Tuesday, January 13, 2009

給何許人的信

何許人:

今早起床的時候想起你,想起一個月前的那個晚上,你聽著我的哭泣,還要搜索著話題的絮絮不休;剛好一個月了。

從來都未試過有這個需要—想有人聽我的哭泣。

最近真的想了很多、很多事情,除了在想是否需要定期影相之外,還有很多呢。哈哈!頗有趣的。你想聽嗎?就當是讓你有個藉口(理由)去教訓我吧。(唏,想清楚才答,不要掃我的興啊。)

真的,最近值得開心的,就是你剛才的這通電話。

謝謝你的心血來潮。

xiao zhu


p.s. 這幾天天氣那麼冷,突然有點掛念著她;她好嗎?想她會感到溫暖的。

12 comments:

思..寧 said...

真正的朋友出現了
總在你需要他時

定期映相?
記錄自己每天衰老多少嗎?

seikomatic said...

豬豬,

用相機手機同自已影張相,將來會有領匯...

xiao zhu said...

思..寧:

我是懂得感恩的,我知道自己身邊總有天使的。

定期影相,係要黎...有需要嘅時候用囉。

xiao zhu said...

大師:

其實呢,我呢,部手機係冇影相功能架,仲有呢,我得一部用135菲林嘅O冧巴士傻瓜機,仲要係三年冇用過果隻。

又其實呢,唔駛等將來都已經有好鬼多領匯喇。

思..寧 said...

咁你身邊一定好多天使
呢d就係你既福氣

咁你應該去映下d證件相,一定有用,而且好平

我部手機都無得映相架,連聽歌都無

xiao zhu said...

思..寧:

你講得冇錯,喺我心目中,你都係我嘅天使。

>>我部手機都無得映相架,連聽歌都無

哈哈,原來唔係得我一個咁 out 架喎!好嘢!

思..寧 said...

多謝
在這個時候聽到自己成為別人的天使
心中自有另一感受

我之前唔見左部電話
之後一直都無錢換
所以咪用部cheap機law
即係信用卡既禮品呀

何許人 said...

何許別人:

今天終於找到理由,可還是待下次心血來潮才來掃你的興。

她一定感到溫暖,因為有人掛念著她。

請叫那麻煩xiao zhu不要只顧影相,還有記得叫她讓人感受溫暖。她,可會發光發熱的。

xiao zhu said...

思..寧:

當我認知到自己的身邊總有天使的時候,我才察覺原來自己也一直是很多人的天使。相信你、我都一樣。

不過有一樣唔同,我一直都係用緊 cheap 機!哈哈!

xiao zhu said...

阿何生:

阿麻煩 xiao zhu 話喎,佢其實都係得個噏字,都懶到出汁,點會真係去影相吖。佢話多數都會用西式,不過都係要再問清楚先喎。

跟住阿麻煩 xiao zhu 又話哩,佢可以發光發熱,知道左十世嚕喎,所以就戇居居咁係咁發,發到而家自己都開始有啲發冷、發 ti tun 咁話喎。

何許別人上

阿何生 said...

何許別人:

何許人哀嘆,不是不想投豬所好,但不知何解每次總要投豬忌器。反射天性使然。

阿何生字

xiao zhu said...

阿何生:

xiao zhu 話哩,你寫啲嘢好深呀,佢而家睇到發緊忟憎呀!

我多口問句吖,其實同相生相剋有冇關架? =P

何許別人上