Sunday, June 03, 2007

陽光浴


星期天還要在家中努力埋首工作;偶爾望望窗外的(淺)藍天白雲,都算是給自己一點點鼓勵吧。

間中一陣兩陣的清風吹進來,讓我可以堅持不開空調,只啟動著電風扇,好等房子內的空氣流動流動。

做了一個早上之後,簡單弄了點吃的,要準備出去開會了。摸摸脖子,有點不爽,還是先來個淋浴,也讓精神醒醒。

日間進入浴室不用亮燈,也幸好浴室的窗子外面沒有其他的樓宇,所以除了冬天氣候冷的時候,浴室的窗子是可以半開著的(嚴格來說,是打開了三份之一)。

陽光一半透過磨砂玻璃、一半從半開的窗子直接照射進來,站在窗前,陽光都落在身體上,花洒的水也同時噴洒在身上,再把沐浴液塗勻,每個細小的泡沫在陽光底下,顯映出彩虹顏色……這一刻感到既舒適、又悠閒。

很奇妙!突然覺得自己就像置身於大自然裡沐浴著,很自由、很舒暢、很自由、很舒暢!這一來,可真真正正的在享受陽光浴呢,心情也一下子提高了不少。

噢,真捨不得離開!

52 comments:

南區肥龍 said...

藍天與白雲本應就係一對!

加埋微風, 就如Bonus一般, 可遇而不可求.

只係依家太多室內動物啦!

:p (今個禮拜日唔駛番工?)

C.M. said...

嘩,爽!

小珠,嗯,天氣好到不得了,為啥你仍然要工作?不可以休息一天嗎?難得香港有藍天。

肥龍兄,你都無出去咩?

(我怕曬,皮膚太黑就唔靚)

lilac said...

看來妳的心情好了不少,當下把心放下,藍天白雲無限廣闊!照片很漂亮!

南區肥龍 said...

c.m. 兄,

無呀, 真係太曬啦! 不如留喺屋企睇書.

不過今晚會落街跑步.

燒豬,

你去咗邊? 你去咗邊?

新鮮人 said...

嘩~~~美人出浴呀,
不過唔好冲咁耐呀,
小心洗到脫皮喎! :p

The Inner Space said...

香港九龍新界離島加加埋無幾個區份可以有這“空間”讓浴室的窗戶可以開了三份一享受天然的光和風。小朱姐讓:
"陽光一半透過磨砂玻璃、一半從半開的窗子直接照射進來,站在窗前,陽光都落在身體上,花洒的水也同時噴洒在身上,再把沐浴液塗勻,每個細小的泡沫在陽光底下,顯映出彩虹顏色這一刻感到既舒適、又悠閒。很奇妙!突然覺得自己就像置身於大自然裡沐浴著,很自由、很舒暢、很自由、很舒暢!這一來,可真真正正的在享受陽光浴呢,心情也一下子提高了不少。"

ENVY 之外還是要繼續努力勞力去賺錢買這“空間”。

xiao zhu said...

肥龍:

室內動物? 係咩呀?

我做嘅工基本上係7-11時間咁滯。:(

我去左邊?咩呀,咪講左囉,喺屋企做左半日有多,陽光浴之後,寫埋篇文4點鐘就出去開會咯。開完會都成8點,食埋飯就返黎喇。報告完畢!^_^

你跑步跑幾耐呀?

xiao zhu said...

CM:

係呀,真係好爽架!我今日沖沖吓涼先突然發覺,原來我都唔知幾多年未試過日頭沖涼喇。平日好多時都係臨瞓前好快咁沖完,好少好似今日咁enjoy。

果一刻,真係覺得自己好似一個冇著衫嘅細路仔係藍天白雲下,快樂地奔跑於青草地上咁呀!覺得好興奮!

"皮膚太黑就唔靚" 哈,CM 原來咁貪靚嘅!我真係睇錯左你呀。:P

xiao zhu said...

Lilac:

其實整體心情並不是特別好了很多,因為仍然身處戰線。只是生活還得要繼續,縱使反覆,也得要不斷自我調節。-___-

xiao zhu said...

