Friday, May 11, 2007

的士奇遇(三)--- 驚魂夜(上)



那天,S又日行一善,打電話給我:「喂,成大半年冇陪我練歌喇噃,今晚得唔得閒呀?我又學左好多新歌呀。」

S的確夠朋友;事實上已經餓了那麼久,也不想其他了,「好呀!」

如常的在灣仔吃過了晚飯,再踱步到銅鑼灣去。唱了大約四個鐘頭,快一點了,灰姑娘要回家了。別誤會,不是我呀!哈!

甫出門口,就有一輛的士駛過來,跟他匆匆說了聲Bye,就從左邊車門跳上去了,上了車回頭再跟他揮揮手。

「唔該九龍XX道(為保私隱,祈為見諒)吖。」

那司機沒有任何回應,但是當車子大約開行了十多秒之後,他忽然轉過頭來問:「九龍XX道呀?」

感覺他問得有點突兀。

「係呀,唔該。」

他戴著深色的cap帽,大概是三十歲吧。本能地再看前座的名牌,駭然發覺只有一個空的膠座,卻沒有名牌套在裡面;心裡即時提高了警覺。

車子一路開著,不太定,但還是可以的。差不多到海底隧道口,他開了收音機,轉了兩三個台,好像有點不耐煩,於是就關掉了;然後又開了CD,是鄧麗君。可是他把聲量調得很大,還跟著唱,頗投入的。唱了幾句,他從倒後鏡看著問我:

「好唔好聽呀?」

我不知道他是指鄧麗君還是他自己,正想開口跟他說聲量太大,他又問:

「你唔鍾意聽呀?聽第二啲吖,我有好多歌畀你揀架。你鍾意聽邊個吖?」

「唔駛喇,唔該你可唔可以較細聲啲呀?」

「好呀!」他即刻把聲量調校了。「咁得未呀?」

「啊,得喇得喇,唔該。」 也不想跟他有太多的交談,敷衍答了便算了。

車子過了隧道之後,感覺好像更比之前顛簸。他繼續在高聲唱著,雖然並非五音不全,但是非常煩擾。覺得他是故意唱得大聲,不好的預感又來了。心裡想著,如果真的不幸遇上甚麼變態狂魔或者竊賊悍匪,應該怎樣應付。

我一方面從袋子裡拿出手提電話,準備隨時第一時間報警,另一方面又繼續盤算著其他即時的應變方法,同時又伸手輕輕的把玻璃窗搖低了少許,再查看門鎖,並無異樣。腦海裡面不斷播放著很多電影畫面,我甚至已經想到必要時,應該用怎樣的姿勢去跳出車外會減少受傷的程度,諸如此類、諸如此類。

車子經過了何文田,到了公主道天橋了。其實車程並不遠,眼看越來越近的時候,心想,好了,很快就會到了。正當我一路在想、一路又要注視著車行路線的時候,突然電話響起來,看看來電顯示原來是G。

「喂,喺邊呀你?」

「返緊屋企囉,就到喇。」 我故意提高聲浪。

「今晚唱得開唔開心呀?」

「啊,幾好 ......」正當我說著之際,猛然發覺車子並沒有依循正常的路線靠左,而已經駛上了天橋,向著獅子山隧道駛去!

。。。。。。

待續

16 comments:

量子战士 said...

后事如何,要快点说啊。

the inner space said...

這是寫作技巧﹐吸引讀者追看!


小朱姐應不祇分上下集﹐整夠兩個月連載﹐每星期一段!

333 said...

有冇事有冇事?(好似巔爺單嘢咁...)

vicky said...

你打得呢篇嘢, 相信都係有驚無險, 不過發生咩事快d講.

lu said...

兜路...回水!!!

新鮮人 said...

玩釣癮?
急急蒲頭寫埋佢啦,
人家等得好心急嘛! :)

xiao zhu said...

量子:

你知道我是個大懶蟲嘛,我沒有儲文的習慣的。看今晚有精神的話,就會吧下集完成的了。給我一點時間吧。

xiao zhu said...

Space, 新鮮兄:

我唔係特登故弄玄虛架!我寫寫吓發覺好似好長咁,而且又有啲攰,咪分上、下集囉。我會盡量今晚寫埋佢架喇。

space,你錯愛喇!我邊有料寫連載吖。的士奇遇暫時唔會有第四集架喇,呢個都係寫埋下集就可以埋尾。

xiao zhu said...

333, Vicky:

3,學阿Vicky 話齋。都係有驚無險,唔駛擔心。

我會寫埋佢架喇,畀少少耐性喇,我唔催得架!

xiao zhu said...

Lu:

到家鄉嘅時候,梗要同佢講數啦,仲駛講嘅。不過,一日未到,呢個問題都未係最重要!

lu said...

xiao zhu: hahaha... of coz i know that's not the main point la. but everyone else has said what i wanted to say la ma :P

oh hai boh... how's your battle so far?

xiao zhu said...

Lu,

Bad! Very bad!!! Just got some bad news. Very down now. :(

Todd said...

Cheer up!

唔准down呀!
仲要提起精神,寫埋下集,好多讀者等你個結局呢!

請骷髏頭堡賜你力量!

xiao zhu said...

Todd:

我好冇用呀!今晚真係唔係好夠力呀。

唏,我哋嘅比試,1 比 1 嘞!=P

Todd said...

小豬,我寫開個小說都寫唔出,暫時2:1! =P

xiao zhu said...

Todd:

咩呀,你唔好趁我魂魄唔齊就咁奸賴喎,你寫唔出係你忙住救火之嘛,唔算呀!