剛在別人的 blog 留言：「祝福你！」
然後突然有一個疑問，是否每一個人都可以去祝福別人的呢？
想起結婚「上頭」的習俗（是廣東人的習俗嗎？）都是要找些所謂「好命」的人去為準新人「上頭」的；那麼，去祝福別人，是否需要甚麼類似「好命」的人才會成就呢？
有這樣的疑問，並非在抱怨甚麼，也從沒有埋怨過甚麼。只是，只是怕……本來想說如果不夠福氣的人去祝福別人，那祝愿會實現的嗎？心只怕「連累」別人就壞事了。然後又想，怎樣才算是夠呢，說出來也準會討罵的了。
感到很軟弱，皮囊裡外都很軟弱。
你的一句話都可叫我即時跌下，因為羞慚。
乏力，太多牽掛。
年度驚喜：林峯
3 hours ago
59 comments:
哎唷! 不嘍都以為是「賞頭」﹐原來是「上頭」! 多謝你。
中國人在農曆新年畀「利是」也是同樣的﹐畀出的人有太多「利是」要分給各人﹐中國人其實是很闊綽的。
攰就抖抖啦...唔好諗咁多...
早少少訓,聽朝起身,慢慢食個醒神早餐,又會有美好的一天啦
支持你
雖然我明白解鈴還需繫鈴人
心誠則靈.
寫下來、親口跟他說、抑或是放在心中默默祝禱,都只是形式上不同而已.
嗯﹐我也感到很累。
Space：
我都唔知「上頭」啱唔啱架！
派「利是」可以話係闊綽，也可以係有好嘢就攞出黎大家一齊分享。
s-pig：
你提醒我好耐未試過去茶餐廳食果啲早餐A早餐B添。嗯，或者真係去食番個至得。^^
世界上另一個我：
多謝！！
魔術師：
多謝你提醒我，嗯，心誠！
Yun：
大家都抖一抖。~~
其實一句祝福只是一種支持
並不牽涉什麼精神傳遞吧
所以, 那個被祝福的人已經感受到你對他的支持了
送上祝福千串!!!
如果說自身不夠福氣怕會連累想祝福的人，
那麼需要被祝福的一個也可能會連累去祝福人的那一個?
其實，沒有甚麼連累不連累的。
不懂說甚麼，也未必能幫到甚麼，
只有在心中支持吧......
如果你不嫌我或會「連累」你的話。 :p
小貝：
~_~
Space：
多謝！我很喜歡這首歌。令我想起之前離開舊公司，為我開了一個盛大的送別晚會，場面感人，我除了送給每位同事小禮物，最後我就是唱這首歌回贈他們的心意了。
Middle：
其實我怎會不知道自己在胡言亂語，只是在身心都疲累的狀態下，都想記下這些傻瓜想法，也讓自己笑一下。別擔心啊！朋友的祝福和支持，我只會嫌不夠，又怎會嫌棄你呢！哈哈，就算是要連累，都只會是「累鬥累」！ ^_^
嘩!
小朱姐轉工﹐有盛大歡送晚會﹐
厲害﹐犀利﹐勁勁!
你唔係話唱葉倩雯個隻「祝福」﹐呢次是張學友的「祝福」﹐啊! 你兩隻都有唱!
如果講祝福系發自內心，美矣！
如果講祝福好似多謝咁，善矣！
始終好過無講，除非：
如果講祝福林住睇你福得幾耐....
一句祝福都考慮咁多，你肩膀上未免太沉重。其實大部份時好多野都系 no one cares but yourself..
Space：
當時最後的posting 都算是臨危受命，走的時候勉強可以說是功成身退；而公司是大機構，再加上光是自己部門同事都幾十人，所以都算是有些人「撐場」吧。=P
葉倩文的祝福是同事點唱的，張學友的祝福是我自己揀選送給他們的臨別壓軸歌。
大師：
多謝你提點，呢篇其實係無無聊聊、自己忟自己之作。你講嘅嘢，我明架。
一句祝福所引發嘅思考當然並非真正憂慮究竟我對人哋嘅祝愿會唔會實現，我知道我嘅心意收嘅人係會知道嘅，呢個已經足夠。（甚至佢真係知唔知都未必係最重要。）只不過我琴晚祝福人嘅呢個行為牽引左我自己對自己嘅問題有新嘅思考啫，冇咩嘅。^_
而公司是大機構又何如?
如果不是人緣好夠號召力
那會有盛大場面﹐
這樣說自己部門已經幾十人﹐大公司﹐幾十個部門﹐豈不是陳二三百人的宴會?
typo again should be "成二三百"
>>想起結婚「上頭」的習俗（是廣東人的習俗嗎？）都是要找些所謂「好命」的人去為準新人「上頭」的。
聽長輩講, 多數是找已婚兼有子有女的「好命」婦人「上頭」的。
累, 就要好好休息; 好似我咁, 食藥食到想睡, 又要工作, 幾難頂!
所以我近日都爭取時間休息!
[施比受更有福]，祝福別人的同時，也造就自己一顆歡喜心。
咪咁婆媽啦,
想祝咪祝囉,
一片好心嘛!