新鮮:

咩呀,唔通唔係美人就唔出得浴咩?

我冇乜幾可咁開心架,畀我沖耐少少喇,好唔好呀!

xiao zhu said...

Space:

你又想講咩呀? 其實係我住果棟樓喺單邊,咁啱個浴室喺果邊,咁咪冇嘢遮擋囉。正面都有樓擋住左好多架。

The Inner Space said...

" 其實係我住果棟樓喺單邊,咁啱個浴室喺果邊,咁咪冇嘢遮擋囉。正面都有樓擋住左好多架。 "咁都很難得喇!

ENVY之外還是要繼續努力勞力去賺錢買這“空間”。

xiao zhu said...

CM:

講到開心得滯,答漏左你一樣添。

"為啥你仍然要工作?不可以休息一天嗎?"

Hmmmm,有嘢做就要做架喇,就算個人有得休息,個心都休息唔到。:(

xiao zhu said...

Space:

咁又係,真係幾難得嘅。沖涼唔駛關窗,越諗越爽呀!

macy said...

嘩!真係爽,陽光下沖涼,係香港真係少有咯,我呢等人一開窗就見到對面露台;明星明人係住得偏僻d,但係怕狗仔隊,都係開唔到窗沖涼.

你令我想起係布吉就試過係陽光下沖涼,因為佢係頂樓,shower側係大幅玻璃窗的,仲係望住個海...真係回味.

xiao zhu said...

Macy:

又咁夜呀。

學阿space話齋,可以咁樣沖涼,又真係幾難得嘅。好,黎緊啲星期日,只要天氣好,都爭取多啲陽光浴至得。^O^

南區肥龍 said...

燒豬,

室內動物咪指平日已經朝九晚八(或更長時間, 好似燒豬你)喺室內工作, 兼且星期六日仲只係去行商場、留喺室內地方既人囉.

有時出外吸吓新鮮空氣及陽光真係幾正架!(
不過尋日真係好熱同好曬.)

哦, 另外, 我都係因為下晝太曬所以夜晚先跑, 跑大約四十五分鐘啦, 再耐啲我唔夠氣呀. ^^

vicky said...

好正呀! 我唔開冷氣就一身臭汗, 我都想好似你咁,

Todd said...

沖涼唔駛閂窗,太正喇!

我屋企浴室個窗,對住隔籬,一開一定上youtube,最慘仲要係冇抽氣扇,每次沖涼,都要拿拿林,唔係會缺氧上蘋果頭條呀! =P

C.M. said...

小珠:

琴日睇完電視,先知道原來要用PA+++既先可以全面防曬架!仲有乜鬼UVA,UVB,大鑊!屋企d防曬咪要買過嗮!(貪靚唔係女仔專利)

xiao zhu said...

肥龍:

我而家先至知呢啲就係室內動物添。

我係好長時間喺室內工作,不過我都冇乜去行商場嘅。但係點都冇你咁健康嘞!

xiao zhu said...

Vicky:

我喺屋企好少開冷氣架。每日返工已經咁多個鐘頭喺冷氣房,好唔健康呢,我多數都係開風扇。

xiao zhu said...

Todd:

係呀,好正好正架!

我唔明點解你個浴室唔裝的抽氣扇嘅咩?!

xiao zhu said...

CM:

係啦,貪靚係應該嘅,咁得未? ^_

南區肥龍 said...

叫得做「肥龍」....你話會有幾健康呢? ^^

你平日有無去做運動?

xiao zhu said...

肥龍:

叫肥龍都唔代表你真係肥個喎,就算係,又唔知你有幾肥呢。只要唔係過肥,搞到身體都唔健康就得喇。話晒你都意識到要運動,而且都真係有去做,咁好好架嘞。好多人都係會講唔會做架。

我? 你冇睇到我個header嘅介紹咩? 我"懶到出汁",我不嬲都冇乜做運動架,以前都跳過吓現代舞嘅,不過而家冇嚕。:P

南區肥龍 said...

"懶到出汁"既都應該有其運動可做, 靜態啲既有緩步跑, 吸吓新鮮空氣.

不過聽落你星期六,日都要做野, 無時間去做運動囉...

xiao zhu said...

