Sunday, November 25, 2007

氹氹轉,菊花園

上星期古思哲踢了我。有點奇怪,這個 tag 其實很普通,問題不甚吸引,又不算是甚麼有趣的,(跟我個多月前答過的都一樣普通,)但卻似乎很多博客都有寫及的。為了較易作答,哈哈,我沒有跟隨規矩,參考了其他博客的,改動了數個題目。


1. 小時候的理想是什麼?
(理想唔同志願架可?)世界上再冇人捱窮。

2. 這輩子最快樂的是什麼事?
喺最意想不到嘅時候同自己鍾意嘅人一齊。

3. 你喜歡的顏色?
紫色

4. 你有多久沒有傻笑了?
冇幾耐之前(對住個 mon)

5. 你最想去哪個地方?為什麼?
最想去邊度就唔想講。至於點解想去?想搵人。

6. 最受不了自己哪個缺點?
懶囉……呀,咪住,唔係,其實答案應該係「冇」呀。唔係冇缺點,而係冇乜缺點係自己受唔住嘅。不過懶散就的確係我最大嘅缺點。

7. 如果有不開心的事情,你會怎麼辦?
收埋自己一排,到咁上下時候就出番黎。

8. 四季裡喜歡哪一季?
秋天!秋天!秋天!

9. 五年內比較現實的目標是什麼?
雖然時間過得快到令我震驚,呢一刻問我,覺得五年都係太漫長嘞,可能係受過去五年嘅影響太深;仲要係「比較現實」添?咁我更加答唔到。

10. 如果你得了絕症你會跟家人講嗎?
會嘅,不過未必即刻講,要睇吓係咩絕症、嚴重程度、同可能用到嘅治療方案,仲有要睇吓會有幾多時間剩。

11. 說出你對點你名的人的觀感。
對思哲有份特別感情,因為佢係早期首先到訪我個 blog 嘅其中一人。佢,好感性。覺得佢要追求嘅嘢,其實係好簡單,不過佢仲未理清啫。唔緊要,佢仲年青。

12. 孤獨是什麼?
一個人囉。(我諗原作者呢度嘅意思係解寂寞多啲。)

13. 喜歡什麼類型的人?
有內涵、心地好,嗯,要叻。(一定唔可以悲觀,咪實會同我攬住一齊死。)

14. 你對你的近況滿意嗎?有什麼需要改變?
如果話唔滿意,自己都會覺得有啲唔好意思,因為幾時都係大把人慘過我。不過真心去答,係真係唔滿意。需要改變嘅,而又可以自己話到事嘅,就只有自己。

15. 你會用什麼方法去面對討厭的人?
一般情況下會若無其事咁。盡量唔會俾一啲自己唔鍾意嘅人影響自己嘅情緒咁笨。

16. 去過最美的地方是哪裡?
諗左好耐,諗唔到。

17. 你吃過最好吃的是什麼?
某年端午節同朋友去望夫山,(當時大家貪得意,我話邊個話端午節一定要游水架,我偏偏就要去行山。 [哈,其實係因為我唔識游水就真!])問題係冇準備嘅情況下就去左,水都冇支,結果渴死咁滯。返到市區喺油麻地一間茶餐廳一坐低就叫左杯菠蘿冰,嘩。係咁耐以黎最美味嘅!

18. 如果能讓你實現一個願望,會是什麼?
所有嘅願望都能夠實現。

19. 喜歡怎樣的二人世界生活?
兩個人囉,兩個人可以一齊就點都得。

20. 你曾經愛上過同性嗎?
冇。調轉就有!


無甚新意,這個「氹氹轉」不再轉下去了。(本來心目中倒有幾位網友想踢的,因為他們都很少接這類的 tag,但又怕他們不喜歡,為免為難,還是作罷了。)

26 comments:

VC said...

"所有嘅願望都能夠實現。" 是很可怖的!

如果一念之間的怪念頭都成真...

xiao zhu said...

哈哈,呢類嘅笑話都唔少。不過如果要好認真咁講,於我,願望同普通一個想法或者念頭係唔同嘅。

嗱,咪又再捉我字虱或者抽我後腳喇吓!^_*

新鮮人 said...

紫色帶點悲哀喎!!!
唔通你喜歡食葡提子?? :p

xiao zhu said...

新鮮:

唔係呀,我覺得紫色代表浪漫喎。而且最緊要自己點睇,啲人夠成日話秋天特別惹愁思,咩秋風秋雨愁煞人啦,以悲觀嘅我黎講,我都唔覺得秋天係咁。我反而覺得秋天天氣爽,個人都會開心啲。

Anonymous said...

紫色幾好呀
我都鍾意呀!

19. 喜歡怎樣的二人世界生活?
兩個人囉,兩個人可以一齊就點都得。

yeah
絕對同意
只要係同自己鍾意既人一齊,咩都唔做都係一件幸福既事

思..寧

xiao zhu said...

