實在感到有點慚愧
讓你們擔心了
昨天做了一些檢查
那些儀器告訴我．．．
沒事
其他的結果
要多等幾天了
再一次
感謝你們的關心
好
繼續打仗去
The Sky新自助飲品售賣機
13 hours ago
Saturday, October 13, 2007
Friday, October 05, 2007
心跳
呢輪太多嘢發生嘞
每一樣都挑戰緊我嘅心臟負荷能力
好似開始有啲心律不正
又跳喇
又跳得好厲害添呀
我用手按住胸口
去「聽」
突然感覺到啲心跳好似…
由左邊轉移左去中間咁
點解會咁嘅
發生左一啲唔開心嘅事，我竟然會笑
跟住本來應該值得開心嘅嘢，我又反而擔憂
我冇事呀
我係咁架
過一陣會冇事
（係呀，真係語無倫次！）
每一樣都挑戰緊我嘅心臟負荷能力
好似開始有啲心律不正
又跳喇
又跳得好厲害添呀
我用手按住胸口
去「聽」
突然感覺到啲心跳好似…
由左邊轉移左去中間咁
點解會咁嘅
發生左一啲唔開心嘅事，我竟然會笑
跟住本來應該值得開心嘅嘢，我又反而擔憂
我冇事呀
我係咁架
過一陣會冇事
（係呀，真係語無倫次！）
Friday, September 28, 2007
關於我
早前接過 Lilac 的 Tag，向來喜歡做問卷的我實在很久沒有做過了，當然不會推辭了。（雖然覺得問題是欠缺了點新意；如果原著人看到我這樣說，請多包涵。）
遊戲規則如下：
A. 必須點名至少 8 個人，要用盡辦法通知各人參與這個遊戲，人數不夠的話就少點，2 個以上就行。
B. 被點名的人不可重複被點，每個人只可玩一次。
C. 回答問題當中時，需自行刪除一個不喜歡的問題，更換一個新的問題，然後點名其他人來玩，如此延續這個遊戲。
D. 答案需在各自的 Blog 內公佈。
1. 得閒無事做甚麼？
發吽竇
2. 如果有機會可以讓你重回一個時間，你會選擇回到那個時間？
搞舞台劇果段日子（係呀，我貪心，一個時間唔夠，要一段日子。）
3. 你在別人眼中是怎樣的人？
多愁善感、冷靜理性、忟憎、多嘢諗、溫柔、豪爽、奄尖、心地好、性急、夠義氣 ……（不能盡錄）
4. 如果唔駛上學 /上班你會怎樣過？
睇心情，好嘅時候就去街，唔好嘅時候就會咩都唔做，喺屋企發吽竇。
5. 如果中500萬獎金，你會怎麼花？
哎呀，最好唔好叫我諗啲關於錢嘅問題喇，一諗就頭痛架喇。
6. 你最怕的事情？
死（我係一個貪生怕死嘅人，又怕痛，所以唔駛驚我會自殺。哈哈！）
7. 你覺得那一件事係令你最難忘？
（我要講兩件。）
（1）為一個要置我於死地嘅敵人落淚、祈禱（兩次）。
（2）人在異鄉，思念著一個唔應該思念嘅人、一個佢唔知道我思念緊佢嘅人，然後收到遠方來鴻、一個窩心嘅問候。
8. 這輩子最想去的地方？
冇乜邊度最想去。其實如果可以同自己鍾意嘅人一齊，就度度都想去，又或者去邊度都冇所謂。
9. 小時志願係？
最想做演員，其次係律師、建築師。
10. 最愛的食物？
雞翼、叉燒
11. 最愛的顏色？
紫色
12. 最愛的休閒？
同鍾意嘅人或者好朋友傾偈。
13. 當你遇見一個想結識的人會說甚麼？
咁要睇環境同情況固噃，當然仲要睇吓佢係點嘅人，有時可能唔駛講嘢架。
14. 最愛的人？
自己
15. 最愛的口頭蟬？
冇乜口頭禪喎。
16. 最愛的小動作？
都冇乜小動作啫。
17. 最愛的季節？
秋天
18. 你最最最不喜歡做/面對, 但係又一定做的事？
好唔鍾意去爭，偏偏就要我去爭，仲要我帶頭去爭、策劃點樣去爭。好憎呀！！
19. 最愛的歌？
好多，要睇心情同情況。而家呢一刻，係「戲劇人生」同 “The Lord is My Shepherd”。
20. 最愛的節日？
聖誕節
21. 最了解我的人？
自己
22. 愛的定義？
我覺得愛係唔可以用文字去定義到嘅，亦都唔需要。
23. 心中的目標？
諗左日幾兩日，原來我係冇乜目標固喎。
24. 尊敬的人？
冇，仲未遇見過一個/啲人係令我可以用得上呢兩個字。不過敬佩嘅就有；一啲做事非常有毅力嘅人，同埋一啲我認為係好有智慧嘅人。
25. 香港有甚麼地方你最想去？
真係冇喎。（諗左好耐！）
26. 當你好沮喪的時候，你會選擇做甚麼？
咩都唔做。
27. 如果你有一個可以成真的願望，你會選擇要甚麼？
可唔可以冇晒啲壞人呀！我真係非常非常非常希望冇晒啲壞人就好嘞。
28. 如果你知道明天是世界末日，你會做甚麼？
肯定有好多嘢想做喇，不過又肯定有好多要做都太遲架嘞。如果真係要做嘅，咁我諗我會打電話俾佢，同佢講「我愛你」。（不過要真係確認會世界末日至好喎。）
29. 做你心上人要甚麼條件？
從來都冇定條件固噃。每一個人都係唯一嘅、獨特嘅，各有優缺；同唔同嘅人會產生唔同嘅化學作用，唔需要諗。我係講感覺嘅；定左啲條件框住晒，容乜易走寶呀。不過心術不正、虛偽、冇義氣、自私自利等等等等呢啲就一定冇行架嘞，因為呢啲連做我嘅普通朋友都冇資格呀。（係架，我會歧視架！去平機會告我都係咁話架嘞。）
30. 哪一年生日最難忘？
果年囉。果年生日，同一個相愛嘅人食晚飯，晚飯之後，向佢提出分手。
未必人人都鍾意答呢啲問題，所以唔「踢」人嘞，邊位有興趣嘅就自「踢」喇！
遊戲規則如下：
A. 必須點名至少 8 個人，要用盡辦法通知各人參與這個遊戲，人數不夠的話就少點，2 個以上就行。
B. 被點名的人不可重複被點，每個人只可玩一次。
C. 回答問題當中時，需自行刪除一個不喜歡的問題，更換一個新的問題，然後點名其他人來玩，如此延續這個遊戲。
D. 答案需在各自的 Blog 內公佈。
1. 得閒無事做甚麼？
發吽竇
2. 如果有機會可以讓你重回一個時間，你會選擇回到那個時間？
搞舞台劇果段日子（係呀，我貪心，一個時間唔夠，要一段日子。）