肥龍:

你真係好人嘞,我都話明懶到出汁,你仲咁鼓勵我。其實以前都會間中星期日行吓水塘(如果唔太熱嘅話),不過後來又驚遇到啲綁樹黨,都唔咁去嚕。

南區肥龍 said...

行水塘? 我都有喎. 通常我由香港仔水塘做起點, 途經灣仔硤公園, 再落寶雲道到灣仔合和中心. 大約個半鐘左右, 幾好架.

而且做運動係個習慣, 開始時輕鬆啲, 量力而為就得啦. 所以就算懶到出汁都有計諗架. ^^

xiao zhu said...

肥龍:

我係九龍人,要行就多數行城門水塘。如果去香港果邊就會去大潭,香港仔印象中行過兩次咋。不過,俱往矣!都冇行兩三年嚕。

懶到出汁,就真係好鬼懶架!我懶起上黎,真係郁都唔郁,好似化石咁都得架。

南區肥龍 said...

化石? 我搬唔郁個喎...

xiao zhu said...

肥龍:

算喇,你都係唔好理我嘞,由得我吧喇!=P

Todd said...

點解我個浴室唔裝抽氣扇??

因為我個業主孤寒囉! =P

Todd said...

咦...冇左個驗証喎,真係好喇! =)

C.M. said...

Todd:

(比小弟搭下訕)你不如打開門沖咪得囉。夠安全嘞。

七十樓危危下望 said...

xiao zhu~

xiao zhu said...

Todd:

佢唔裝,你唔可以自己裝嘅咩? 不過學CM話齋,唔開得窗可以打開門沖喎,你有冇試過呀? 嗯,唔緊要喇,呢個問題都好快會解決喇,係咪? ~_~

乜有字詞驗證真係好麻煩架? 嗯:)

xiao zhu said...

CM:

^_*

xiao zhu said...

七十妹:

點唧? 吓!

C.M. said...

小珠:

:p

lu said...

xiao zhu: 今朝d雷雨交加有無嚇親你?

xiao zhu said...

Lu:

你真係有我心嘞,感動呀!

其實今朝就唔係好驚,我醒嘅時候淨係落緊雨。但係今日當我知道黎緊呢幾日都會有雷暴同大雨,就有啲擔心囉,唔知道會有幾勁添架!:(

jovi said...

記得去年有很長一段日子天都是灰灰的,
所以現在見到天空如此美,真叫人快樂,
也想用盡方法珍藏它!^^

The Inner Space said...

LU 真細心!


我也是擔心 娜姐 和 小朱姐 兩位﹐她們都說過﹐家居的窗戶﹐曾經有在大風大雨時﹐會有雨水入宅﹐雖然水為財也....請兩位阿姐睇到報報平安!

wingwing said...

藍天白雲好正呀 ! 最鐘意坐係沙灘度望住 !

Todd said...

CM,小豬:

我屋企浴室對於個書房,而我地好簡約(其實係家徒四壁),書房個窗係冇窗簾的,所以,如果我打開門,應該上梗youtube加蘋果加壹仔! =P

lu said...

嘻嘻...

噢,那你真幸運.我一早起來就轟隆轟隆的,所以就想起你呀.

不要怕,不要怕!聽到雷聲就來看我們的留言. :P

xiao zhu said...

jovi:

歡迎你!

前幾天的好天氣的確實難得的好!所以當我享受那陽光浴的時候,特別感到興奮。可是往後幾天就會有雷暴、大雨了。

xiao zhu said...

Space:

你一向都是個有心人,我怎會不知道呀!

今晚暫時沒甚麼動靜喔,我還安好呢!^_^

xiao zhu said...

wingwing:

我想這個週末週日就應該去不了海灘了,天氣不會好呢!

xiao zhu said...

Todd:

咁你個浴室有冇用浴帘架,如果有咪拉埋浴帘,打開門咪得囉。而且其實係想通風啫,都唔駛大開中門咁格,開少少有條罅都得喇。^_

xiao zhu said...

Lu:

多謝你想起我呀。我會架喇,呢度咁多人陪我、幫我壯膽,應該冇事嘅。~_~