Monday, January 12, 2009

地球繼續轉(三)

「喂,真好味。」

「喂,我頭先係叫三加六固喎,你黎錯左個五加九呀!」

「阿靚女,等我睇睇先呀吓。嗯……唔係喎,你係要五加九喎。」

「我明明係話三加六架,我都唔食淡水魚、又唔食韭黃嘅,咁點會叫五同九唧!」

「哎呀,咁換番俾你啦,但係冇乜嘢剩嚕喎。」

「咁究竟仲有咩吖?」

「嗱,有蒜茸大白菜、韭黃芽菜炒肉絲、麵醬豆卜蒸鯇魚、雙花炒鮮魷,冇喇;你咁晏至打黎。」

「咩話!……」


* * * * * * * * *


「點解食左咁耐啲藥仲有咁多架?」

「我想測試吓啲藥嘅功效之嘛。」


* * * * * * * * *


「一直以來,你對我嘅寬大同包容,每次我想起都熱淚盈眶。喺你身上,我學到好多;我希望你可以好似俾機會我咁,俾多一次機會我公司!」

「你仲未明白點解我唔再同你公司做生意!」

「其實係我引起嘅錯,唔關我公司事。既然你可以體諒我,點解唔可以接受我公司?」

「唉,你要我講幾多次?你睇,一年喇,你公司嘅負責人從來都冇現過身、或者做過任何嘢。你明嗎?其實我要嘅係比道歉仲要低層次呀!而家你仍然係以你自己嘅身份同我談論呢件事。可唔可以對我公道啲呢!」

「我老闆工作好認真、對員工又好,而且都有盡最大嘅努力去做神所要求嘅誠信。請你再考慮;神係公義嘅,如果我哋做錯,上帝係會出手教導嘅。」

「你老闆好有福氣。我無意、亦都冇資格去審判任何人。我一路都好努力、好審慎咁用緊神俾我嘅自由意志;神係唔會偏私嘅,就讓神去繼續教導我哋喇,好嗎。」


* * * * * * * * *


「我唔明呀!」

「你肯唔肯定如果你真係明左,你就會舒服啲吖?」

「我唔知,但係我而家真係好唔舒服!」

「如果你已經選擇左聰明地去扮演一個愚蠢嘅角色,咁你要連戲至得格。」

12 comments:

Anonymous said...

《《「喂,真好味。」

我初初第一次讀,以為你真喺食咗五加九,覺得好好味道,但點解又投訴唔喺三加六呢?都食咗囉,間鋪頭有肯換嘅?卒之讀多兩次,明白嘞!

個間鋪頭叫『真好味』。


《《「如果你已經選擇左聰明地去扮演一個愚蠢嘅角色,咁你要連戲至得格。」

正乘負得負
負乘正得負
負負就得正
正正就是正
數學是衡有的理論,放諸各方面都正確,沒有改變!


唉!吾老矣!:(

篤篤篤撐 said...

三加六、五加九???????

C.M. said...

小珠!

雖然食野求其d,唉,其他都算喇。

(其實我要嘅係比開心仲要低層次呀...)

Anonymous said...

食物的配搭總是令人出人意表
更何況是外賣呢
唔好成日食外賣啦
無益呀
多d返屋企食啦
(屋企d餸唔駛揀咁多野,只有食同唔食!)

如果係抗生素
你就好快d食晒佢

信仰的應用是因人而異的
不可強求
不過見到你咁樣
又覺得你好辛苦
不過你好有勇氣
敢於處理自己剩下來的爛攤子
比心機呀
你一定可以處理到的

連戲?
都要睇下係邊個導演先得架
可能我無藝術細胞啦
呢d野我好差
連戲唔一定唔好
可能會庶套戲帶來更多的衝擊

xiao zhu said...

Space:

真係唔好意思嘞,你知我不嬲寫嘢都鍾意冇頭冇尾架喇,累你睇到R晒頭,希望唔會甩好多頭髮啦。

係呀,『真好味』係間外賣店嘅名囉。

>>數學是衡有的理論,放諸各方面都正確

呢個我冇特別思考過,不過我素來都認為好多嘢,包括科學,當去到咁上下嘅層次嘅時候,最終都離唔開哲學。

你老? 咁我咪係人瑞!!

xiao zhu said...

篤篤篤撐:

哈哈,係咁嘅,間外賣店有唔同嘅餸可以拼合,兩餸又得、三餸又得,每日都有大概十樣餸揀,編晒冧把,所以咪3+6 呀、5+9 呀咁囉。

xiao zhu said...

C.M.:

咩唧咩唧,咩算喎!有嘢咪講囉。

其實低層次、高層次,去到唔同人嘅身上,都會唔同架。

我要求果間公司負責人做嘅,對佢黎講的確係好低層次嘅嘢,其實唔難做到,但係對我黎講,就有好深嘅意義,所以,點解我更加要堅持。

而你要嘅,對我黎講,其實係好高層次嘅嘢,囉!

xiao zhu said...

思..寧:

晏晝唔食外賣我就冇嘢食架喇!

哈哈,我突然諗起,點解叫抗生素嘅? 抗生咁咪即係想死!!(嗱,咪鬧呀!)

欸,唔知你會唔會誤會左果段對話裡面兩個人嘅身份呢? 我係拒絕同果間公司做生意果個。不過講真,要去拒絕一個好人,都係需要好大嘅勇氣嘅,尤其是人哋習慣我不嬲都好包容。(不過我自己都真係有好多爛攤子要處理!)

邊個係導演、邊個係編劇? 抬高頭咪見到囉。不過,連唔連戲,我覺得都選擇嘅,雖然係有限度。

Anonymous said...

原來你午餐,不過我係帶飯既,所以我都係食住家飯...

係wor,你咁講,醫生開抗生素既時候係咪叫人去死,哈哈

我又真係調轉左黎睇wor,無論點都好,拒絕一個人真係好難,有太多hard feeling啦

有限度既選擇總好過無選擇,好多時導演就係想睇你有無勇氣去做呢個選擇 - 回轉...

新鮮人 said...

麵醬豆卜蒸鯇魚、雙花炒鮮魷
都是我喜歡食的啊!!! =p

如果有個員工會咁樣維護自己公司,
那是公司的福氣了,
難得個客會咁好心機慢慢解釋,
真係少見啊!

聽明和愚昧只差一線!

xiao zhu said...

思..寧:

我不帶飯的其中一個原因是,我不喜歡預先定了明天吃甚麼,不太適合我的即興性格。

唏,抗生素,同 "救火" 有異曲同工之妙呀!

"Say No" 之所以被認為是一門學問,主要是針對心裡因素而言。但除了要過到心裡關口,最重要的還是如何能另對方接受你的 "No" 而心服口服。

xiao zhu said...

新鮮:

淡水魚就一定 No way 架嘞,本來雙花炒鮮魷都唔太差,但係我係食肉獸黎架嘛,咁點得呢!

只要我認為值得嘅,我一定好有心機去解釋嘅。我都同佢傾左幾次,傾左很多人生哲理添。

聰明、愚昧,唉,有時都真係幾難分架。