 啱晒

d. "他們更有興趣讓自己過得快樂,因而常會成為違反社會期望的父母" oh! 我話你知咩叫"違反社會期望的父母"=有別於一般父母以孩子為先,則係用晒所有自己d時間去陪個囝囡,又同佢地去join course,遊學團,睇博物館等等...我就係咁咯.雖然我會多抽時間陪個囝,但我有時會放低佢係阿ma都,自己走左去行街架^_^

>>自從做左人老婆,阿ma,老闆之後,已經負起好多責任,已經「長大起來」啦。

都係準確哦!!!

xiao zhu said...

macy,

其實分析結果中幾多並非重要,做這些問卷的過程,過了癮之餘,也是一個好的自省機會。

為我們都長大起來,乾杯!!

風信子/Hyacinthus said...

我又係家中么女,但唔覺得佢準,反而你d評語同我接近d,有時么仔女都要睇下其他組合,如年齡兄弟姐妹玩伴等都有出入...

但有樣野很準, 就算年紀唔細了, 個人心理和家人都當自己係細路,壓根兒長唔大 :p

xiao zhu said...

風子:

對我而言,我會稱之為童心。這會叫人更有動力、更吸引。不是每個人都有的。:P

mad dog said...

好長盡呀, 我都係孻女, 不過唔係拉五心臟囉. 喂, 我寫過兩篇有關birth order and personalities/marriage既文, 睇下丫:
排行第幾:
http://dorablahblah.blogspot.com/2006/07/blog-post_06.html
家中排行與婚姻匹配:
http://dorablahblah.blogspot.com/2006/08/blog-post_14.html

btw, thanks for linking me: 瘋言諷語, nice! :)

xiao zhu said...

mad dog:

我係一個work 唔算好 hard,但係 play 就一定 hard 嘅人。答問卷好好玩,我做親都一定好認真架!

The info you provided very informative and interesting. Thx ^0^

其實想link 你好耐,不過硬係諗唔到個滿意嘅名,呢個都唔係好啱心水,都用住先,希望你唔好介意。:)