Wednesday, July 25, 2007

感動

今朝早坐喺度一路食緊美心排飽(搽左啲 margarine 同埋花生醬)、飲奶茶,[註:以上早餐食左超過十年,日日如是,都冇厭。]一路望住外面嘅藍天白雲,諗番起琴日有個網友話,見到有啲 bloggers 啲中文咁好,好感動,所以佢去買左本文學巨著返黎睇,希望學好啲中文

我聽左覺得好感動,香港好多讀番書嘅人,都唔識點樣去欣賞中文,莫講話諗起去學好啲喇。

突然諗起古人話:「三日不讀書,則義理不交於胸中,對鏡覺面目可憎,向人亦語言無味。」我對上一次係幾時讀過書都真係諗唔起,即刻不期然咁望吓塊鏡。(都仲OK吖。)又突然諗起細個嘅時候阿哥話:「咩病都有得醫,係蠢就冇得醫。」(佢講親呢句,我都會悻悻然咁用對眼倔住佢,倔好耐。)而家我就會話,仲有懶都係冇得醫嘅,尤其是先天性嘅添。我認命架!:P

後來講起「天水圍12師奶」本書,佢又突然彈左幾句說話:「我買六合彩呢,有時會諗,呢個世界,實在有太多人比我更應該中嘅,好似天水圍12 師奶啲人咪應該中囉。

我聽左之後,真係好好好感動。心裡面諗,究竟呢個世界上有幾多喺福中嘅人真係識得或者會去意識到其他人嘅存在同埋需要呢?

係呀,我係好容易受感動架;見到美麗嘅人、美麗嘅事都會感動。當見到或者聽到人哋嘅不幸或者傷心,又會好容易喊;不過硬係自己啲唔開心,就 “jit” 極都冇一滴。

鍾意睇 blog,係因為鍾意睇到唔同嘅生命,可以開到眼界,再睇到自己係幾渺小、有幾不足。當然仲有一個原因,就係唔駛好似睇書咁長吖嘛,冇計,先天性嘅病真係冇得醫,真係慘。

喺呢度,見到好多好美好真好善嘅人、見到好多有情有義有火嘅人,我都好鍾意;呢啲人令世界加添美麗。不過我都見到有啲虛偽嘅人、唔識得尊重人嘅人、自以為是嘅人,見到果啲刻意經營嘅包裝,簡直令我作嘔,我更加羞與為伍。係呀。

嗱,呢篇唔再咁文縐縐啦、又唔隱晦啦,唔駛咁出力都睇得明喇啩。

話時話,突然又諗起有啲網友提過唔會用廣東口語寫文章咁岩岩慚慚,亦有人會稱之為冇乜文學價值。哈,做乜嘢都係各自投其所好,各取所需啫,反正寫 blog 啫,我又唔係咩文學家,又冇諗過要靠文字維生(畀我就肯定揸兜都得嘞!),我只會用我認為喺寫果刻最能夠表達到我個,咁就得架嘞。所以之乎者也又好、的麼了吧又好、嘅咩嘞嚕又好,甚至 #@$*#&@ 都好,邊樣啱 feel 我就用邊樣,唔理咁多架,反正我樣樣都識少少。哈哈!

112 comments:

英倫肥龍 said...

樣樣都識少少, 可以做代表.

除咗「三日不讀書,則義理不交於胸中,對鏡覺面目可憎,向人亦語言無味。」外,我更加覺得 「三日不看扑,對自己亦語言無味。」

不過呢篇呢, 都要出少少力先睇得完. 無辦法, 排完洪, 心靈比較脆弱. ^^

s-pig said...

同意呀...

寫blog,afterall,係為自己而寫既,文言得、白話得、廣東話都得!!得左...hahahaha

>>好容易受感動...好事黎呀...眼裡面睇既野係美好,個人都開心d啦,你話係咪...

The Inner Space said...

隨心所欲!

可不美事?


但祇可以你是單身獨身的﹐有了另外一半﹐
「隨心所欲」只是空談了。

shek said...

懶......似乎我倆是病友!

Old Cake said...

Xiao Zhu,
"希望學好啲中文"

You are great in writing Chinese in my book.
What about me? hehe I am bad in writing both the Chinese and the English. You are killing me here. haha

"以上早餐食左超過十年,日日如是,都冇厭."

