「點解啲男人咁輕易承諾呢樣、承諾果樣，跟住轉頭就冇左件事嘅？……」
「咁係妳太輕易相信佢哋嘅承諾啫。……」
「我見到佢同第二個女仔咁親暱，個心好唔舒服呀！……」
「咁咪囉，而家係妳個心唔舒服之嘛，佢冇問題呀。……」
「佢同我講話以後嘅嘢唔好諗咁多呀。……」
「咁黎黎去去咪即係仲有兩個選擇俾妳囉。……」
「唔知點解佢琴晚攬得我特別肉緊嘅？……」
「姐姐，咁妳唞唔唞到氣先！……」
「佢話哩，好想見到我日日都咁開心呀。……」
「唉，大劑！……」
「今日成日到而家都仲未收到佢嘅電話呀。……」
「請問妳究竟用左幾多時間去研究呢個課題咁呢？……」
𣊬間睇廣告（十九）
12 hours ago
22 comments:
啤啤又黎呢 !
有無查清佢星座呀 ？ 話唔定係雙面、神經大條、 又或無里頭人呢。
未收電話 ？ 容易啦 ！ 咪挖佢出黎楸佢囉。
(繼續巡場去)
大啤啤：
你斯文啲，咪咁粗魯啦。
好啦，咁啤啤下次就文雅啲啦。
梭李梭李，唔好怪啤啤，呀啤啤自小家貧無書讀。
猛咁諗就係熱架啦!
叫紅色果位唔好諗咁多,打電話俾人囉~~!
:p
心如鹿撞...定係...心如明鏡
大啤啤：
你唔好誤會我嫌棄你呀，其實想叫你唔好咁衝動咋。就算真係無讀書都唔緊要，最緊要嘅係要夠真誠、有承擔、有錯識得改；就算飽讀詩書都唔代表係真、係好架。
肥龍：
藍綠色果個勸緊佢啦，不過有啲潛台詞冇講出黎，唔知橙色果個醒唔醒目、明唔明啫。
Morca：
鹿撞，是顯示出兩性對愛情的不同態度。明鏡，是如何在兩性矛盾間自處。
男人同個個女人都係講哩啲嘢架啦!
咪咁儍啦,
況且男人是世上最健忘的動物,
哩頭講完,嗰頭就唔記得囉! :(
「明知男人善忘，點解啲女人，
要求承諾呢樣、承諾果樣……」
「因為有承諾，總好過冇承諾，或者又遲遲都唔肯承諾……」
「見到你同女友係巴士車尾個位好親暱播，佢仲好主動播……」
「係囉，係人前就扮嗮純情，掂吓都唔得……」
「佢同我講話以後諗嘢，要諗埋佢呀。……」
「咁即係，係時候，飛起佢喇……」
「唔知點解佢琴晚攬得我特別肉緊嘅？……」
「哥哥，咁你有冇塞埋佢個嘴，等佢唞唔到氣啫……」
「佢話哩，想日日夜夜都見到我呀……」
「弊嘞！大乜獲！……」
「今日成日都唔打電話畀佢，又唔接佢電話……」
「請問你有冇連佢啲 SMS 都唔接，咁呢……」
有人開始亂諗野
神智不清啦
駛唔駛call白車?
新鮮：
>>咪咁傻啦
哈哈，係喇，呢句都係熟口熟面架，但係啲女人硬係聽極都唔明固喎，又或者唔肯接受現實囉。冇計，可能上帝做人都有諗過驚啲人悶，咪製造多啲矛盾、不同，好玩啲啩！真係盞搞！
Space：
SMS 冇得唔接架吓嘛? 最多唔覆嘅啫。
思..寧：
喂，你講邊個先！
咩唔你你咩?
如果唔係我就唔理啦
哈哈
思..寧：
究竟咩咩咩呀??！！
「橙色」send sms比佢咪得囉？
「藍色」係橙色既分身？
定係默默守候既有心人呀？
我可以代Ｄ衰男人講...男人就是這樣的！Sigh....
易亦：
Send SMS? 仲以為你會好明女仔心事添！
「藍色」，總之係一個理性嘅人。
Todd：
我自問好公道嘅，一單還一單，一個還一個，唔會一竹篙打晒一船人架，男人女人都有好有壞架啦。多謝你！
小豬，我剩係代Ｄ"衰男人"講咋！好的當然不會呢！ =P
Todd：
如果純粹真係健忘嘅，都唔算真係衰男人嘅，真係衰果啲，又點止呢啲吖。
Post a Comment