Sunday, February 25, 2007

新楊乃武與小白菜

近日有blog友再談正字問題,仍然熱烈,其中當然免不了扯到何文匯身上。想這位何博士多年來全情投入去搞正字,反應如何,已經不再是我的興趣了。反而想起何才子曾幾何時也是熱衷於舞台劇的活躍份子。

他年輕的時候更曾於麗的電視演過電視劇,當過男主角。雖然生就高挑身材,且一面書卷氣,還散發絲絲憂鬱,唯仍嫌單薄,特別是面孔頗為瘦削,站出來就是壓不住台的;但值得一提的是他擁有一副磁性低沉而雄渾的嗓子,今日聽來仍然吸引。

當年他曾經和前妻梁鳳儀(財經小說作家、立法會議員黃宜弘夫人)共同自(改)編自導自演舞台劇「新楊乃武與小白菜」(清末四大冤案之一),由何飾演楊乃武,梁則飾演楊妻,而女主角小白菜就由殷巧兒粉墨演出。當年論戲,屬平穩之作,但因為有何、殷兩位好戲之人,令演出饒有味道,特別在劇終結的時候播出了一首頗為幽怨的歌曲,輕輕滲著劇中主人翁遭遇的無奈,雖然最後得到平反,但身心都已盡受摧殘了。

可惜無法找到這首歌,只能把歌詞分享一下,實在有點遺憾,因為歌詞雖然不是不好,只是還嫌鴛鴦堆砌了一點(應該是何之手筆),要配合原來的旋律,才能啖出它那裊裊哀思。作曲人是誰也不知曉,至於唱,就當然由何自己一手包辦了。


夜半鐘聲伴我眠
月滿窗 仿似人面
人面似玉更與花爭艷
光輝映照艷陽天

尚記春朝共繡簾
蝶燕飛 花吐紅艷
堤上柳綠片片鶯聲嫩
江心泛澤浪微傳

人萬里 空對月圓
隔千山 一刻多變
舊愛轉眼盡雲煙

雲滿天 霧滿園
愁滿胸 理還亂
廊外雨落細細風不斷
吹不散往日情緣

人萬里 空對月圓
隔千山 一刻多變
舊愛轉眼盡雲煙

事似煙 日似年
恨往昔 過難現
何日有夢再見卿一面
空相對 兩欲無言
何日有夢再見卿一面
空相對 兩欲無言

15 comments:

梁巔巔 said...

"他年輕的時候更曾於麗的電視演過電視劇,當過男主角。"

?!?????!!!!?!?!

我這個麗的擁躉竟然全無印象!

xiao zhu said...

係呀,係"雷雨"呀。佢做大少爺,湘漪做後母。你咁後生梗係唔知啦:P

Aulina Chan said...

我好似都睇過喎!而家講講下佢有冇少少似呀陳志誠醫生?

xiao zhu said...

aulina,

係?你有印象?!?!?!

另陳志誠醫生係邊位呀?

the inner space said...

我看過【雷雨】是張活由﹑吳楚帆﹑白燕﹑黃曼梨﹐等等中聯影星主演的﹐還有
【家﹑春﹑秋】﹐【憩園】 都是黑白製作。

the inner space said...

張活由 應該是 張活遊 才對!!! ^_*

Aulina Chan said...

唔記得係「自」定係「志」,那位二撇雞兒歌醫生... 玩本身專業不夠癮,玩演藝技不如人卻要出來獻世之流... 當然還有顏福偉... (白花油王子!)

xiao zhu said...

aulina,

啊,二撇雞兒歌醫生,係陳以誠。嘩!好頂佢唔順。老實講翻句公道說話,何文匯好好多!做戲唱歌都有板有眼嘅。

xiao zhu said...

space,

今日睇翻呢D演員嘅戲,雖然演繹方法唔同,但佢哋真係好戲。

新鮮人 said...

我淨係記得tvb 75年有套"楊乃武與小白菜"喎,物麗的有做過咩??

xiao zhu said...

新鮮人:

唔好意思,我講得唔清楚。何梁夫妻檔嘅"新楊乃武與小白菜" 係舞台劇,屬於香港話劇團劇目;而何喺麗的做男主角嘅係"雷雨"。

乜無線做過"楊乃武與小白菜"咩?邊個係主角呀?我淨係知道做過另一套滿清冤案"梁天來",當年應該係無線麗的一齊播"梁天來"。咁大吉利是嘅嘢都爭一餐!

Aulina Chan said...

爭播梁天來我又記得喎,我仲記得麗的果套正好多架!

仲有大地恩情打到輪流轉要腰斬呢!

仲有秦始王覺到無記陣腳大亂呢。

仲有還珠格格...

可惜,真是久不久才一次...

新鮮人 said...

男女主角個名我都唔識啊,
淨係知道個樣渣,
俾首歌你聽下,你聽完可能會記得:
http://freshdesigner.googlepages.com/choi.wma

xiao zhu said...

aulina,

"爭播梁天來我又記得喎,我仲記得麗的果套正好多架!
仲有大地恩情打到輪流轉要腰斬呢!
仲有秦始王覺到無記陣腳大亂呢。"

嘩,連麗的果套梁天來正好多你都知?有偈傾!^^

xiao zhu said...

新鮮兄:

首歌係關菊英唱嘅,聽番都有印象,但係就諗極都諗唔到還邊個做主角。