Please stop using margarine on your bread everyday! I know it tastes good and it may not be fattening but Margarine is bad for the body. It elevates the risk of having coronary heart disease. I have not touched margarine myself for over 5 years. Just a friendly advise...

The Inner Space said...

margarine
peanut butter
都是「反式脂肪」Trans Fat!

ah-yun said...

margarine? um, I'm a butter person. :P

I always remind myself, it's just blogging, don't get too serious, don't be too mindful of how others see us. Just be yourself, and write whatever you like. Who cares! Haha. :D

我都好中意美麗既野。我都越來越容易被感動。

Gideon said...

感動死 ^^~

Old Cake said...

Space,
Natural peanut butters do not contain hydrogenated oils (Trans fat). I only used natural peanut butters nowadays.

Karelian said...

「三日不讀書,則義理不交於胸中,對鏡覺面目可憎,向人亦語言無味。」我都成日想起呢句至理名言,所以我每日死人都要死去睇一篇文學作品,咁就可以keep住個靚樣了。哈哈。

Anonymous said...

"嗱,呢篇唔再咁文縐縐啦、又唔隱晦啦,唔駛咁出力都睇得明喇啩。"

之前都明架,不過大家對明嘅定義唔一樣之嘛!:P

買六合彩果段,有時都覺得係,好多人應該中多過我,所以買嘅時候都係抱注,做善事嘅心態,唔中又唔會唔開心,因為我有份「煲」個千萬富翁出力架!哈哈!

vicky said...

如果美心執笠, 小豬以後冇早餐了.

Anonymous said...

藍天白雲呀...

我查過啦,呢隻係台灣既「淨化歌曲」,係台灣七十年代時推動「愛國教育」用既,同「淨化歌曲」相對既,就係好似鄧麗君果種軟綿綿既「靡靡之音」,即係聽左會令人心「腐化」既歌.

我知道鄧麗君,青山,張韻(其實我都唔知呢位係咩人)都有唱過,都搵唔到佢地有cd收錄,我仲去埋藍營網頁同搵過兒歌,搜過哂HMV同Hong Kong Records都無,真係俾你呢題難題考起!

同埋呢...嘩你呢篇文某d points,我想對號入座喎,等我做返個好美的靚仔都好丫.

^_^

The Inner Space said...

東海堂都有排飽賣!

樂遊 said...

我身患兩種絕症:又蠢又懶!
嗚嗚嗚~~~
所謂小隱隱於野,中隱隱於市,大隱隱於blog。睇blog就是讓自己見識不同的高人和發現自己的低能。

said...

其實好難相信你係唔睇書o既人...

xiao zhu said...

肥龍:

代表,做緊啦。:P

點呀你,好番未呀?

xiao zhu said...

s-pig:

我更係話係啦。哈哈,同你真係份外親切嘅,嘻嘻!

xiao zhu said...

Space:

我發覺你個腦硬係成日諗住同一個問題嘅唧,講親咩你都會聯想到呢啲嘢嘅。:P

xiao zhu said...

Shek:

真係?!哈哈,我最鍾意有人陪架嘞。不過我係懶到出汁喎,我諗你冇我咁嚴重嘅。^_

xiao zhu said...

Old Cake:

唏,就算真係唔好唔係問題喎,其實我提出嘅係識唔識 appreciate 嘅問題。

我都知道margarine 唔係幾好,我每次都係搽好少,有啲味咁囉。不過你再咁講,唔,我都會再減少食嘅次數架嘞。得閒走去啲 green shop 睇吓先。多謝你提醒我呀。

xiao zhu said...

yun:

多謝你咁遠都飄到黎呢度呀!

我係架,唔理咁多架,唔通喺自己嘅地盤都仲要問准人哋點做咩? ^^

xiao zhu said...

鐵鎚:

兄弟,咩咁感動呀又? ^_*

xiao zhu said...

Karelian:

我肯定你係靚爆鏡定嘞(唔係反話呀,真架!)

我冇架,我懶到甘願冒呢個險,都係唔睇架嘞。我仲係食老本架咋,暫時都仲見得吓人,再遲啲就唔知嘞。哈哈!

xiao zhu said...

3:

以你嘅聰明,我知道你真係明嘅。

講到六合彩,我真係冇買架,自知道冇橫財命,慳番。

xiao zhu said...

Vicky:

你冇講錯,真係會有影響架,我淨係鍾意食美心過隻。不過,我諗唔會執嘅。

xiao zhu said...

