Saturday, February 10, 2007

25種令男人/女人心動的禮物


畀 space 兄tag 左,免為其難。我都講左啦,如果係自己鍾意嘅人送嘅、只要嗰樣禮物係有意思嘅,就算係一張白紙都可以好 sweet。物質真係唔係最重要,如果冇心嘅,送乜都假!

嚟喇!

女人篇:

1. 玫瑰:相約浪漫的愛情 – 老實講,送就要送埋花樽,唔駛我周圍揾。不過都係慳番喇,我唔鍾意睇住D生命逐漸凋謝,好傷感嘅 :(
2. 絲巾:永遠飄在心中的愛 – 唔鍾意搭嚟搭去,好麻煩。
3. 戒指:裝載一生的承諾 – 如果承諾誓言只係裝喺隻戒指度,唔記喺心咁有咩用丫。
4. 書:細細品讀的風情 – 就算知道我嘅口味,充其量都只係揀啱本書,唔會動到我嘅心,因為閱讀唔係我嘅最愛。
5. 寵物:貼心忠誠伴寂寞 – 千祈唔好揾D咁嘅嘢搞!呢個世界上,我只係鍾意一種動物嘅啫,就係「人」嘞。其他所有郁得嘅生命我都唔鍾意掂!
6. 絨毛玩具:擁在懷裡的溫暖 – 唔衛生!又冇咁得閒成日洗,兼且都唔識洗。
7. 手提袋:讓我永遠跟隨你 – 係唔係即係手袋呀?唔係嘛,手袋咋喎,咁就心動?
8. MP3:心舞飛揚伴歌行 – 一向都唔贊成D人用headphone呢類嘢聽嘢,長時間對耳仔聽覺唔好架。
9. 化妝品:畫出花樣年華 – 除左上台做話劇,平日我都唔化妝嘅。
10. 披肩:演繹雍容華貴的風情 – 又係要搭嚟搭去,咁麻煩,保暖又唔夠暖。學巔巔話齋,送衫好過啦。
11. 鏡子:紅顏青絲兩相宜 – 咩意思呀!
12. 玉飾:溫香暖潤在心頭 – 如果係對方嘅傳家之寶,唔計較價值,最重要係意義;唔,咁都有得諗嘅。
13. 巧克力:永遠的甜蜜感覺 – 除左Lindt嘅Thins間中都會食吓之外,我都唔係點食朱古力嘅,甜嘢唔啱我。
14. 旅行:一起走過千山萬水 -- 好,呢樣鍾意。
15. 茶:品茶如品人 – 中國茶,需要好有閒情先至享受到,我而家嘅生活節奏配合唔到。奶茶就由細飲到大,太普通了。
16. 高跟鞋:女人的驕傲與自豪 – 過去10年,平均每年著高跟鞋的次數唔多過20次。信不信由你。
17. 房子:給愛找個家 – 如果大家關係正常嘅情況下送嘅,又唔拘喎!不過冇都冇問題。
18. 香水:聞香識女人 – 連妝都唔化,又點會噴香水咁 “痾個” 呀。
19. 情詩:那無法抗拒的魔力 – 如果文才真係好,寫得有heart嘅話,咁就真係會心動嘅。
20. 筆記型電腦:E時代的秘密武器 – 我對新科技總係有DD恐懼,都係麻麻。
21. 手錶:讓愛與時間共舞 – 呢個都幾好!
22. 寢具:幸福就在身邊 – 識唔識揀架?
23. 梳子:穿過萬縷柔情 – 吓,送梳?
24. 車:野性在風中張揚 – 要送埋司機喎!我有車牌,但係唔揸車,因為多嘢諗,唔想出事累街坊。
25. 皮草:溫滑如夢的柔情 – 點打理呀,咁麻煩!


