打緊八號風球、十號風球就去游水、滑浪。
人哋國家內亂，局勢緊張，政府已經發出勸籲，都仲繼續出發去嗰度玩。
人哋國家內亂，局勢緊張，政府已經發出勸籲，都仲繼續出發去嗰度玩。
$&#*+%x@#z*$y&#+%x@#z
記者：「你知唔知入境處嘅緊急求救熱線呀？」
甲：「唔知呀，冇去 check 喎。哈哈哈。」
記者：「你驚唔驚去到出事返唔到黎呢？」
乙：「哦，我諗有左上次嘅經驗，政府今次應該會搞得好架喇。」
$%&#*+%x@#z*$y&#*+%x@#z&#*+%x z*$y&#$&#*+%
頂！！
47 comments:
哩啲人又係真抵鬧,
成咗都唔洗恨!
新鮮：
我仲未㷫完呀！
>>成咗都唔洗恨!
係唔係 typo 呀? 唔明嘅！
算啦
this is hong kong!!!
難得佢地仲相信政府！
又真係無話可說。
我諗起上次包機事件，
有好多人走左政府數仲未收番錢喎。
喂！新移民呀？香港人嘛！有多D文化人好似你咁，陶杰就唔会堪稱「香港第一才子」啦。魚塘無魚蝦最大！等近日D加拿大真正新移民(大陸人)罵得我地D老移民(HK人)咁高兴。
拜托「香港第一才子」囉。
思..寧：
唔算都唔得，可以做嘅咪發吓牢騷囉！
荒木茂：
相信政府? 哼，我話佢地係不負責任嘅人就真呀！到有事果陣就淨識鬧政府，好似係人哋累佢地咁！上次出事都話情有可原，有過上次嘅經驗，啲人仲冇有識死。唔通真係唔去會死咩！
HollyCow：
我不是文化人喔，只是普通市民。但是陶傑，就不屑去談了！
昨晚回老家飯聚,
space 媽看到香港人的大無愄無懼精神,曼谷政局如此還要上機去泰國.
她老人家連郁人大舊長毛都罵埋,殃及池魚乃因這郁人上次罵政府罵得勁.
今次有班政棍 backup, 隨時有包機返港,顧他們冇有怕也!
谷歌搜尋: 社民連的黃毓民批評特區政府在處理滯留泰國港人問題上反應遲鈍，黃毓民指當局判斷錯誤，草菅人命，令香港人心死,云云。
HollyCow said...
喂！新移民呀？香港人嘛！有多D文化人好似你咁，陶杰就唔会堪稱「香港第一才子」啦。魚塘無魚蝦最大！等近日D加拿大真正新移民(大陸人)罵得我地D老移民(HK人)咁高兴。
拜托「香港第一才子」囉。
——————————
哈哈...真係 holly cow'ly agree!
今朝問個阿嬋，佢話有得退團費佢地會即刻取消，因為冇得退所以「硬著頭皮」去... 我冇嘢好講，原來佢地咁多個人安全唔及皮幾嘢囉!!
如果发生什么事，真是浪费香港政府的人力物力。
Space：
上次政府的確處理得唔好，不過一單還一單，今次啲人真係好離譜，你話我黑心都係咁話，如果真係出事，呢啲人真係唔抵幫呀！
Ingrid：
香港如果多啲呢啲咁嘅所謂才子，死得快啲添呀。
Aulie：
唉，點止呀，琴晚訪問一個男人都係咁講呀：「畀左幾千銀架，唔通唔去呀！」嘩，幾鬼理直氣壯呀。
今日見到另外一樣仲勞氣嘅事呀。啲旅行社幾離譜，竟然同啲人講話「唔駛驚，安全架，有保險包架。」吓！咩話? 撇開有事保險包唔包嘅問題，唔通死左人果陣，你可以安排我條屍返香港，咁呢啲就叫 OK、冇事呀?！！最攞命嘅係真係有咁多人為左冇得退團費而揾自己條命去搏。呢啲究竟係咩人黎架！
越講越火滾呀！
EvilaqiEr：
就是嘛！今晚新聞已經報導說政府正與航空公司商議增加班次，讓在泰國的港人可以早點回來，更不排除會安排包機。
怎不令人憤怒！本來就不應該發生的。
要玩激, 照去, 唔緊要.
重點問題係, X, 咪有事嗰時呱呱叫~
中國人真係好難理解的生物！
而香港人也真真正正的回歸祖國！
到有事發生時，
他們一定大聲叫囂。
巔巔：
有事嗰時唔呱呱叫至奇啦。
呢啲就叫做累人累物嘞。
香港人係唔見棺材唔流眼淚！
荒木茂：
如果話難理解，咁人呢樣嘢根本都係好複雜嘅，並唔係話中國人定外國人邊種容易啲或者難啲理解。
我哋住喺呢個地方，咁當然可以好近距離咁睇到晒呢度嘅好與壞。相對於第二啲地方、國家，我哋又係唔係真係知道、了解得咁全面呢? 就算睇番國內，唔同嘅省分、城市之間都會有唔同嘅個別地方文化而帶來衝突。
我個人覺得基本嘅人性係唔會因為唔同嘅人種而有太大嘅差異嘅，只不過滲入左唔同嘅文化而有唔同嘅表達而已。
Long：
唉，其實見到有啲咁嘅人，真係幾心噏架。
不過咁，雖然我係好睇唔過眼呢啲咁荒謬嘅人同事，但係我都只會話「點解香港咁多呢啲人」，而唔會話「點解啲香港人咁架」。
唔知道由幾時開始、由邊啲人開始，好多時會見到某啲事件、情況會被普遍化、現象化黎報導，久而久之，將人嘅判斷力擾亂、理性減退，對社會會造成好多不良後果。
我相信香港仍然有好多人係好清醒嘅。
唔好意思，因為我見到坊間好似越來越多人利用不同嘅傳播媒介講一啲不負責任嘅說話，擾亂視聽，所以我特別執著於說話嘅用字措詞。
老人家一次衰,就把他們定性了,若要翻身,若要平反,要加倍努力. 不過他們不十港島東,不用理采.