3. 你在別人眼中是怎樣的人？
多愁善感、冷靜理性、忟憎、多嘢諗、溫柔、豪爽、奄尖、心地好、性急、夠義氣 ……（不能盡錄）
4. 如果唔駛上學 /上班你會怎樣過？
睇心情，好嘅時候就去街，唔好嘅時候就會咩都唔做，喺屋企發吽竇。
5. 如果中500萬獎金，你會怎麼花？
哎呀，最好唔好叫我諗啲關於錢嘅問題喇，一諗就頭痛架喇。
6. 你最怕的事情？
死（我係一個貪生怕死嘅人，又怕痛，所以唔駛驚我會自殺。哈哈！）
7. 你覺得那一件事係令你最難忘？
（我要講兩件。）
（1）為一個要置我於死地嘅敵人落淚、祈禱（兩次）。
（2）人在異鄉，思念著一個唔應該思念嘅人、一個佢唔知道我思念緊佢嘅人，然後收到遠方來鴻、一個窩心嘅問候。
8. 這輩子最想去的地方？
冇乜邊度最想去。其實如果可以同自己鍾意嘅人一齊，就度度都想去，又或者去邊度都冇所謂。
9. 小時志願係？
最想做演員，其次係律師、建築師。
10. 最愛的食物？
雞翼、叉燒
11. 最愛的顏色？
紫色
12. 最愛的休閒？
同鍾意嘅人或者好朋友傾偈。
13. 當你遇見一個想結識的人會說甚麼？
咁要睇環境同情況固噃，當然仲要睇吓佢係點嘅人，有時可能唔駛講嘢架。
14. 最愛的人？
自己
15. 最愛的口頭蟬？
冇乜口頭禪喎。
16. 最愛的小動作？
都冇乜小動作啫。
17. 最愛的季節？
秋天
18. 你最最最不喜歡做/面對, 但係又一定做的事？
好唔鍾意去爭，偏偏就要我去爭，仲要我帶頭去爭、策劃點樣去爭。好憎呀！！
19. 最愛的歌？
好多，要睇心情同情況。而家呢一刻，係「戲劇人生」同 “The Lord is My Shepherd”。
20. 最愛的節日？
聖誕節
21. 最了解我的人？
自己
22. 愛的定義？
我覺得愛係唔可以用文字去定義到嘅，亦都唔需要。
23. 心中的目標？
諗左日幾兩日，原來我係冇乜目標固喎。
24. 尊敬的人？
冇，仲未遇見過一個/啲人係令我可以用得上呢兩個字。不過敬佩嘅就有；一啲做事非常有毅力嘅人，同埋一啲我認為係好有智慧嘅人。
25. 香港有甚麼地方你最想去？
真係冇喎。（諗左好耐！）
26. 當你好沮喪的時候，你會選擇做甚麼？
咩都唔做。
27. 如果你有一個可以成真的願望，你會選擇要甚麼？
可唔可以冇晒啲壞人呀！我真係非常非常非常希望冇晒啲壞人就好嘞。
28. 如果你知道明天是世界末日，你會做甚麼？
肯定有好多嘢想做喇，不過又肯定有好多要做都太遲架嘞。如果真係要做嘅，咁我諗我會打電話俾佢，同佢講「我愛你」。（不過要真係確認會世界末日至好喎。）
29. 做你心上人要甚麼條件？
從來都冇定條件固噃。每一個人都係唯一嘅、獨特嘅，各有優缺；同唔同嘅人會產生唔同嘅化學作用，唔需要諗。我係講感覺嘅；定左啲條件框住晒，容乜易走寶呀。不過心術不正、虛偽、冇義氣、自私自利等等等等呢啲就一定冇行架嘞，因為呢啲連做我嘅普通朋友都冇資格呀。（係架，我會歧視架！去平機會告我都係咁話架嘞。）
30. 哪一年生日最難忘？
果年囉。果年生日，同一個相愛嘅人食晚飯，晚飯之後，向佢提出分手。
未必人人都鍾意答呢啲問題，所以唔「踢」人嘞，邊位有興趣嘅就自「踢」喇！
Friday, September 21, 2007
女人，點解呀？
結婚前妳話鍾意我係因為我顧家；而家妳又投訴我成日返去探阿媽！
結婚前妳話鍾意我為人夠坦白、唔蠱惑；而家妳又嫌我手段唔夠辣。
結婚前妳話我嘅優點係不拘小節；而家妳又成日鬧我冇手尾、粗枝大葉。
結婚前妳話鍾意我為人忠厚、腳踏實地；而家妳又鵝我冇釐醒目就黎冇掟企。
結婚前妳話講粗口唔緊要，真情流露先至好；而家妳又嫌我冇文化、成個街市佬。
結婚前妳話只要大家喺埋一齊就會好滿足；而家你又嘈話唔要淨係得兩飯一粥。
結婚前妳話欣賞我夠兄弟、講義氣；而家妳又係咁追 call 問我班豬朋狗友肯放人未。
結婚前又係妳話相處要互相尊重，唔駛我吓吓報到；而家妳又規定我日日將啲行程逐樣數。
結婚前妳話同我講心唔講金（嘅！）；而家啲家用俾遲啲都俾妳丙鑊金！
兄弟加碼
結婚前妳黃蜂腰、曱甴肚；而家竟然變成曱甴腰、黃蜂肚。（肥龍）
結婚前妳白天鵝（咁靚）；而家變黑白天鵝（日哦夜哦）。（新鮮人）
結婚前妳陰聲細氣；而家變成粗聲粗氣。（新鮮人）
結婚前妳秀色可餐；而家晚晚無味晚餐。（新鮮人）
結婚前妳善解人意；而家變成充滿敵意。（新鮮人）
結婚前妳話我嘅優點係擔屎都唔偷食；而家妳又日日防我令我無力去偷食。（Inner Space）
結婚前妳千依百順；而家妳話頂我唔順。（Old Cake）
結婚前小生伴妳，一枝獨秀，細心侍候；生育後我彿無門，阿崩叫狗，愈叫愈走。（微豆） {呢句我諗應該係女人問男人喎，不過實在好傳神，所以都加埋喺度同大家共享。}
婚前海誓山盟，難忘一笑一顰；婚後綺夢無魂，苦思六合無神。（微豆）
哥兒們，上面仲有乜需要補遺，唔該隨便出手，我會及時 update。
姊妹們，我都係順手拈來，妳唔係就得嘞！
（喂，搵啲男人寫番篇「男人，點解嘅？」好唔好呀？）
結婚前妳話鍾意我為人夠坦白、唔蠱惑；而家妳又嫌我手段唔夠辣。
結婚前妳話我嘅優點係不拘小節；而家妳又成日鬧我冇手尾、粗枝大葉。
結婚前妳話鍾意我為人忠厚、腳踏實地；而家妳又鵝我冇釐醒目就黎冇掟企。
結婚前妳話講粗口唔緊要，真情流露先至好；而家妳又嫌我冇文化、成個街市佬。
結婚前妳話只要大家喺埋一齊就會好滿足；而家你又嘈話唔要淨係得兩飯一粥。
結婚前妳話欣賞我夠兄弟、講義氣；而家妳又係咁追 call 問我班豬朋狗友肯放人未。
結婚前又係妳話相處要互相尊重，唔駛我吓吓報到；而家妳又規定我日日將啲行程逐樣數。
結婚前妳話同我講心唔講金（嘅！）；而家啲家用俾遲啲都俾妳丙鑊金！