魔術師:

真係好唔好意思呀,哂你咁多時間去搵。原來有咁嘅典故,真係唔講都唔知呀。張韻我都未聽過喎。

嗱,你係唔係好美嘅靚仔呢,我就唔知(問吓七十先),不過我覺得你都係一個有情有義有火嘅人囉,完全可以對號入座架。~_~

xiao zhu said...

Space:

我以前都講過我唔食東海堂個咯!:P

xiao zhu said...

樂遊兄:

呢度所提嘅兩種絕症,是旦患一種都已經足以致命,所以一種同兩種都變左冇分別架嘞。又所以你放心啦,點都好有我陪你嘛,患嘅已經係末期架嘞,分分鐘快過你架。唔駛喊喎,互相扶持喇!^_^

怒火眼睛 said...

zhu 呀zhu, 你唔好再強調自己懶呀蠢呀咁啦. 你水平咁高都咁謙, 留番碗飯俾我地食好喎.

你呢,易感動,惜福知足,重咁有才華添, 真係一個幸運兒,好高興我地有一點點網緣.

xiao zhu said...

米搞:

哈,你睇唔到我篇文裡面講話,每次我阿哥講親「咩病都有得醫,係蠢就冇得醫。」,我都倔住佢咩? 你唔畀我真係天資聰穎架? (嘔吐中!)

哎呀係呢,係真架,點解冇人信我嘅。我冇乜耐性架,真係十年逢一閏就會睇一本半本囉,同埋間中有特別原因或者心血來潮,就會睇囉,例如你果本喇(哈哈,因為新詩+插圖,夠短,啱我啲懶人。),渣爺個仔都係,一篇篇獨立嘅,唔駛連貫嘅,就會睇囉。^_

xiao zhu said...

怒眼:

激死我喇激死我喇,我有果句講果句咋!你哋唔好咁啦。嗱,好似你咁,一睇你啲文就知道你真係讀書人喇,我呢啲寫黎寫去都係果兩句,點都比唔上嘅。真心架!

我覺得同你有啲緣架,如果唔係點會畀我夢見必必呀。真係好想"mit" 吓佢呀。哈!

新鮮人 said...

哎呀~~次次都遲人幾步架,
打開你個留言板,
次次都要將個老鼠滑輪向下拉幾廿次先至到板尾,
真喺好死鬼多人留言畀你呀!

你講得啱呀,
呢篇真喺唔洗估.
我終於睇得明喇,
哈哈哈~~~
以前都曾經掙扎過唔好寫多口語,
而家我諗通咗啦,
口語都喺文化黎,
亦都是文化變化的一部份,
阻唔到嘅,
要正統,
唔通要我哋寫返文言文咩?
咪玩啦,要嘅不如叫我去死啦,
點識寫喎,
學過識少少,
識得略為欣賞吓古人嘅作品就算架啦,
邊樹有咁文多現代文人喎,
好悶架,
我講粗口就叻,
咬文嚼字咪咬親我條脷,
咪玩啦! :P

Gideon said...

為你既感動而感動,互相感動囉哈哈

xiao zhu said...

新鮮:

"我終於睇得明喇"

啊,咁你以前留言原來一路都係扮明架咋? 咁我要多謝你咁夠義氣,定係嬲你唔老實好呢?:P

"學過識少少,識得略為欣賞吓古人嘅作品就算架啦"

完全同意呀,我就係咁架喇。^_^

xiao zhu said...

Gideon:

其實我明嘅! ~_~

Todd said...

可能我年紀大左,學懂左欣賞多D,所以成日都會為左D小事感動。

譬如上星期六,睇國寶展時啦。
又好似放假見到藍天白雲,去影花啦。
又例如,睇到你呢篇文啦。(真架...) =)

xiao zhu said...

Todd:

發出的信息、所講的說話,能夠得到共鳴、讓人感動,就是一份最美好的禮物。Todd, 多謝你!^^

macy said...

排飽+margarine+花生醫,我都食左好多年咯.哈哈!但係有時都會食下白麵飽. ^_^

”「三日不讀書,則義理不交於胸中,對鏡覺面目可憎,向人亦語言無味。」”
係哦! 嗰種唔睇書的日子,覺得好無聊,仲口淡淡,好寡! 

