前幾天突然想起兩首詩，是英年早逝、素未謀面的小叔叔寫的兩首詩。
………
爸的直系幾十年來就只剩他一個，所以小時候已經常常聽他說自己是「死剩種」，哥哥就是單傳的了。認識爸的家族先輩，只從他手抄的族譜得知。從小都經常喜歡從媽的五桶櫃的第一格、有鎖的一格，取出那份毛筆手抄本來讀、來記認、來欣賞。真的從心欣賞，他沒唸過幾年書，卻寫就一手好字，秀麗中顯剛勁，跟他的型格很是匹配，看得很賞心悅目。
那兩首詩都載於手抄本內。爸說小叔很有才華，賦詩、作畫，都滿有天份，祖父還想送他到巴黎去。祖父又曾說，爸爸細心、踏實，就送香港去，去他的母校好了。最後，都沒有發生。
依稀記得第一次爸讓我讀小叔的第一首詩，大概是我四年級的時候。我朗讀了一遍之後，還問爸，為甚麼唸起來總有點不順著口的呢。爸望著我笑笑，伸手摸著我的頭，說：「他寫的時候大概是十二歲，當然不能算是佳作，可是作為第一個嘗試，已經很不錯了，那是句末押韻的問題；妹，你也說得沒錯啊。」
早年作夢粉紅色
西窗小記尚留痕
白髮簪花今已晚
此箋宜贈後來人
《爸曾把第二句修改作「西窗小敘尚留痕」。》
這兩天往返探望爸的途中，腦裡不斷地唸著那兩首詩。剛才，猛然醒覺，是冥冥中的呼喚嗎。所以另外的一首，今天不寫了。
昨天T說，很少聽我提起爸爸。
𣊬間睇廣告（十九）
15 hours ago
57 comments:
小朱姐：
你好叻啊！ 四年級就識得咁多深字。
早年作夢粉紅色
西窗小記尚留痕
白髮簪花今已晚
此箋宜贈後來人
又識得朗頌詩詞！
猛然醒覺，是冥冥中的呼喚嗎。所以另外的一首，今天不寫了。
我會等等等，等你會有日登埋另外的一首出來喇！
每天提你一次得未？
咁我都擔櫈仔一齊等等等.....
你小叔十二歲就曉作詩，相信你亦深得家族遺傳！ 怪不得。 文章咁有吸引力啦。
傻豬豬,
呢次我明明地講嘜; 係咪話妳呀叔仔發左個好‘開心’既夢, 然後留低左 d 痕跡, 到大個仔啦, 就送比 d 後輩。 耀武揚威一下。
大啤啤有時都文彩飛揚個噃。
啤啤繼續巡場去
Hope everything is well with your dad. :)
祝福! =)
Space：
咁多深字，邊識得晒，咪就係一路讀，爸爸一路教囉。
等? 我呢啲神經刀黎固喎，唔擔保你等唔等到、等幾耐架。
樸老：
你又等? 咁你坐吓先啦。
遺傳? 嗯，都似喎。
大啤啤：
吓！哦...我都話你啲中文程度唔低架啦。^_
Yun/新鮮：
感謝！
等緊你會登埋『小叔叔』的另外一首詩！
每天提你一次得未？
十二歲能賦詩，神童是也，可惜英年早逝；你幼受庭訓，受長輩薰陶，無怪乎文采可觀！
咁多字，俺中學都未識晒。
o我原來系豬妹你DNA里面..........
現今已經很少家庭keep族譜了，要好好保全，它代表妳家族的光輝歲月，亦代表妳的根，慕要薪火相傳。
Space：
哈哈，你知唔知道我最欣賞你嘅乜嘢呀，就係好有毅力，做事鍥而不捨嘅精神呀。
原來家族遺傳
唔怪的之...
嘩！小豬家族....犀利呀！
借問聲係邊間母校呀？
Shek：
先祖尚算是有點家當，祖父年輕時在港讀洋書，可惜是二世祖一名，很快便把身家敗盡，更英年早逝，遺下妻兒生活苦不堪言，所以爸爸和幾位叔叔、姑姑都沒有受甚麼教育。
爸爸是自學，但並非突出。再加上他是一格寡言的人，只為生活奔波，不意識到怎樣培育子女。所以，完全談不上幼受庭訓。小叔的作品，爸也只是記得兩首。因為我生性懶惰，不好讀書，勉強對詩詞還可以接受，主要因為篇幅簡短，容易背誦而已。
但我也會想，如果小叔在世，應該會和我投契的。
大師：
你咪咁謙啦。不過你哋講起遺傳、DNA 哩，又挑起我條筋，過幾日返媽媽度，摷番本族譜研究吓先。
一枝筆：
我也想可以薪火相傳，因為我覺得爸爸當日一字一句抄下，也是想留點痕跡給他的後人。雖然我平日看事都多從宇宙觀，但如能為爸爸做點延續功夫，也很有意義。
易亦：
邊間? 弊，噏到嘴唇邊唔記得添。等我過幾日返去睇番再話你知吖。
呵呵！
既然已經save左落DNA
又怕咩冇幼受庭訓呢？
可能咁你先至會主動學習
如果好似現代咁填鴨
你可能仲反叛唔肯學添
族譜呢家野真係好難keep架啦
邊有咁多野寫呀而家
個個都係得個一個兩個
對於你親人的事所知什少...