兄弟加碼
結婚前妳黃蜂腰、曱甴肚；而家竟然變成曱甴腰、黃蜂肚。（肥龍）
結婚前妳白天鵝（咁靚）；而家變黑白天鵝（日哦夜哦）。（新鮮人）
結婚前妳陰聲細氣；而家變成粗聲粗氣。（新鮮人）
結婚前妳秀色可餐；而家晚晚無味晚餐。（新鮮人）
結婚前妳善解人意；而家變成充滿敵意。（新鮮人）
結婚前妳話我嘅優點係擔屎都唔偷食；而家妳又日日防我令我無力去偷食。（Inner Space）
結婚前妳千依百順；而家妳話頂我唔順。（Old Cake）
結婚前小生伴妳，一枝獨秀，細心侍候；生育後我彿無門，阿崩叫狗，愈叫愈走。（微豆） {呢句我諗應該係女人問男人喎，不過實在好傳神，所以都加埋喺度同大家共享。}
婚前海誓山盟，難忘一笑一顰；婚後綺夢無魂，苦思六合無神。（微豆）
哥兒們，上面仲有乜需要補遺，唔該隨便出手，我會及時 update。
姊妹們，我都係順手拈來，妳唔係就得嘞！
（喂，搵啲男人寫番篇「男人，點解嘅？」好唔好呀？）
Tuesday, September 18, 2007
十八日
跟你說過生日快樂已經三個月了。
是剛好三個月的這個日子教我有理由想起你。
是這個日子會想起松花江又會教我更有理由聯想起你。
請別怪我在這兒寫你，本來是想給你寫一封信，
只是怕會因為寄了卻收不到回音而難過、難堪，
所以放在這兒，讓我可以滿足一下宣洩的欲望就是了。
而且，可能你也不會再來。
實在擔心如果你看到，你會覺得我在這兒寫會是一種冒犯。
哈，好像想得有點弔詭了。
謝謝你曾經讓我分享過你的點點滴滴，
謝謝你曾經讓我聽你發牢騷，
謝謝你把喜歡的歌傳送給我，
謝謝你給我講笑話，（我還是最喜歡那對三歲小情人的對話。）
謝謝你曾經給我鼓勵和支持，
謝謝你一直對我體諒。
這段日子在宇宙裡縱不及微塵，
於我的生命也已經鑄造了永遠。
我不能說我尊重你的決定，
因為原來我沒有一個身份去付出這份尊重。
我想我是明白你的想法，
卻怎也不會影響我的，
因為，朋友，打從開始，
我早已經認了你。
我還是每天看見你的名字旁邊變成綠色
而心裡感覺穩妥些，
但這並非依賴。
對，將來不知道會怎樣，
但是我肯定兩個月後再見這個日子，
我又一定會特別想起你。
祝你的目標早日達成。
願你在今天這個日子
心裡滿有平安。
是剛好三個月的這個日子教我有理由想起你。
是這個日子會想起松花江又會教我更有理由聯想起你。
請別怪我在這兒寫你，本來是想給你寫一封信，
只是怕會因為寄了卻收不到回音而難過、難堪，
所以放在這兒，讓我可以滿足一下宣洩的欲望就是了。
而且，可能你也不會再來。
實在擔心如果你看到，你會覺得我在這兒寫會是一種冒犯。
哈，好像想得有點弔詭了。
謝謝你曾經讓我分享過你的點點滴滴，
謝謝你曾經讓我聽你發牢騷，
謝謝你把喜歡的歌傳送給我，
謝謝你給我講笑話，（我還是最喜歡那對三歲小情人的對話。）
謝謝你曾經給我鼓勵和支持，
謝謝你一直對我體諒。
這段日子在宇宙裡縱不及微塵，
於我的生命也已經鑄造了永遠。
我不能說我尊重你的決定，
因為原來我沒有一個身份去付出這份尊重。
我想我是明白你的想法，
卻怎也不會影響我的，
因為，朋友，打從開始，
我早已經認了你。
我還是每天看見你的名字旁邊變成綠色
而心裡感覺穩妥些，
但這並非依賴。
對，將來不知道會怎樣，
但是我肯定兩個月後再見這個日子，
我又一定會特別想起你。
祝你的目標早日達成。
願你在今天這個日子
心裡滿有平安。
Thursday, September 13, 2007
Tuesday, September 11, 2007
拾碎
權力沖昏了頭腦
鬥爭磨滅了人性
* * * * * *
你讓我走進門來
卻又把紗幔落下
你可捨得
* * * * * *
早省、晚省、時刻省
施愛、被愛、相信愛
* * * * * *
讓你看到我的眼淚
是想你分享我的過程
你可願意
* * * * * *
地獄往返，無懼
寵愛有加，感恩
* * * * * *
甚麼都想告訴你
就是不敢告訴你那份思念
你可知道
鬥爭磨滅了人性
* * * * * *
你讓我走進門來
卻又把紗幔落下
你可捨得
* * * * * *
早省、晚省、時刻省
施愛、被愛、相信愛
* * * * * *
讓你看到我的眼淚
是想你分享我的過程
你可願意
* * * * * *
地獄往返，無懼
寵愛有加，感恩
* * * * * *
甚麼都想告訴你
就是不敢告訴你那份思念
你可知道
Saturday, September 08, 2007
望
大家給我的關愛、鼓勵、支持，心裡滿是感動、謝意。但是這段日子實感心力交瘁，心裡縱是對每一位都有話想說、有情想表，現在只希望你們都能感受點滴，恕我未能敲打鍵盤逐一向你訴說了。
往後還是荊棘滿路
雖有畏懼，但我會與畏懼齊驅
縱有沮喪，但我能與沮喪同行
不否定
不逃避
因為信念不死
因為無勝無負
因為相信一切不在今天
往後還是荊棘滿路
雖有畏懼，但我會與畏懼齊驅
縱有沮喪，但我能與沮喪同行
不否定
不逃避
因為信念不死
因為無勝無負
因為相信一切不在今天
Sunday, September 02, 2007
。。。。。
Waiting for the dawn
Waiting for the truth dawning upon men
But I'd be scared to see the light
for my eyes have been addicted to the darkness
The complexion of the war never turns good
Yet it does not damp my passion and zest....