”「咩病都有得醫,係蠢就冇得醫。」”
但係我又懶又蠢...死梗,無得e!

會感動,表示你是個有血有肉的人哦,有人性,有良心,有咩唔好?!

Hyacinthus said...

較比起前幾篇,呢篇輕鬆好多...

「三日不讀書,則義理不交於胸中,對鏡覺面目可憎,向人亦語言無味。」
今日讀了呢一篇,個人當堂靚左dd :)

xiaozhu,熱血兒女真性情,重情也重義,但也要記得凡事不要太執著,這會苦了自己!

Anonymous said...

喜歡看妳的blog,更喜歡妳這種爽朗的真性情!

The Inner Space said...

Quoting:


Space "我發覺你個腦硬係成日諗住同一個問題嘅唧,講親咩你都會聯想到呢啲嘢嘅。:P :0"

"我以前都講過我唔食東海堂個咯!:P "


不記得是何年聽過「鄭少秋」唱的「做人愛自由」之後時刻對記著。

不論東海堂﹐美心﹐其他的排飽我都食﹐淨吃齋的﹐不塗任何﹐已經很好吃了。

xiao zhu said...

Macy:

咦,你都咁食排飽嘅咩? 嘻嘻!

好似我同樂遊兄咁講,唔緊要喇,我哋有伴嘛。幾好呀。

"有人性,有良心,有咩唔好?!"

梗係好喇,好好添呀,我都唔知幾自豪呀!

xiao zhu said...

風子:

你咁博學多才讀咁多書,我諗你一定係靚到"dum" 一聲定嘞!

風子,我知道乜嘢都有代價嘅,我攞起一樣,就要放低一樣架嘞。暫時我仲滿意於自己嘅選擇。仍然好多謝你嘅關心提醒。^^

xiao zhu said...

Lilac:

返黎嗱!!多謝你呀。~~

C.M. said...

新鮮人:

查實我係見到你番話先留言架咋今次...
(唔知我會唔會比小珠剷呢?)

小珠:

你點呀?心情應該好d啦卦,千祁唔好刻意經營包裝呀。

xiao zhu said...

Space:

你唔係嬲啊可?! :P

我果句唔係講笑,但係亦都冇負面嘅意思,我其實有啲慨歎,不過唔知你明唔明。

xiao zhu said...

C.M.,

Why!!





The Inner Space said...

o夏? 嘍? 冇咁易!!!


不過點解你會理解我發嘍呢?
唉!唉!我的文字功夫真太膚淺低能!


唔好意思! 令你誤會了。

xiao zhu said...

Space:

我唔好意思就真。總之你唔係就得喇,我而家對眼睇得唔係好清,唔打咁多嘞。

The Inner Space said...

51 ....!

o夏...對你眼有事要唔要去
浸會睇睇醫生唔好掉以輕心!

梁巔巔 said...

呢篇睇得明少少.

Anonymous said...

"鍾意睇 blog,係因為鍾意睇到唔同嘅生命" exactly! 所以特別鍾意好個人好生活化既blog, 簡單又舒服.

小貝 said...

第一次看到你的blog, 我覺得

好精彩!

xiao zhu said...

Space:

我冇咩,眨多兩吓眼就冇事喇。多謝你關心!*_*

xiao zhu said...

巔巔:

咁你明邊啲唔明便在啲呀? 睇吓我幫唔幫到你。

xiao zhu said...

小貝:

多謝你,多啲黎坐吖。^_^

xiao zhu said...

Mad Dog:

如果多啲人能夠做多啲令人舒服嘅嘢,咁世界都靚啲。~~

梁巔巔 said...

"咁你明邊啲唔明便在啲呀? 睇吓我幫唔幫到你。"

我 _ 嗡 ja~~~~~~

"如果多啲人能夠做多啲令人舒服嘅嘢,咁世界都靚啲。~~"

我成日做咖

新鮮人 said...

我諗到啲,
又未必喺你講嗰啲,
所以一向都喺估估吓囉,
有邊頭會明哂人哋講啲物吖,
有時我自己都唔明自己講啲物架! :p

xiao zhu said...

巔巔:

係咩,你真係有成日做咩? =P

xiao zhu said...

新鮮:

哈哈,我講笑咋,我梗係多謝你嘅支持喇。學你話齋,邊得黎乜都明得晒呀? 唏,不過有一樣唔同,我知我自己講乜架,嘻!^^

The Inner Space said...

