Sunday, October 28, 2007

角鬥

「………」

「做咩呀你?」

「我睇左個留言、又睇左個回覆,好唔開心!」

「咪咁啦。」

「跟住我睇埋篇文,我更加妒忌!」

「你唔可以咁架噃。」

「咁我真係妒忌吖嘛。」

「你既然唔可以,又唔俾人哋,咁唔啱固噃!」

「我知道,所以我咪好憎自己囉。」

「你唔覺得如果係嘅話,其實係最好架咩?」

「啱,我都希望係咁。不過如果係,我又唔可以一下子就接受到嘛。」

「咁咪等時間去做嘢囉。」

「……我又睇左另一個留言回覆,個心又好唔舒服。」

「你咪搞到自己咁至得架,搞左咁多嘢出黎,你太貪心喇,你咁害人害己架。」

「我知道,而家害緊啦。」

「搞左咁多嘢出黎,始終都要面對同解決架,你應該好清楚。」

「我就係太清楚,先至咁辛苦。」

「呢啲係你自己攞黎嘅;你太多妄想喇。」

「我都發覺開始有啲失控。」

「冇話失唔失控嘅,不過你係鍾意放縱,咁冇偈架噃,你唔做都冇人監到你架。」

「你係唔係咁對我呀!」

「梗係要咁啦,都係果句,你自己係最清楚架嘞。」

「我面對唔到呀,我驚咩都冇晒呀。」

「你本來都唔應該有架啦。」

「……」

「記住呀,你已經賺左架喇。」

「……」

33 comments:

野蠻郡主 said...

hi!小豬!

其實我想回你上一篇,說真的,有很多事我都感到無能為力…做得多,越察覺到自己的不足之處。

好多事情我都控制唔到…亦唔到我去控制。鬥…no la!好浪費氣力架喇!依幾日凍左好多喇,都係省返啖氣暖肚先!^^

小貝 said...

岩*

盡力而為

南區肥龍 said...

少年時, 為目標, 為心頭好, 去鬥, 不知天高地厚, 不自知.

壯年時, 為啖氣, 為比較, 去爭, 往往只係人心不足, 但明知.

老年時, 仲未知, 因為仲未到!

aulina said...

今次見到唔同色,終於記得邊個打邊個。

真係賺咗。

樂遊 said...

好似左腦與右腦、大腦同小腦的對話,耐唔耐遇到一些事就會在腦殼中響過不停,煩過耳鳴。

新鮮人 said...

放不低! :(

xiao zhu said...

郡主:

係呀,好多嘢都唔係我哋可以控制到,不過自己嘅心態係可以調校嘅。難就係難架嘞。

喂,而家未叫凍下嘛?

xiao zhu said...

小貝:

一齊啦!^^

xiao zhu said...

肥龍:

好多嘢都係明知,不過都...

xiao zhu said...

Aulie:

要抑制貪念真係好難。

xiao zhu said...

樂遊兄:

仲有天使同魔鬼。

xiao zhu said...

新鮮:

係我水皮啫,你唔好扁嘴啦,咪唔夠新鮮架嘞。你知嗎,你啲新鮮正能量對我有幫助架。

Yun said...

咦﹐自己同自己鬥﹖我都中意做丫...

易亦 said...

哦!
原來如此
真係睇少一陣都唔得添
嘿嘿

the inner  space said...

力,角鬥, 第三部曲是....???

Anonymous said...

明知都要做又真係幾辛苦既...

既然都知道答案就將自己既心情退一步去面對啦,唔好迫得自己太緊...

亂只會令人作出更多錯誤的決定,relax...讓腦袋多一些空間去透透氣...

思..寧

vicky said...

Although i don't understand.....

but add oil!

新鮮人 said...

咁我又無扁咀,
見到你咁樣有少少擔心,
過咗就算啦! :)
如果我真係對你有些微嘅幫助,
實在是我的榮幸了! :)

xiao zhu said...

Yun,

~_~

xiao zhu said...

易亦:

你唔似咁"慢"架,試吓瞓番多啲吖。=P

xiao zhu said...

Space:

你知唔知呢,你時不時都會俾到啲靈感我架。^_

xiao zhu said...

新鮮:

講真,你唔講我都明嘅。

榮幸? 喂,我都唔怕醜,成日恃熟賣熟,你唔駛咁同我講嘢下嘛。

Hana said...

「我知道,而家害緊啦。」

人生苦短,害咪害羅,只要害得痛快又有何不可?俾太多規范自己,枷鎖只會越來越重!
***********************************
「你本來都唔應該有架啦。」
昂山素姬本來都唔應該有12年嘅軟禁
香港本來都唔應該有八萬五
哩個世界冇話應唔應該嘅,只有想同唔想,有時啲野我哋自認為害人害己,查實可能只不過係痛并快樂着。
**********************************
啲人寫咗啲有違常理嘅野,通常都會搭埋一句:啊呀,唔够瞓,我都唔知自己講乜。
我係啱瞓醒,係度胡言亂語。
嘻嘻...

Q.C. said...

我睇唔明既

the inner space said...

xiao zhu said...
Space:

你知唔知呢,你時不時都會俾到啲靈感我架。^_



哎唷! 我近來冇靈感! 所以要停止寫!

野蠻郡主 said...

可能我真係身體差,我係公司已經著晒風褸,訓教蓋棉胎喇!><

其實我都明白hana話快樂同痛苦,真係睇你用咩心境去面對!

不過我宜家試緊一招,我要失憶,我飲完忘情水…好快我就咩都唔記得晒!睇下可以忘記到幾耐!傷口係到…要好耐好耐先好,我唯有當見唔到,唔理佢…希望都唔好有見到走去攪下佢…冇眼睇乾淨盲。

新鮮人 said...

咁我唔客氣啦,
你得閑要寫吓好似"早前啲故仔"畀我哋睇架! :P
當係報答大家嘅鼓勵喇!

xiao zhu said...

Hana:

當要鞭策吓自己嘅時候,咪講吓應唔應該囉,到要放縱自己咯,咁就係本小姐想唔想、鍾唔鍾意喇。

我夠唔夠瞓,都會胡言亂語。^_

xiao zhu said...

QC:

唔好意思,我周不時都會胡言亂語架。=P

xiao zhu said...

Space:

你而家正在三及第,應該有很多靈感架。

xiao zhu said...

郡主:

小心你嘅鳳軀呀,咁快蓋棉胎? 我仲係冚緊一張薄毛巾被咋。不過今日都涼左,黎緊呢個禮拜尾會得上19度咋,你真係要著多件衫呀。

忘情水?我死都唔會飲架!

xiao zhu said...

新鮮:

嗯,等我精神好番啲會寫吓架嘞。我鍾意想當年架。

shek said...

拒飲忘情水
斯人獨憔悴
願把心底愁
直灑一江醉