....I thought
No, too weak am I
Your warmth did bring me new breath
It won't last for long
Couldn't I ask for more
No
Too weak am I
Waiting for the dawn
Waiting for the truth dawning upon men
Longing for the peace in mind
Longing for y.....
Waiting for the truth dawning upon men
But I'd be scared to see the light
for my eyes have been addicted to the darkness
The complexion of the war never turns good
Yet it does not damp my passion and zest....
....I thought
No, too weak am I
Your warmth did bring me new breath
It won't last for long
Couldn't I ask for more
No
Too weak am I
Waiting for the dawn
Waiting for the truth dawning upon men
Longing for the peace in mind
Longing for y.....
Sunday, August 26, 2007
Friday, August 24, 2007
最近的開心一、二事
月來為妳的悲哀、傷痛而感到憤怒
今天見妳走出陰霾
重展歡顏
開始妳新的生活
竟然喜得落淚
太好了
* * * * * * * * * *
遲到了
下著滂沱大雨
沒有的士
遠遠看見朱伯的白色「奔馳」停泊在路口
喜出望外
走上前敲打司機位的玻璃窗
然後立刻上車了
「朱伯早晨！唔該你呀！」
「好。」
朱伯八十四歲了
健康比很多年青人還好
聲如洪鐘
每次見到他都是笑容可掬
每天早上都見到他
雖然很少坐他的「白牌車」
但很喜歡見到他
他每天只做三、四個鐘頭
載三幾個熟客
中午前便收工、嘆茶
下午打麻將
和雀友吃過晚飯才回家
他住在大坑
有四個兒子、六個孫、兩個曾孫
優遊歲月
很羨慕啊
今天見妳走出陰霾
重展歡顏
開始妳新的生活
竟然喜得落淚
太好了
* * * * * * * * * *
遲到了
下著滂沱大雨
沒有的士
遠遠看見朱伯的白色「奔馳」停泊在路口
喜出望外
走上前敲打司機位的玻璃窗
然後立刻上車了
「朱伯早晨！唔該你呀！」
「好。」
朱伯八十四歲了
健康比很多年青人還好
聲如洪鐘
每次見到他都是笑容可掬
每天早上都見到他
雖然很少坐他的「白牌車」
但很喜歡見到他
他每天只做三、四個鐘頭
載三幾個熟客
中午前便收工、嘆茶
下午打麻將
和雀友吃過晚飯才回家
他住在大坑
有四個兒子、六個孫、兩個曾孫
優遊歲月
很羨慕啊
Tuesday, August 21, 2007
Thursday, August 16, 2007
公義
傳來壞消息
天雨就忽然下得更狠
這個 cue 的 timing 實在出得再準確不過了
多謝
多謝締造這幕場景、燈光和音響
還有劇本
人物
成就了
一個無縫的配合
聽到怒吼嗎
誰定忠奸
原來黑暗也不只是北方的專利
就在這璀璨繁華底下
同步上演
貪婪讓人犯罪
仇恨讓人犯罪
權力讓人犯罪
無知讓人犯罪
美麗讓人犯罪
善良讓人犯罪
怨恨嗎
想問
就只問了一句
然後
繼續
相信
公義
哪管笑罵
仍然繼續
相信公義
堅守公義
天雨就忽然下得更狠
這個 cue 的 timing 實在出得再準確不過了
多謝
多謝締造這幕場景、燈光和音響
還有劇本
人物
成就了
一個無縫的配合
聽到怒吼嗎
誰定忠奸
原來黑暗也不只是北方的專利
就在這璀璨繁華底下
同步上演
貪婪讓人犯罪
仇恨讓人犯罪
權力讓人犯罪
無知讓人犯罪
美麗讓人犯罪
善良讓人犯罪
怨恨嗎
想問
就只問了一句
然後
繼續
相信
公義
哪管笑罵
仍然繼續
相信公義
堅守公義
Monday, August 13, 2007
當水火相融時．．．
水水：「你做咩呀，咁唔開心咁嘅？」
火火：「好激氣呀！班友仔都唔係路嘅！」
水水：「邊個咁衰激嬲你唧？講俾我聽吖。」
火火：「嘿，一個二個駛人唔使本嘅！個個一日到黑都老點我，不特止，點完仲跟住係咁開行把牛角扇兜口兜面係咁吹我，唔夠仲人手攞扇黎係咁潑。大佬呀，我都唔知點分身，要我呢度去、果度去，係咁點、係咁潑。喂，吊頸都要唞吓氣喇，想做死我咩！」
水水：「咁聽落你又真係幾辛苦、幾操勞嘅。唔好咁嬲喇，嗱，我至多俾你呷番兩啖，唞吓、降吓溫嘞。」
火火：「唉，都係你溫柔體貼。老實講，我都唔明，啲人係唔係食飽冇嘢做，係要搵啲嘢搞吓至安樂吖？搞到週圍都好似火焰山咁，咁都唔住得人喇，佢地冇諗過咁對自己都冇好處嘅咩？......你就好喇，喺度咁他條。」