唔好戴太久隱形眼鏡!

xiao zhu said...

Space:

唔係呢個原因呀,errrr,其實...係受左啲突如其來嘅刺激,隻眼有啲條件反射嘅反應啫,已經冇嘢嘞。^^

said...

哈哈

我都終於睇得明喇!

^_^

xiao zhu said...

易亦:

咁駛唔駛慶祝吓咁呀? ^_*

said...

好呀!想點慶祝呢?

英倫肥龍 said...

今朝係咪又食排飽、飲奶茶呢?

xiao zhu said...

易亦:

好,就同你隔空對飲,(我得奶茶咋噃)勝嘅!~~

xiao zhu said...

肥龍:

早晨呀,係呀,食左喇。

不過我最近多左一個選擇,有一間麵包鋪嘅餐飽都OK,而家一個禮拜有兩日會食餐飽,冇搽嘢。^_

K said...

呢篇明呀!

我都好喜歡睇blog, 因為明白別人所思所想。

不過, 我的中文水平麻麻, 你都係唔好學我好啦!

Old Cake said...

"而家一個禮拜有兩日會食餐飽,冇搽嘢。^_" <---What a good girl!! hehe

xiao zhu said...

Hi Karen:

唔好學你咩呀? ^^

xiao zhu said...

Old Cake,

haha, me good girl! Well I'm thinking of make it every other day for 餐飽. It's quite nice. ^_

The Inner Space said...

真牛油餐飽好正!

shek said...

我想Old Cake意非指餐飽,而是「無搽野」,沒有搽上任何含有反式脂肪的東西,所以才對你有如此稱讚,可見他頗關心你的健康!

xiao zhu said...

Shek:

我是明白他的意思所指的。也真的多謝你的提醒和關心。~_~

xiao zhu said...

Space:

你所說的真牛油餐飽是指有用牛油做的餐飽,還是茶餐廳的那種牛油餐飽呀?

梁巔巔 said...

餐包搽勁多牛油 (注意! 係牛油!) 然後浸落滲湯度 or 入牛奶, 正正正正正正!!!

Haricot 微豆 said...

"... 鍾意睇 blog,係因為鍾意睇到唔同嘅生命,可以開到眼界 ..."
I share with you the same sentiment.

"... 不過硬係自己啲唔開心,就 “jit” 極都冇一滴。..."
Past emotions can be like an old suitcase down in the basement. It's there, packed, locked away and untouched.

It takes a little bit more effort, but I do enjoy reading your dialogues in the HK/Cantonese native tongue :)

xiao zhu said...

巔巔:

唔,要搽牛油,我就唔會浸落湯;要浸落湯,我就唔會搽牛油。

xiao zhu said...

微豆:

I can still remember your suitcase which you once opened it, very clear in my mind.

Hey, do my HK Cantonese diaglogues help you catch up with something here? ^^

K said...

係唔好學我:

咬文嚼字, 加埋超多廣府話!

xiao zhu said...

Karen:

唔係呀,我唔覺喎,睇得好自然舒服呀。^^

Karmen said...

我都同意淺字係易於明白, 但"古文" 又有一番味道, 只要係講緊心裡面的感覺就得lu...

有時寫極都覺唔係好啱feel, 就真係 "蚊爭" la... :p

xiao zhu said...

芬:

心想甚麼,手寫甚麼就是了;若是寫不出,那就不寫好了。不用特別著意經營,就不會覺得躁了。^^

惡女 said...

小珠,很高興認識妳,真的。

The Inner Space said...

用真牛油搓埋入麵粉做的餐飽﹐已經很好吃。不是茶餐廳的牛油餐飽﹐或是菠蘿油。


我想巔巔兄所指是FRENCH BREAD 法國飽的「打死狗」餐飽﹐硬挖挖的﹐塗了牛油還要擺落餐湯裡面才吃﹐巔巔兄懷念他在魁北克的日子﹐所以提出來擺落餐湯裡面才吃!

不過我喜歡剛焗好的「打死狗」香脆的微熱再塗滿真牛油﹐不用湯已經很好吃。

xiao zhu said...

惡女:

Me too!^^

xiao zhu said...

Space:

我唔鍾意食打死狗,不過要食就梗係新鮮焗出黎果時搽牛油最好食喇。基本上食嘢我係鍾意多啲享受果種食物嘅原本味道,所以,我都係唔會放落湯度。

The Inner Space said...