思..寧:

可以同自己鍾意嘅人一齊,的確係好幸福。

小貝 said...

設計師會認為紫色庸俗,
所以佢地成日都係著黑色...
依我所見
我覺得紫色好高貴就真=)

小豬一d都唔似悲觀的人
反而,
我感覺你很開朗呢!

(胡說八道中)

xiao zhu said...

小貝:

如果以著衫黎講,紫得黎靚嘅唔容易揾,仲要有咁上下氣質至襯得起。唔靚嘅紫色係可以好好好核凸。

小貝,我係好悲觀架,不過我又可以好開朗。喺我身上,係可以揾到好多矛盾面架。

Haricot 微豆 said...

"... 一定唔可以悲觀,咪實會同我攬住一齊死... "

第13号: 看了好笑,但細想,也是明智之舉。船在大風浪中,一定要有一個人做anchor呀!!

xiao zhu said...

微豆:

人貴自知嘛,清楚自己的優缺,就會知道怎樣打算。

新鮮人 said...

有時間去三人後花園看看!

seikomatic said...

最寂寞系同一班討厭既人一齊。

對付最討厭既人系唸往生咒,希望佢早登極樂,或者心經,彼岸先渡。

俺曾經想叫自已d仔女做紫圖/紫桃。

二人世界系當有一種無名、超越空間的溫暖盈繞心坎。

俺最憎D有內涵同叻既人,因為佢地眼里面只見到塊鏡。俺中意D比較白痴既細路。

xiao zhu said...

大師:

寂寞係美人魚。

大師鍾意比較白痴既細路,我鍾意赤子之心。

樂遊 said...

你小時侯的理想真係好偉大。如果你早幾十年出世,可能同老毛一起搞革命,根住同哲古華拉去古巴搞革命。

xiao zhu said...

大師:

孤獨係形態,寂寞係心境。寂寞係訴說不得、思念不得、愛不得。

xiao zhu said...

樂遊兄:

搞革命? 我懶成咁,點革到命吖!

seikomatic said...

人群中斯人憔悴是孤獨,因為話不投機,心使然。形態看不出。

可以說,可以思念,可以愛,但苦無對象,對象錯配。到頭來眾人居就是寂寞處。

美人魚仍然有美皇子,只系物理空間有小小阻礙。心里無寂寞而是歡愉。

水仙花最寂寞。因為追求完美既人永只有一條無盡不歸路。

xiao zhu said...

大師:

對呀,其實依你所說,寂寞處,無處不是。

美人魚有口不能說,王子根本就不懂她的心意,何來歡愉。

seikomatic said...

咦...俺睇 Little mermaid 炸。

心無掛礙,遠離顛倒夢想。

即世間即涅盤,天堂無求。

xiao zhu said...

大師:

係囉,我都係睇 Little Mermaid 架咋!

大師,小豬都不過是一隻普通的小豬,也喜歡做一隻普通的小豬,怎會心無掛礙?

天堂地獄一念間!

seikomatic said...

小豬嘛,到你變中豬果時就會知道無常之苦。

普通豬有唔普通既思想,所以先會有唔普通既心路。唔好成長咁快。

xiao zhu said...

大師:

豬生而為豬,就得嚐無常之苦,哪管是小是老。普通的含意,就是每一個都自有其獨特。敢問大師,可有妙法能延緩成長?

seikomatic said...

SKII 俺唔 recommend 因為 personally 唔中意個代言人。

試緊 Olay 7 days...所以都唔敢講。

心方:明白無常、執則苦,捨則豁。

偏方:魚肝油+A+E+C+【赤子】,或【白痴無添加率性細路】兩個煎服,四碗水煎成一碗。日服逾月,停一月,再服一月,週始三服為限。則見神效,延年益壽,與天比齊。孕婦風寒忌服。

xiao zhu said...

大師:

真係好嘞,咩SKII 呀、Olay 呀咁,我通通都唔用架。

執則苦,呢個我明,路不拾遺,好細個都有學,所以我都盡量唔會亂咁隨便去執嘢架。

至於偏方所用嘅魚肝油,呀大師,據我所知,(深海)魚油(含DHA & EPA)會更加有效,魚肝油其實是多吃無益的。

另外呢,大師你話"延年益壽,與天比齊。"咁我想問,到時真係與天比齊嘅時候,有冇人陪先。如果冇人陪嘅,咁我就唔制喇。

seikomatic said...

豬豬,

無慾無執,究竟涅盤,與佛菩薩齊。

寂寞夫?眾生未渡,執苦未脫。發慈悲心,關愛眾生,豈一夕半刻能遲?

xiao zhu said...

大師:

明白物皆虛空,卻未願與佛菩薩齊。凡人苦樂,也統於自然,故亦自甘安於自然。無慾無執,於我,本唯慾唯執。只愛每飼定有肉有汁,暢快矣。