水水：「講出黎就你睇我好我睇你好咋，其實我都忙到抽筋架。嗱，你就成日畀人係咁兜口兜面潑吖，你知唔知果啲老爺有理冇理係咁將我潑出去呀？真係搞到我三魂唔見左七魄架。」
火火：「吓，你都咁慘架？唉，咁我哋都算係同病相憐囉。老實講吖，我真係覺得自己懷才不遇架。」
水水：「搞錯呀，你做到氣咳個嚕喎，仲話懷才不遇？」
火火：「唏，弊在啲人唔識用我呢，我覺得我係可以發揮得好啲架；如果佢地識用我，我可以幫手燒旺吓個地方，等啲人有動力去再搞好啲，正所謂水漲船高，咁呀，大家先有好日子過架嘛。都唔明班友仔讀咁多書，讀乜鬼嘅。根本就各懷鬼胎、自私自利。」
水水：「咁講法，我夠懷才不遇喇。唉，佢地好多時都唔理三七廿一就將我潑去人地度，一啲都唔識得珍惜我嘅，仲有呀，去親都係果啲已經裝滿晒幾廿百個大水缸嘅，再唔係有時仲會逼我去和番添呀，咁樣益外人，正漢奸呀。其實如果佢地畀我去多啲乾旱嘅地方，咁咪多啲人可以受惠囉。」
火火：「講真，都唔係個個都咁衰嘅，有啲人都真係知道點樣去善用我哋，不過都係屬於少數囉。」
水水：「咁點都好過冇嘅。」
火火：「好激氣呀！班友仔都唔係路嘅！」
水水：「邊個咁衰激嬲你唧？講俾我聽吖。」
火火：「嘿，一個二個駛人唔使本嘅！個個一日到黑都老點我，不特止，點完仲跟住係咁開行把牛角扇兜口兜面係咁吹我，唔夠仲人手攞扇黎係咁潑。大佬呀，我都唔知點分身，要我呢度去、果度去，係咁點、係咁潑。喂，吊頸都要唞吓氣喇，想做死我咩！」
水水：「咁聽落你又真係幾辛苦、幾操勞嘅。唔好咁嬲喇，嗱，我至多俾你呷番兩啖，唞吓、降吓溫嘞。」
火火：「唉，都係你溫柔體貼。老實講，我都唔明，啲人係唔係食飽冇嘢做，係要搵啲嘢搞吓至安樂吖？搞到週圍都好似火焰山咁，咁都唔住得人喇，佢地冇諗過咁對自己都冇好處嘅咩？......你就好喇，喺度咁他條。」
水水：「講出黎就你睇我好我睇你好咋，其實我都忙到抽筋架。嗱，你就成日畀人係咁兜口兜面潑吖，你知唔知果啲老爺有理冇理係咁將我潑出去呀？真係搞到我三魂唔見左七魄架。」
火火：「吓，你都咁慘架？唉，咁我哋都算係同病相憐囉。老實講吖，我真係覺得自己懷才不遇架。」
水水：「搞錯呀，你做到氣咳個嚕喎，仲話懷才不遇？」
火火：「唏，弊在啲人唔識用我呢，我覺得我係可以發揮得好啲架；如果佢地識用我，我可以幫手燒旺吓個地方，等啲人有動力去再搞好啲，正所謂水漲船高，咁呀，大家先有好日子過架嘛。都唔明班友仔讀咁多書，讀乜鬼嘅。根本就各懷鬼胎、自私自利。」
水水：「咁講法，我夠懷才不遇喇。唉，佢地好多時都唔理三七廿一就將我潑去人地度，一啲都唔識得珍惜我嘅，仲有呀，去親都係果啲已經裝滿晒幾廿百個大水缸嘅，再唔係有時仲會逼我去和番添呀，咁樣益外人，正漢奸呀。其實如果佢地畀我去多啲乾旱嘅地方，咁咪多啲人可以受惠囉。」
火火：「講真，都唔係個個都咁衰嘅，有啲人都真係知道點樣去善用我哋，不過都係屬於少數囉。」
水水：「咁點都好過冇嘅。」
Thursday, August 09, 2007
Sunday, August 05, 2007
我的第一杯奶茶
「媽，呢個袋要黎裝咩架？」
「車好再話畀你知。」
媽媽繼續踏著縫紉機，不消一刻，便縫製好一個白色小布袋來，大概是12厘米乘16厘米吧，袋口是用白棉帶子拉索式的。
「要黎裝咩架，快啲講吖！」已經急不及待了。
「裝茶葉。」媽媽笑著說。
「裝茶葉？乜唔係用個罐裝咩？個袋咁細！？......」
爸爸媽媽在家是喝茶的，而我們小朋友就喝水。媽愛光顧「李香蘭」，每次都是買玫瑰紅茶。很喜歡跟她去茶莊，走進去，充滿著茶葉芳香，很怡神。
「裝住啲茶葉要黎煲，煲滾左就可以沖奶茶飲嘞。」
「沖奶茶？係唔係好似樓下樹記果啲奶茶咁呀？」
「係嘞。」
偶爾的星期天，爸媽會帶我們去「樹記」冰室吃早餐，我每次喝的都是鮮奶，有時媽會逼我喝「谷咕」。哼，「谷咕」還可以，但是「阿華田」和「好立克」就一定誓不低頭。
哥哥比較飄忽，並非每次都一樣，但是似乎喝得最多的還是「阿華田」。
而姐姐呢，咿，竟然喜歡喝甚麼杏仁霜！我最怕那種味道，喝了總有想倒胃的感覺，她在家都是喝這個的。總覺得這甚麼杏仁霜是成人、甚至是老人家才會喝的；不過姐姐也真的像是大人，她愛勸我多喝杏仁霜，說皮膚也會滑嫩些，我才不管呢。
爸媽都愛喝咖啡，媽有時候也會喝奶茶。奶茶、咖啡從來都是他們成年人喝的；雖然顏色差不多，我都能夠分辨到哪是咖啡、哪是奶茶，只是從未真正嚐試過。
「咁犀利？咁幾時煲呀？我想睇吓點煲呀！」
「一陣間等我洗乾淨個袋就可以煲架喇。」
「好嘢好嘢！......媽，我可唔可以試吓呀，一陣間？」戰戰兢兢的望著媽媽。
「試吓煲？」
「唔係呀，......我想......試吓......飲呀，得唔......得呀？」心裡其實有點慌，不敢再正視媽媽，因為媽媽連眼睛都會罵人的。
「你好想試呀，好啦，畀你飲少少喇。」
嘩，媽媽今天心情一定很好了，那麼寬鬆！
洗乾淨了袋子後，媽就拿出一罐茶葉。
「點解未見過呢罐茶葉嘅，乜唔係用果罐咩？」一直只懂得那罐玫瑰紅茶。
「果罐係中國茶葉，沖奶茶要用鬼佬茶葉架。……嗱，呢罐係車仔紅茶。」
