Monday, December 01, 2008

無知婦孺問...

有人話:「芭堤雅烏塔堡軍用機場面積細小,運載能力有限,……加上每一班航班都要得到軍用機場核准。」

無知婦孺問:「係試過安排唔得所以唔做、定係諗住都係唔得所以都唔駛做呀?咁點解中國同澳門又得嘅?」

有人話:「包唔包機係冇意思。」

無知婦孺問:「吓,結果有冇意思同實際上有冇意思去做幾時變到同一個意思架?」

無知婦孺又問:「幾時啲官員連[講左等於冇講]嘅應酬技巧都唔識(定係慳番),變到開親口句句都要撩罄人嘅?」

18 comments:

新鮮人 said...

連問咗我想問嘅問題!
問得好,
不過佢哋答唔到,
班狗官正廢柴,
唔x唔得! =E

Anonymous said...

為何總要待港人在彼邦發生事故後,才懂得行動呢?為何總不能站在市民的角度,急民之所急呢?如此政府官僚,怎不教人痛心失望!

seikomatic said...

豬豬,

林真d,駛鬼直吮咩?而家好快就港人治港啦。

The Inner Space said...

既然無希望過,
無旨望過,
無期望過,
又點會有失望呢?

根本就未曾擁有,
何來會言曰失去?

xiao zhu said...

新鮮:

我有時會諗,係唔係全部都真係咁廢呢? 好唔明囉!

xiao zhu said...

Shek:

從理性角度去看,本來兩件事是沒有直接的因果關係的,只是這個政府實在處理得太差勁了。

xiao zhu said...

大師:

小豬愚昧,唔明喎!

xiao zhu said...

Space:

既憤怒,又無奈。

Anonymous said...

尋晚仲有人將個責任賴落航空公司度呀!

樂遊 said...

中國歷史上,講親低能領導人,都會舉晉惠帝「何不食肉糜」的故事,現在應該要讓位給特區無法安排和突然安排到包機事件。這件事,真係「令人髮指」「駭人聽聞」,出唔到機,甚至話泰國特別憎香港飛機都不是理由,何況甚麼「技術困難」甚麼「評估局勢」;政府野野都話背靠祖國,老董又遺下祖訓「中國好,香港好」,pk曾、食屎光何不找個普通話流利的官同上面當局溝通溝通(如果唔方便同澳門開聲),叫大陸整多架機 / 整架大D ge機去順便接埋本港同胞,然後放低他們在廣州又好,上海又好,入境處再去接他們回港,咁樣又得唔得?請一班政副局長,再加一班政治助理……成班人想一些東西都想不出?仲口口聲聲話對抗金融海嘯,唉!講真的,這次事件使我對政府的失望更甚於當年老董找人大釋法後。

xiao zhu said...

小寶:

以前啲官員做唔到實質嘢,都會講得兩嘴。而家果班,啲質素差到都唔知點形容呀。

xiao zhu said...

樂遊兄:

呢啲係唔係叫做低處未算低呢? 除左憤怒、無奈,真係好羞家呀!

Anonymous said...

鼓掌!

Anonymous said...

>除左憤怒、無奈,真係好羞家呀!

講真當初唔肯包機都係因為冇個官話得事遮
(最終問題:邊個有權動用公帑比錢包機)
唔得又得應該係後面話得事果條粉腸終於肯up頭咁簡單!
咁一早叫果條粉腸企出黎up個頭咪得囉
如果局長唔話得事褒tie得喇卦?

一個各自為政缺乏跨部門協調能力既政府無異一盤散沙
做事從來都只衡量經濟效益而冇人情道義道義可言
入洪門都徦徦地都仲有阿公大佬照住同你講「雷」氣呀
交稅養埋d咁既官?真係@#$*@#$@#$

seikomatic said...

豬豬,

你想要咩只要開口問,議員就會唱,政府就會比。吮咩姐。

xiao zhu said...

小寶:

有人鬧李少光點解唔提早返港,搞到保安局冇人揸 fit 話事拖慢決策,所以要向佢問責。嘿,佢返唔返其實又點會淨係佢自己嘅決定吖!唔通呀,老細話有緊要事叫你即刻返你會夠膽唔返?!所以最終要問責嘅應該係佢老頂。

非常時期、非常情況就一定要非常處理,如果連至大果個都唔做嘢(唔理係無知唔知要做、係無能唔識點做,定係無良唔覺要做),咁李生就算冇出門都一樣冇包機架喇。

xiao zhu said...

樸老:

唉,可惜鼓掌唔係為開心事呢!

xiao zhu said...

大師:

(芝麻開門,芝麻開門)明白了,明白了!