Saturday, February 16, 2008

冷熱之間的潛台詞

「點解啲男人咁輕易承諾呢樣、承諾果樣,跟住轉頭就冇左件事嘅?……」

「咁係妳太輕易相信佢哋嘅承諾啫。……」

「我見到佢同第二個女仔咁親暱,個心好唔舒服呀!……」

「咁咪囉,而家係妳個心唔舒服之嘛,佢冇問題呀。……」

「佢同我講話以後嘅嘢唔好諗咁多呀。……」

「咁黎黎去去咪即係仲有兩個選擇俾妳囉。……」

「唔知點解佢琴晚攬得我特別肉緊嘅?……」

「姐姐,咁妳唞唔唞到氣先!……」

「佢話哩,好想見到我日日都咁開心呀。……」

「唉,大劑!……」

「今日成日到而家都仲未收到佢嘅電話呀。……」

「請問妳究竟用左幾多時間去研究呢個課題咁呢?……」

22 comments:

大啤啤 said...

啤啤又黎呢 !

有無查清佢星座呀 ? 話唔定係雙面、神經大條、 又或無里頭人呢。

未收電話 ? 容易啦 ! 咪挖佢出黎楸佢囉。

(繼續巡場去)

xiao zhu said...

大啤啤:

你斯文啲,咪咁粗魯啦。

大啤啤 said...

好啦,咁啤啤下次就文雅啲啦。

梭李梭李,唔好怪啤啤,呀啤啤自小家貧無書讀。

英倫肥龍 said...

猛咁諗就係熱架啦!
叫紅色果位唔好諗咁多,打電話俾人囉~~!

:p

Morca said...

心如鹿撞...定係...心如明鏡

xiao zhu said...

大啤啤:

你唔好誤會我嫌棄你呀,其實想叫你唔好咁衝動咋。就算真係無讀書都唔緊要,最緊要嘅係要夠真誠、有承擔、有錯識得改;就算飽讀詩書都唔代表係真、係好架。

xiao zhu said...

肥龍:

藍綠色果個勸緊佢啦,不過有啲潛台詞冇講出黎,唔知橙色果個醒唔醒目、明唔明啫。

xiao zhu said...

Morca:

鹿撞,是顯示出兩性對愛情的不同態度。明鏡,是如何在兩性矛盾間自處。

新鮮人 said...

男人同個個女人都係講哩啲嘢架啦!
咪咁儍啦,
況且男人是世上最健忘的動物,
哩頭講完,嗰頭就唔記得囉! :(

Anonymous said...

「明知男人善忘,點解啲女人,
要求承諾呢樣、承諾果樣……」

「因為有承諾,總好過冇承諾,或者又遲遲都唔肯承諾……」

「見到你同女友係巴士車尾個位好親暱播,佢仲好主動播……」

「係囉,係人前就扮嗮純情,掂吓都唔得……」

「佢同我講話以後諗嘢,要諗埋佢呀。……」

「咁即係,係時候,飛起佢喇……」

「唔知點解佢琴晚攬得我特別肉緊嘅?……」

「哥哥,咁你有冇塞埋佢個嘴,等佢唞唔到氣啫……」

「佢話哩,想日日夜夜都見到我呀……」

「弊嘞!大乜獲!……」

「今日成日都唔打電話畀佢,又唔接佢電話……」

「請問你有冇連佢啲 SMS 都唔接,咁呢……」

Anonymous said...

有人開始亂諗野
神智不清啦
駛唔駛call白車?

xiao zhu said...

新鮮:

>>咪咁傻啦

哈哈,係喇,呢句都係熟口熟面架,但係啲女人硬係聽極都唔明固喎,又或者唔肯接受現實囉。冇計,可能上帝做人都有諗過驚啲人悶,咪製造多啲矛盾、不同,好玩啲啩!真係盞搞!

xiao zhu said...

Space:

SMS 冇得唔接架吓嘛? 最多唔覆嘅啫。

xiao zhu said...

思..寧:

喂,你講邊個先!

Anonymous said...

咩唔你你咩?
如果唔係我就唔理啦
哈哈

xiao zhu said...

思..寧:

究竟咩咩咩呀??!!

said...

「橙色」send sms比佢咪得囉?
「藍色」係橙色既分身?
定係默默守候既有心人呀?

Todd said...

我可以代D衰男人講...男人就是這樣的!Sigh....

xiao zhu said...

易亦:

Send SMS? 仲以為你會好明女仔心事添!

「藍色」,總之係一個理性嘅人。

xiao zhu said...

Todd:

我自問好公道嘅,一單還一單,一個還一個,唔會一竹篙打晒一船人架,男人女人都有好有壞架啦。多謝你!

Todd said...

小豬,我剩係代D"衰男人"講咋!好的當然不會呢! =P

xiao zhu said...

Todd:

如果純粹真係健忘嘅,都唔算真係衰男人嘅,真係衰果啲,又點止呢啲吖。