媽勺了數茶匙的茶葉倒進布袋裡，把袋口索緊並將棉帶子打了一個結，就放在已盛了水的小茶壺內，再放在爐子上燒煮了。不一會兒水滾了，從茶壺倒出來的就是深褐色的紅茶，一共盛了三杯。然後媽從冰箱把煉奶拿出來，每杯大概加了兩茶匙。跟著我就急不及待地用匙羹放在杯內搖攪著，看著那茶由深褐色慢慢變成「奶茶」色（=P）。
「嘩！……」按捺不住一份莫名的興奮；第一，我喜歡看著一些東西變化的過程，第二，媽媽准許我喝奶茶，這將會是我的第一杯奶茶，（雖然知道媽只會讓我喝少許。）那年我大概是五歲吧。
「車好再話畀你知。」
媽媽繼續踏著縫紉機，不消一刻，便縫製好一個白色小布袋來，大概是12厘米乘16厘米吧，袋口是用白棉帶子拉索式的。
「要黎裝咩架，快啲講吖！」已經急不及待了。
「裝茶葉。」媽媽笑著說。
「裝茶葉？乜唔係用個罐裝咩？個袋咁細！？......」
爸爸媽媽在家是喝茶的，而我們小朋友就喝水。媽愛光顧「李香蘭」，每次都是買玫瑰紅茶。很喜歡跟她去茶莊，走進去，充滿著茶葉芳香，很怡神。
「裝住啲茶葉要黎煲，煲滾左就可以沖奶茶飲嘞。」
「沖奶茶？係唔係好似樓下樹記果啲奶茶咁呀？」
「係嘞。」
偶爾的星期天，爸媽會帶我們去「樹記」冰室吃早餐，我每次喝的都是鮮奶，有時媽會逼我喝「谷咕」。哼，「谷咕」還可以，但是「阿華田」和「好立克」就一定誓不低頭。
哥哥比較飄忽，並非每次都一樣，但是似乎喝得最多的還是「阿華田」。
而姐姐呢，咿，竟然喜歡喝甚麼杏仁霜！我最怕那種味道，喝了總有想倒胃的感覺，她在家都是喝這個的。總覺得這甚麼杏仁霜是成人、甚至是老人家才會喝的；不過姐姐也真的像是大人，她愛勸我多喝杏仁霜，說皮膚也會滑嫩些，我才不管呢。
爸媽都愛喝咖啡，媽有時候也會喝奶茶。奶茶、咖啡從來都是他們成年人喝的；雖然顏色差不多，我都能夠分辨到哪是咖啡、哪是奶茶，只是從未真正嚐試過。
「咁犀利？咁幾時煲呀？我想睇吓點煲呀！」
「一陣間等我洗乾淨個袋就可以煲架喇。」
「好嘢好嘢！......媽，我可唔可以試吓呀，一陣間？」戰戰兢兢的望著媽媽。
「試吓煲？」
「唔係呀，......我想......試吓......飲呀，得唔......得呀？」心裡其實有點慌，不敢再正視媽媽，因為媽媽連眼睛都會罵人的。
「你好想試呀，好啦，畀你飲少少喇。」
嘩，媽媽今天心情一定很好了，那麼寬鬆！
洗乾淨了袋子後，媽就拿出一罐茶葉。
「點解未見過呢罐茶葉嘅，乜唔係用果罐咩？」一直只懂得那罐玫瑰紅茶。
「果罐係中國茶葉，沖奶茶要用鬼佬茶葉架。……嗱，呢罐係車仔紅茶。」
媽勺了數茶匙的茶葉倒進布袋裡，把袋口索緊並將棉帶子打了一個結，就放在已盛了水的小茶壺內，再放在爐子上燒煮了。不一會兒水滾了，從茶壺倒出來的就是深褐色的紅茶，一共盛了三杯。然後媽從冰箱把煉奶拿出來，每杯大概加了兩茶匙。跟著我就急不及待地用匙羹放在杯內搖攪著，看著那茶由深褐色慢慢變成「奶茶」色（=P）。
「嘩！……」按捺不住一份莫名的興奮；第一，我喜歡看著一些東西變化的過程，第二，媽媽准許我喝奶茶，這將會是我的第一杯奶茶，（雖然知道媽只會讓我喝少許。）那年我大概是五歲吧。
我沒有第一時間去品嚐，因為我素來都怕熱，包括怕吃太熱（剛煮好）的食物。所以我就只好乖乖的坐下來，等。
媽媽還是喝咖啡。她取出了那瓶「雀巢金蓋」粗粒咖啡粉，弄了一杯香濃咖啡，當然是由我去負責把咖啡攪勻了。除了是因為我喜歡看著它變色之外，我也很喜歡嗅那咖啡味，很香很香的。但是我不喜歡喝，因為媽曾經讓我試過一口，唔，味道不太好，但也不算是太難喝，只是最不喜歡的就是吞下之後，口腔好像還留有一點酸澀味道。
姐姐和哥哥也坐到飯桌前，吃著餅乾，他們也可以喝奶茶。這就是我們那個週末的下午茶了。
哈，好了，差不多了。我用手指稍稍觸摸杯子，覺得可以喝了，於是就立即拿起杯子，慢慢的喝了一口。
「好好飲呀！」再喝一口，「真係好好飲呀！」我大聲的跟媽媽說，媽只管笑。
「點好飲法呀？」哥哥問我。
「總之好好味喇！」也不顧得答他，餅乾也不吃了，又再喝一口。
「喂，媽話你只可以飲少少咋喎，你飲咁多？……媽 ，你睇吓阿妹！」
「咁你哋又飲？」實在心有不甘。
「點同呀，我哋大過你呀。」哼，好像是很有道理般！
「媽，我想飲多啲，得唔得呀？」不知哪來的膽量，就是望著媽媽問。
「好喇，唔好嘈嘞，俾你飲大半杯喇。」
「好嘢！」簡直是興奮莫名，名正言順的繼續喝了。
「喂，夠嘞喎，夠大半杯喇。」哥哥就是看準我，大聲嚷著。
向來知道媽媽說一不二，我也知道有節制，就放下杯子。眼睛卻睜著哥哥那副得意模樣，我的眼睛也懂罵人的！
「你死喇，你飲咁多，今晚實瞓唔著呀。」哥哥突然說。也讓我想起爸爸說過，很多人喝了咖啡會睡不著，怎麼奶茶也會讓人睡不著？！。。。。。。
媽媽還是喝咖啡。她取出了那瓶「雀巢金蓋」粗粒咖啡粉，弄了一杯香濃咖啡，當然是由我去負責把咖啡攪勻了。除了是因為我喜歡看著它變色之外，我也很喜歡嗅那咖啡味，很香很香的。但是我不喜歡喝，因為媽曾經讓我試過一口，唔，味道不太好，但也不算是太難喝，只是最不喜歡的就是吞下之後，口腔好像還留有一點酸澀味道。
姐姐和哥哥也坐到飯桌前，吃著餅乾，他們也可以喝奶茶。這就是我們那個週末的下午茶了。
哈，好了，差不多了。我用手指稍稍觸摸杯子，覺得可以喝了，於是就立即拿起杯子，慢慢的喝了一口。
「好好飲呀！」再喝一口，「真係好好飲呀！」我大聲的跟媽媽說，媽只管笑。