男人篇:

1. 領帶:愛在頸間纏繞 – 好鍾意領帶,但係自己又唔帶得,所以鍾意買嚟送畀人。
2. 襯衫:品味與自信的絕佳展現 – 屬於日常用品,需要就買,冇乜特別,著嗰個都變到老“馮”喇。
3. 名錶:讓光陰與愛同在 – 如果只係「名」錶先至心動嘅,都唔抵送啦。
4. 皮帶:栓在腰間的氣宇非凡 – 唔駛咁多條啦,都係送領帶好D。
5. 打火機:野性與溫情同在 – 食煙冇益。
6. 手套:保暖我們的愛情 – 無程程,帶咩手套啫?
7. 皮夾:隨身攜帶的牽掛 – 見佢用到爆哂邊都唔捨得揼,我感動就真。
8. 名筆:獨有的名士風韻 – 成日唔見嘢,盞哂錢。
9. 書:思考與智慧的累積 – 簡直合哂河車啦。
10. 皮鞋:相愛就是一起走 – 襯衫一樣,需要咪買囉。
11. 菸斗:一絲菸香一縷情 – 一定唔會呀!
12. 酒:紅著臉說LOVE – “紅著臉說LOVE”,聽落係男送畀女飲啱D喎。
13. 咖啡:濃情蜜意香滿心 – 唔贊成飲咁多咖啡。
14. 茶:一道甘醇的風景線 – 都唔錯。
15. 車:像風一樣馳騁 – 唔駛諗,買唔起。
16. 毛衣:穿上溫暖與柔情 – OK嘅。
17. 刮鬍刀:刮去鬍渣,盡顯清爽 – 日用品,送左都唔覺特別。
18. 牛仔褲:自由與率氣的最佳代表 – 真係著至買。
19. 香水:男人的氣味名片 – 唔好喇卦!
20. 公事包:盛載男人事業的祕境 -- 都可以嘅。
21. 太陽眼鏡:你的清涼我的愛 – 冇乜特別。
22. 照相機:愛情與回憶並肩同行 – 有時間影相咩?
23. 音樂CD:隨音符跳動的愛情 – OK啦。
24. T恤:運動的青春活力 – 冇乜特別。
25. 釣竿:享受閒適人生 – 我都唔鍾意釣魚,送左咁咪唔可以同我一齊享受囉?唔得!
嘩,都好費神架!邊位兄弟姊妹有興趣就自己嚟喇喂 :)

12 comments:

梁巔巔 said...

Wahahahaha~~~ 完成壯舉, 好嘢!

睇完, 不得不講一句, 小豬果然非一般女性.

與別不同, 特別, 正! :)

暗黑的卡夫卡 said...

"1. 玫瑰:相約浪漫的愛情 – 老實講,送就要送埋花樽,唔駛我周圍揾。不過都係慳番喇,我唔鍾意睇住D生命逐漸凋謝,好傷感嘅 :("

Maybe, just maybe, you will like these swaroski's flowers!
http://www.crystal-fox.com/index.cfm/swarovski_mothers_day_crystal_collection.htm

xiao zhu said...

kafka,

Thanks so much for your early morning flowers :)

Yes, spiriutally satisfied is more important for me.

xiao zhu said...

梁公子:

"久違"了!!冇見"一排",一嚟到就咁笑我 :P

Anonymous said...

是另一個境界!

如果唔TAG 豈不錯過了?

Anonymous said...

都好難買野俾你喎...

xiao zhu said...

space,

"是另一個境界!"

你覺得係咩境界?不食人間煙火?定係太現實呢? :)

xiao zhu said...

mad dog:

"都好難買野俾你喎..."

Welcom 先!

睇落又真係好似好難服侍咁啊呵? 其實又可能係好易話為架咋,最緊要都真係有冇heart!講真,我係好易氹架:)

英倫肥龍 said...

如果唔送司機, 不過有乘客得唔得? ^^

xiao zhu said...

肥龍:

吓,冇司機、有乘客? 咁邊個渣車呀? 你諗掂佢先喇。:P

Anonymous said...

戒指:裝載一生的承諾
我的最愛
three storiesstorystory meaning电影哲理化妆课程此去经年林徽因因為懂得,所以慈悲Romantic VeniceRomantic Utopia安頓自己張愛玲的寂寞沙洲冷啼血杜鵑,極致一生開到荼蘼立地成佛淡藍的愛情亞麻襯衫化妆课程Denmark因為懂得,所以慈悲希拉裡安娜﹒卡列尼娜
love鳳凰和麗江時間的灰燼楊柳岸曉風殘月憂傷的旋律寂寞在唱歌

xiao zhu said...

匿名朋友:

你張貼這麼多不同的連結的用意是甚麼,煩請明言。