你很少在你的文中提及
家人最近沒有事吧...
文采洋溢頗富天賦你，寫的文我若看得懂的會品味一番～＊
小朱姐：
我是個無乜內涵的小男人， 談論～有冇毅力，同有幾耐，連我自己都唔知！
但係做啲『門面功夫』倒也可以。
豬豬，
話時話：俺家族(好似好勁咁)系跟一首詩排輩份，同輩個名第二個字都系一樣既。可惜比俺個伯父broke 左條 link..
得你爸爸一個咪好悶啦 !
我以前成日想是個獨生兒就好了, 大了就不會這樣想,多一個兄弟姊妹多好呀 !
易亦：
咁又係呀，我受軟唔受硬，自己有分數，唔鍾意俾人監我做嘢架。
思..寧：
爸爸病了。會是一個關口。
Ivy：
謝謝你！^^
Space：
大家咁熟，（你唔認我就好瘀架喇！）你唔駛成日都咁謙啦。
大師：
以我所知，好多都係用首詩黎排架。幾得意架真係。
你個伯父broke 左，咁你果房照續落去喇。
wingwing:
佢唔單止悶，係好苦添呀。有兄弟姊妹點都好過一個嘅。
你好番晒未呀?
世伯身體健康如何？祝他早日康復！
小朱姐 咁權威，有邊個敢『瘀』佢呢？
呢度啲朋友剁到佢變成『肉餅』都得喇。
仲有巡場 bouncer 睇到實，冇又怕噃。
另外
我家族都有一首十六個字的『打油詩』，
用來排輩份若同姓的叔伯兄弟一睇就知，
但到了父親輩因為阿爺早逝沒有給他們，
在成年時改個所謂『大名』而沒有跟進，
到我又不娶無兒子相信會絕種會失傳了。
為你的父親禱告
希望他早日康復
Shek：
尚待觀察，感謝你的祝福。
Space：
你咪講到咁誇張啦。呢度啲朋友點會咁暴力、血腥呀！
你爸爸有冇親兄弟架? 如果有嘅，佢地有冇仔呀?如果有嘅，佢地結婚未吖? 如果結左，咁又有仔未吖? 如果有嘅，咁咪唔會絕種囉。
思..寧：
謝謝你代禱！
是啊！我不改變主意，就真係會架！
果是書香世家呢！
Space：
哦，你冇叔伯架?
不過我其實覺得絕種真係冇乜所謂喎。
Mono：
我要再去看清楚，究竟是否書香世家。
同意啊！劣質 『去氧核糖核酸』或『脫氧核糖核酸』
係冇需要一定遺傳落去。
希望你父親大人快快康復!
Space：
真係冇你符。
Morca:
有心，謝謝！！
小朱姐：
我都『冇我符』！
不懂廣東話有時無法體會內文之意,尚請見諒!
為伯父祈福,祝早日康復～＊
Space：
你講真?
Ivy:
別客氣，衷心的感謝你！
小朱姐：
有謂 鬼劃『符』，講真，當然講真喇，
邊有兩度『符』同一樣的呢？
你度『符』我無，我度『符』亦不相同！
大家都無符！
朱朱:
到此一遊, 好久不見~!
你點呀?
好幾天無見到你了!
好嗎?
火女 / 新鮮：
謝謝你們。近日身心皆疲。
人生苦短,
要偷得浮生半日閑喎! =)
好好保重!
傻豬豬,
哩排啤啤巡場時,『符』就無見到, 不過見到對門神。 發覺好型, 啤啤決定抄阿門神, 整返對黎玩下。
仲有我發覺門神識講啤啤話, 啤啤懷疑門神同啤啤係同鄉。
門神係 Phœbus, 啤啤係 Quasimodo, 係唔同型嘅 :) 不過大家都好鍾意 Belle／"啤" !
啤啤繼續巡場去
新鮮：
知道。^_^
大啤啤：
對門神好 cute 呀！
Post a Comment