「點好飲法呀？」哥哥問我。
「總之好好味喇！」也不顧得答他，餅乾也不吃了，又再喝一口。
「喂，媽話你只可以飲少少咋喎，你飲咁多？……媽 ，你睇吓阿妹！」
「咁你哋又飲？」實在心有不甘。
「點同呀，我哋大過你呀。」哼，好像是很有道理般！
「媽，我想飲多啲，得唔得呀？」不知哪來的膽量，就是望著媽媽問。
「好喇，唔好嘈嘞，俾你飲大半杯喇。」
「好嘢！」簡直是興奮莫名，名正言順的繼續喝了。
「喂，夠嘞喎，夠大半杯喇。」哥哥就是看準我，大聲嚷著。
向來知道媽媽說一不二，我也知道有節制，就放下杯子。眼睛卻睜著哥哥那副得意模樣，我的眼睛也懂罵人的！
「你死喇，你飲咁多，今晚實瞓唔著呀。」哥哥突然說。也讓我想起爸爸說過，很多人喝了咖啡會睡不著，怎麼奶茶也會讓人睡不著？！。。。。。。
Thursday, August 02, 2007
累
剛在別人的 blog 留言：「祝福你！」
然後突然有一個疑問，是否每一個人都可以去祝福別人的呢？
想起結婚「上頭」的習俗（是廣東人的習俗嗎？）都是要找些所謂「好命」的人去為準新人「上頭」的；那麼，去祝福別人，是否需要甚麼類似「好命」的人才會成就呢？
有這樣的疑問，並非在抱怨甚麼，也從沒有埋怨過甚麼。只是，只是怕……本來想說如果不夠福氣的人去祝福別人，那祝愿會實現的嗎？心只怕「連累」別人就壞事了。然後又想，怎樣才算是夠呢，說出來也準會討罵的了。
感到很軟弱，皮囊裡外都很軟弱。
你的一句話都可叫我即時跌下，因為羞慚。
乏力，太多牽掛。
然後突然有一個疑問，是否每一個人都可以去祝福別人的呢？
想起結婚「上頭」的習俗（是廣東人的習俗嗎？）都是要找些所謂「好命」的人去為準新人「上頭」的；那麼，去祝福別人，是否需要甚麼類似「好命」的人才會成就呢？
有這樣的疑問，並非在抱怨甚麼，也從沒有埋怨過甚麼。只是，只是怕……本來想說如果不夠福氣的人去祝福別人，那祝愿會實現的嗎？心只怕「連累」別人就壞事了。然後又想，怎樣才算是夠呢，說出來也準會討罵的了。
感到很軟弱，皮囊裡外都很軟弱。
你的一句話都可叫我即時跌下，因為羞慚。
乏力，太多牽掛。
Monday, July 30, 2007
Happy Birthday！！
.jpg)
http://www.bigappleclub.com/blog_info_pic/Smile.jpg
Happy Birthday again！！
希望你睡醒之後，能換上新的心情去迎接新的一天。
還是那句，你擁有的，其實很多。
過去的，無須丟掉、無須埋藏，只要找一個安穩的地方把它放好，因為它是你的一部份，也不能丟失；因為沒有這一部份，也建構不出現在的你、將來的你。
還是那句，你不單擁有，你還能付出。
你曾為你身邊認識的、以至那些你不認識的，你都有伸出過手。他們每一個、每一個都能夠感受到你的溫暖。你不是要為你還能付出而歡呼嗎！
還是那句，你不單擁有，你還能付出，你也可以繼續追求。
你知道你生命的價值應該用甚麼去量度的，因為你的心還在。前面的路仍然會有無數的石頭、會把你絆倒的，但只要你的心還在，你還能再站穩、再提步。你還是會經歷狂風暴雨、你也一樣可以看見藍天白雲；沿路上你還會有機會遇上其他旅客，也許只是擦身而過、也許亦能攜手上路，每一個都會為你生命的圖畫更添色彩、為你的生命成就得更美好。只要你的心還在。
沒有纖巧的手能為你造甚麼小禮物、也召集不到甚麼人為你開一個盛大的party，只有這份心意，希望還可以給你一點點的喜悅，足夠支持你再提一步就是了。
Happy Birthday！！
Happy Birthday again！！
希望你睡醒之後，能換上新的心情去迎接新的一天。
還是那句，你擁有的，其實很多。
過去的，無須丟掉、無須埋藏，只要找一個安穩的地方把它放好，因為它是你的一部份，也不能丟失；因為沒有這一部份，也建構不出現在的你、將來的你。
還是那句，你不單擁有，你還能付出。
你曾為你身邊認識的、以至那些你不認識的，你都有伸出過手。他們每一個、每一個都能夠感受到你的溫暖。你不是要為你還能付出而歡呼嗎！
還是那句，你不單擁有，你還能付出，你也可以繼續追求。
你知道你生命的價值應該用甚麼去量度的，因為你的心還在。前面的路仍然會有無數的石頭、會把你絆倒的，但只要你的心還在，你還能再站穩、再提步。你還是會經歷狂風暴雨、你也一樣可以看見藍天白雲；沿路上你還會有機會遇上其他旅客，也許只是擦身而過、也許亦能攜手上路，每一個都會為你生命的圖畫更添色彩、為你的生命成就得更美好。只要你的心還在。
沒有纖巧的手能為你造甚麼小禮物、也召集不到甚麼人為你開一個盛大的party，只有這份心意，希望還可以給你一點點的喜悅，足夠支持你再提一步就是了。
Happy Birthday！！
Saturday, July 28, 2007
亂舞
「焚松」中《頑石》王維銘獨舞（華夏導報）http://epaper.pccu.edu.tw/index.asp?NewsNo=2633
昨晚本來想把月亮寫下，整理不到思緒，嗚，題目過期了。
可以告訴我那總是和月亮相對著、卻又保持著距離，又沒有遠走的星星叫甚麼？它比其他的大、比其他的光。
