地球繼續轉（二）

才點了菜不久，一位疑似女部長的人走過來。

「你要油雞呀呵，欸，咁要幾多呀？」

「咪一碟囉。」

「要半隻定一隻呀？」

「咩話！你講多次！」

「一係半隻，一係一隻。」

「唔係有樣嘢叫例牌嘅咩？！我兩個人咋噃！！」（想打人！）


* * * * * * * * *


「你都冇食藥，點解呃我呀？」

「我冇呃你呀，我話我一定會食，亦都的確有食。」

「你仲話有！」

「我係有呀，不過呢兩日冇，我唔需要解釋點解呢兩日唔食。嗱，你唔好再講落去喇吓！」


* * * * * * * * *


「天賜俾你有咁高嘅智慧，你就將自己鎖埋，咁係錯架，咁樣做都對唔住個天呀。」

「好明顯，咁就係個天嘅錯喇！」


* * * * * * * * *


「佢話呢輪好忙，所以少左陪我，不過我知道唔係。」

「你點知呀？」

「佢攬住我果陣都唔同左以前喇。」

「不如你諗吓佢仲肯攬住你俾個解釋你，都唔係咁差啫。」

「乜你唔係話講乜都冇用，行動先係最實際咩？」

「係吖，我唔會雙重標準架，所以你同我講咩都好，咁你而家會唔會 take 咩 action 吖？

「……」

「唉，你唔好忘記我都有講過話，女人最緊要知道同識得幾時聰明幾時愚蠢呀。」