我都祝你一句"生活愉快",
仲要祝多兩鑊添呀,
洗物咁多顧慮,
祝祝祝.......一生快樂! :p
Space：
唔好再深究我舊公司幾大嘞，總之果次都好高興喇，覺得自己喺間公司都算係劃左一個幾OK嘅句號。
Karen：
都知道你嘅問題都困擾左好耐，希望你快啲好番。^^
Lilac：
我深明而且一直有奉行「施比受更有福」。^^
新鮮：
哈哈，你嘅祝福，收晒！！:D
我這個外來人, 不明白內裡故事. 看完只感慨... 有時不要想太多. 想來想去, 真的人都顛.
你打從心底裡的祝福, 相信你的朋友是感受得到, 並且會欣然接受. 不要想累不累人呢... 有真心就是了.
反之, 有些虛假的 "祝福", 說的人以為裝得很像, 可聽的人明知是寒暄, 真的一句都嫌多.
亞芬：
哈，我有時都真係癲癲哋架。=P
其實正如我在上面的回應，這篇只是無無聊聊的胡言亂語，我還沒有鑽牛角尖鑽得那麼厲害，我還是愛用心的我。~_~
有能力和那一颗心去祝福别人，就是福份了 =）
杉：
祝福是一份心意。如果有能力對有需要的人給幫上一把，那更會是莫大的欣喜。
Quoting:
"Space：
唔好再深究我舊公司幾大嘞，總之果次都好高興喇，"
小朱姐咁都要你人緣好夠號召力先至有咁到人出席個派對!
Space：
歡送歡送，可能黎嘅人裡面有好多都係喺度慶幸祝：「呀，真係好嘞，佢終於都走喇。」爭在冇得燒爆仗咋。 ^_
其實你想祝福佢，暗地裏係唔係同緊自己打氣呢？
唔好諗咁多啦。Think positive!
晴陰雨：
你.....！
小珠:
我.....？
我都係講緊自己經驗啫。
晴陰雨：
^_*
大機構攪歡送會﹐公費定要出席者科水﹐他們貼錢都來歡送你可知小朱姐的江湖地位人緣廣人緣佳號召力猛親和力勁。
還大開金口﹐唱兩首「祝福」!
不要問 不要說
一切盡在不言中
這一刻偎著燭光
讓我們靜靜的渡過
莫揮手 莫回頭
當我唱起這首歌
怕只怕淚水輕輕的滑落
願心中永遠留著我的笑容
伴你走過每一個春夏秋冬...
Good song! :P
「感到很軟弱，皮囊裡外都很軟弱。」
我都係，但我都要祝福你。
傻豬！
Space:
我真係唔識應嘞，OK，我一於照單全收啦！
Old Cake：
其實好想你唱，不過因為是普通話的。
-______-
惡女：
嘻嘻，係呀，我傻架，你點知嘅！~~
你係唔係晚晚都要做到好夜架?
唉 真係頂你呢度唔順 x_x
隨隨便便一個post都幾呀個留言
唸住呢篇野短d可以睇少d喇
點知追留言都追到頭暈...
原來睇野係要咁用神既我今日都係第一次體會到
不過話說回來
我都對祝福呢樣野好認真架
覺得如果唔係自己真係有咁既福氣
點祝人地喎
不過呢今時今日開口埋口祝人乜乜物物已經成為禮儀既一部份
如果太執著唔講會比人地覺得你好怪
所以都唯有入鄉隨俗
縱然自己冇咁既福氣都係心裏面衷心咁希望人地好我先會開口講
再講小豬如果真人唔係咁nice
打死我都唔信係現實世界同虛擬世界內外都咁多人中意同佢做朋友
除非........嘿嘿(奸笑)
易亦：
多謝你咁夠義氣，頭暈都仲咁用心留言畀我呀！^^
不過你做乜喺度笑得咁曖昧呀?
阿亦亦同阿小珠:
當你衷心祝福人時
你會諗D正面既野
所謂相由心生
你慢慢自自然然會覺得開心D
D福氣咪會黎你到囉!
你十扑得人
自自然會有人幫返你地嘛
呢D就係福氣啦!
＞你做乜喺度笑得咁曖昧呀?
你真係想我講出黎？嗯？嘿嘿！
＞十扑得人？
support 人 :s
晴陰雨：
"你十扑得人
自自然會有人幫返你地嘛
呢D就係福氣啦!"
其實我知我都幾「福」架，哈！
小珠，係呀，我成日都好夜先有得走。
好認同易亦呀，你呢邊啲回應成日睇到我頭暈。
惡女：
哎呀，你哋咪咁喇！真係頭暈嘅，咪抖吓先再睇喇，再唔係咪跳左佢唔睇咁多囉。（不過有時睇啲留言又會睇多啲嘢固喎。）
其實真係好多謝你哋咁多位成日黎探我架，真係好鬼warm 架唧。^_
覺得都係陰乳最知燒豬心：－
＞其實你想祝福佢，暗地裏係唔係同緊自己打氣呢？
我都覺得係咁．．．
近來面對的問題越來越難處理，只好當是人生進程的重要一課。
所以，我都要祝福你一切順利！
讲的对！
米搞：
如此說來，你也頗知我心呢，謝謝！
You two are still in my prayer！ ^_^
杉：
你的支持，收到了。~~
傻豬, 你想得太多了!
每個人都有祝福, 施予別人既權利!
記著 : 施比受更有福!
就這麼簡單, 不要給那個"他"DRAW 你太多ENERGY 喎!
Tracy：
每次見到你都真係好開心嘅唧，仲好溫暖添呀。
我知架嘞！~_~
Post a Comment