星期六下午，還是待在公司；好，飯桶今天午餐不吃飯；要吃越南檬粉。
胡言亂語地調侃一翻，不外自娛半饗。記下了，又何妨。
重複的點擊，是一種渴求。你會看得見嗎。
重複檢視著那個空白的檔案，慢慢的化出3D圖案，看得滿目都是情意。
聽到那水滴聲，滴著，滴著。要修理嗎？我在行，也不收分文。
勞動好，好讓你休息，然後更強壯。
他騎著單車，走進了胡同幹啥？
鋼琴的另一邊，還是空著位置。琴鍵都涼了。
妳在哪？是否又搬回舊居了？那房子不是住人的！
何苦進進出出，就坐下來，喝一口茶吧。
滑鼠說：「我要休息。」就走了。
都是各不相干的。
Wednesday, July 25, 2007
感動
今朝早坐喺度一路食緊美心排飽（搽左啲 margarine 同埋花生醬）、飲奶茶，[註：以上早餐食左超過十年，日日如是，都冇厭。]一路望住外面嘅藍天白雲，諗番起琴日有個網友話，見到有啲 bloggers 啲中文咁好，好感動，所以佢去買左本文學巨著返黎睇，希望學好啲中文。
我聽左覺得好感動，香港好多讀番書嘅人，都唔識點樣去欣賞中文，莫講話諗起去學好啲喇。
突然諗起古人話：「三日不讀書，則義理不交於胸中，對鏡覺面目可憎，向人亦語言無味。」我對上一次係幾時讀過書都真係諗唔起，即刻不期然咁望吓塊鏡。（都仲OK吖。）又突然諗起細個嘅時候阿哥話：「咩病都有得醫，係蠢就冇得醫。」（佢講親呢句，我都會悻悻然咁用對眼倔住佢，倔好耐。）而家我就會話，仲有懶都係冇得醫嘅，尤其是先天性嘅添。我認命架！：P
後來講起「天水圍12師奶」本書，佢又突然彈左幾句說話：「我買六合彩呢，有時會諗，呢個世界，實在有太多人比我更應該中嘅，好似天水圍12 師奶啲人咪應該中囉。」
我聽左之後，真係好好好感動。心裡面諗，究竟呢個世界上有幾多喺福中嘅人真係識得或者會去意識到其他人嘅存在同埋需要呢？
係呀，我係好容易受感動架；見到美麗嘅人、美麗嘅事都會感動。當見到或者聽到人哋嘅不幸或者傷心，又會好容易喊；不過硬係自己啲唔開心，就 “jit” 極都冇一滴。
鍾意睇 blog，係因為鍾意睇到唔同嘅生命，可以開到眼界，再睇到自己係幾渺小、有幾不足。當然仲有一個原因，就係唔駛好似睇書咁長吖嘛，冇計，先天性嘅病真係冇得醫，真係慘。
喺呢度，見到好多好美好真好善嘅人、見到好多有情有義有火嘅人，我都好鍾意；呢啲人令世界加添美麗。不過我都見到有啲虛偽嘅人、唔識得尊重人嘅人、自以為是嘅人，見到果啲刻意經營嘅包裝，簡直令我作嘔，我更加羞與為伍。係呀。
嗱，呢篇唔再咁文縐縐啦、又唔隱晦啦，唔駛咁出力都睇得明喇啩。
話時話，突然又諗起有啲網友提過唔會用廣東口語寫文章咁岩岩慚慚，亦有人會稱之為冇乜文學價值。哈，做乜嘢都係各自投其所好，各取所需啫，反正寫 blog 啫，我又唔係咩文學家，又冇諗過要靠文字維生（畀我就肯定揸兜都得嘞！），我只會用我認為喺寫果刻最能夠表達到我個心，咁就得架嘞。所以之乎者也又好、的麼了吧又好、嘅咩嘞嚕又好，甚至 #@$*#&@ 都好，邊樣啱 feel 我就用邊樣，唔理咁多架，反正我樣樣都識少少。哈哈！
我聽左覺得好感動，香港好多讀番書嘅人，都唔識點樣去欣賞中文，莫講話諗起去學好啲喇。
突然諗起古人話：「三日不讀書，則義理不交於胸中，對鏡覺面目可憎，向人亦語言無味。」我對上一次係幾時讀過書都真係諗唔起，即刻不期然咁望吓塊鏡。（都仲OK吖。）又突然諗起細個嘅時候阿哥話：「咩病都有得醫，係蠢就冇得醫。」（佢講親呢句，我都會悻悻然咁用對眼倔住佢，倔好耐。）而家我就會話，仲有懶都係冇得醫嘅，尤其是先天性嘅添。我認命架！：P
後來講起「天水圍12師奶」本書，佢又突然彈左幾句說話：「我買六合彩呢，有時會諗，呢個世界，實在有太多人比我更應該中嘅，好似天水圍12 師奶啲人咪應該中囉。」
我聽左之後，真係好好好感動。心裡面諗，究竟呢個世界上有幾多喺福中嘅人真係識得或者會去意識到其他人嘅存在同埋需要呢？
係呀，我係好容易受感動架；見到美麗嘅人、美麗嘅事都會感動。當見到或者聽到人哋嘅不幸或者傷心，又會好容易喊；不過硬係自己啲唔開心，就 “jit” 極都冇一滴。
鍾意睇 blog，係因為鍾意睇到唔同嘅生命，可以開到眼界，再睇到自己係幾渺小、有幾不足。當然仲有一個原因，就係唔駛好似睇書咁長吖嘛，冇計，先天性嘅病真係冇得醫，真係慘。
喺呢度，見到好多好美好真好善嘅人、見到好多有情有義有火嘅人，我都好鍾意；呢啲人令世界加添美麗。不過我都見到有啲虛偽嘅人、唔識得尊重人嘅人、自以為是嘅人，見到果啲刻意經營嘅包裝，簡直令我作嘔，我更加羞與為伍。係呀。
嗱，呢篇唔再咁文縐縐啦、又唔隱晦啦，唔駛咁出力都睇得明喇啩。
話時話，突然又諗起有啲網友提過唔會用廣東口語寫文章咁岩岩慚慚，亦有人會稱之為冇乜文學價值。哈，做乜嘢都係各自投其所好，各取所需啫，反正寫 blog 啫，我又唔係咩文學家，又冇諗過要靠文字維生（畀我就肯定揸兜都得嘞！），我只會用我認為喺寫果刻最能夠表達到我個心，咁就得架嘞。所以之乎者也又好、的麼了吧又好、嘅咩嘞嚕又好，甚至 #@$*#&@ 都好，邊樣啱 feel 我就用邊樣，唔理咁多架，反正我樣樣都識少少。哈哈！
Subscribe to:
Posts (Atom)