買了「打死狗」返來﹐多用焗爐翻熱﹐塗上真牛油吃的。

有時塗蒜蓉再焗﹐蒜味香噴噴的﹐勉強可以當蒜蓉飽吃。

xiao zhu said...

Space:

家中沒有焗爐。=P

很多人都是這樣做蒜茸飽的。

The Inner Space said...

我買了個小型的焗爐﹐
小得祇能翻熱意大利薄餅﹐
以上講的蒜蓉飽﹐
還夠位做焗飯。

The Inner Space said...

噢! 不是整個意大利薄餅﹐
有時吃剩一兩塊﹐帶回家的。
香港不見有一塊塊意大利薄
餅售賣的。

The Inner Space said...

做挶焗飯﹐可以最普通的焗豬扒豬排骨飯﹐焗海鮮飯也不錯﹐豬排豬扒較容易做﹐海鮮可以用魚蝦青口﹐更復習的可以做焗蟹飯﹐
嘩嘩蟹汁流到飯裡﹐吃時頂瓜瓜!

xiao zhu said...

Space:

好彩你講清楚啫,我仲以為擺得落成個薄餅添。嘩,你都好識煮嘢喎,我就唔識嘞。得閒寫吓啲食譜吖。^^

said...

嘩!乜你個個POST既回覆都過百咁濟架

真係跟少眼都唔知自己上一個reply去左邊

係咁不如幫你推夠一百囉

飲勝呀!我得水添咋!哈哈

xiao zhu said...

易亦:

邊係個個咁誇呀,咪玩喇。

有情就飲乜都得。^_

The Inner Space said...

小朱姐:


我都是學緊﹐靠朋友口述﹐自己記著﹐回家照板煮碗﹐尚在試驗中!

The Inner Space said...

oh should be
"照辦煮碗"
又寫白字﹐慚愧!!!

xiao zhu said...

Space:

嘩,聽你形容焗蟹飯,就知你掂喇。記得多啲分享你啲經驗喇。

The Inner Space said...

第一次用新鮮花蟹唔錯﹐但要焗好之後再﹐要落手折肉來吃。

還有朋友建議用羔蟹﹐不過我唔食蟹羔無聽佢講。

我轉用日本超市的長腳蟹雪蟹﹐折肉之後﹐鋪在飯面焗﹐效果不錯!

xiao zhu said...

Space:

你都幾有心得喎。講到我都好想食呀而家。^_

shek said...

單看Space兄的文字描述,足已使我差點兒垂涎欲滴,可見文字的感染力,遠較圖像強烈。圖像直接刺激感官(以視覺為主),文字卻引發腦力活動(如思考及聯想),所以武俠小說較武打連環圖來得給引!
當然有指導作用的讀物如食譜,若徒靠文字,難免單調乏味,必須輔以圖片闡明才夠吸引。Space兄若要登出他的食譜,煩請圖文並載啊!

xiao zhu said...

Shek:

還是你夠細心。完全同意!^^

The Inner Space said...

小朱姐:
Shek兄:

多謝兩位捧場!

那些用真蟹腳﹐折肉出來的蟹柳﹐當然不及坊間買的假蟹柳好看美觀。但日子有功﹐我現在折蟹腳肉的技巧進步了﹐真的是一根一根的真蟹柳。

再看蟹肉的紋理﹐原來假蟹柳的仿真度極高﹐當然食味和口感不可比爾。不過對於假蟹柳﹐我還沒有放棄﹐吃的放湯的即食麵﹐我還是喜歡加入同食。

The Inner Space said...




講到文字技巧功力﹐說來慚愧﹐當初學人寫網誌﹐也是想練習中文書寫﹐希望能做到不被誤解﹐不被錯誤解讀。有很多還要多向各位學習。

xiao zhu said...

Space:

你寫到我同 Shek 都留晒口水喇,咁你啲中文書寫能力都唔駛懷疑啦。^^

The Inner Space said...

比爾<==>比擬﹐又寫白字了﹐
我的中文表達還有排學。

The Inner Space said...

冬天用來焗番薯也不錯的!

xiao zhu said...

Space:

你都幾識食咁喎!^_

The Inner Space said...

我不是識食﹐
我只是跟著時令﹐
時令有甚麼﹐
就吃甚麼罷。