咁, 好彩香港都重有咁多你咁清醒既人囉. 重有得救既.
我都係好激氣～
$&#*+%x@#z*$y&#+%x@#z
$%&#*+%x@#z*$y&#*+%x@#z&#*+%x z*$y&#$&#*+%
點解咁多密碼嘅？
Space：
定性！多謝你提醒我有呢兩個字，我唔係冇聽過，不過你提醒左我原來我冇用過呢兩個字。
我覺得呢幾年好似突然多左好多所謂評論員（仲話係專業嘅果種）嘅人，題外話，係唔係標誌住社會、文化進步呢? 講番轉頭，我又覺得佢地非常懂得用自己支筆、自己把口，透過不斷開拓地盤，去做嘢；而其中有一部份就真係好叻去玩定性遊戲。無論咩人、咩事，一落到佢地手上，都首先會被定性，哈哈，跟住就係萬劫不復嘞。
（有冇覺得我語無倫次呢?）
怒眼：
嘩，咁好黎探我呀，好開心呀！
你讚我呀? 唔好呀，你睇上面，一讚我就語無倫次喇。
點都好，雖然香港有好多好多嘢都令人失望，不過我仲未覺得佢冇得救喎。
米搞：
我一見到呢啲咁無理、荒謬嘅事，真係好忟好忟架！
樸老：
哈哈，畀外星人睇架。你唔知道我個 blog 喺好多行星好受歡迎嘅咩?（除左一個。）
在新聞看見某某旅遊社如常出發，因為錢不得退回，若要回錢要先付百幾元的「手續費」，旅客因為怕蝕底也照去可也，究竟錢重要還是命仔緊要？
唔關我事，但我每次見到都覺得痴線！
Siukwan：
有時真係覺得好匪夷所思。
哈! 哈!哈! 多謝你發表"定性"的論點.
家母她沒有地盤,但她都有留意留心,香港的時事架.
今早和她通電話,她又在罵長毛,但我已唔記得咩事嚕.
她很關心民生問題,是出於一片好心,合不合理,炮發得準唔準,就一喇.
>> ... 點解香港咁多呢啲人！！
呢啲人嘅 Mentality 係 wishful thinking 加埋 taking chance : 無事嘅,壞事唔会係我度發生,去摶一搏!!
所以赌徒無所不為: 炒樓,炒股,字花,牌九,跑馬,打風去滑浪,暴動去去曼谷 .....
摶!! 摶!! 搏!!
Space：
我說的當然不是指伯母啦，而是那些唯恐天下不亂的人。
微豆：
呢啲人算唔算係無知呢? 抑或無知果個係我呢?
百有, 有時都幾一意孤行架, 她發皮氣時,冇人敢出聲.
微豆说得对。搏!!就還是HK人從藉民地教育出來的心態，文化！
除咗邊一個呢？ 請問。
Space：
>>有時都幾一意孤行架,她發皮氣時,冇人敢出聲.
哈哈，要黎形容我都啱喎！
樸老：
咪就係地球囉。呵呵呵！
HollyCow：
每個地方本身都會有佢嘅文化及族類共同性，但係唔等於所有嘢都可以一概而論嘅。
我諗有好多人同我一樣，都係土生土長、接受地地道道嘅英國殖民地教育，而又仍然能夠有自己嘅獨立思考力同判斷力，冇受到荼毒。
每個人應該為佢自己所選擇所做嘅負責。
政府可以做嘅其實係有限。
維京人：
本來當然應該係咁，但係實際上好多時當發生啲咩事，好多人都會賴三賴四賴政府，賴乜都好，總之就一句講晒，自己就冇責任係喇！
xiao zhu,
嗰几日係電視見人上飛機去泰國, 我都忍唔住鬧. 真係唔明啲人為左個1千2千搵命博, 其實由上次事件之後, 嗰邊都仲未定, 我地都有諗過想去嗰度玩, 因為啲旅行團同package都好平, 康泰仲有買2賣1!
好明顯嗰啲"史"都要去玩的人, 係貪平, 貪平者點會為左示威而放棄大啦啦1,2千呢!
我地自己平時去旅行都會抄定個求救電話及醫院位置, 呢啲人有咩事真係唔好怨, 係自己攞黎.
Macy：
總之真係乜人都有喇！
哈哈哈~~
我又打錯了,
唔係typo,
係倉頡的"mnp",
積係"死"字!
我真係唔識"死"囉! =p
Post a Comment