Monday, October 15, 2007

那次醉…

Mad Dog 說許久沒有大醉,一下子就觸動了我的神經綫。

那次大醉,是唯一的一次大醉。雖然沒有在人前胡言亂語,(我知道,因為心裡還是清醒,)卻是醉得頭都不能抬、眼也不能睜、身體都支撐不來,完全的昏倒般,要勞動主人家的兒子和友人把我送回家。整個過程自己都在「看」著,看見自己那麼失儀,簡直就是羞愧難當。

飲宴的主人家是一位認識多年的老人家,本是舊客戶,他兩老卻視我如乾女兒般疼。當晚座上的都是自己人,認識我的都奇怪,以我的酒量,怎會(拔蘭地)酒還未過三巡就醉昏過去;連我自己都摸不著頭腦,這永遠都是一個謎。

那次大醉,清醒之後,頭和胃都痛得翻天覆地般,呆在床上,上不了班。不過也樂得給自己一個好理由,以後都不喝了。這倒也沒甚麼損失,反正對我來說,甚麼酒都好,根本不是美味的東西,真的不懂欣賞。直到這一兩年,才偶爾在公事宴會上讓嘴唇沾上點滴紅酒;而今天的酒量自不及當年了。

那次大醉,清醒之後,還做了另一個影響一生的決定。今日回首,也足夠可以自嘲一下,原來當時還未完全清醒過來呢。那又如何!

從來都相信,在一般的情況之下,我們做的決定,都應該已經是當時認為最好的決定了;總認為,決定沒有分對錯,只能說好與不好。

所以,我可以心安理得,永不言悔。再來一次,還是會一樣的。最重要的是,在每個決定之前,我能夠清楚自己的承擔能力,無論日後如何。

今天,我沒有酒醉,我下了另一個(重大的?)決定。怎麼樣都是自己承擔、都只有自己承擔。

53 comments:

南區肥龍 said...

用雙腿支撐, 站起, 再承擔. 決定咗就放開去面對咧.

況且醉同唔醉, 清醒咗都係一樣.

支持你啦!

xiao zhu said...

多謝你,肥龍!

xiao zhu said...

肥龍:

你講得啱,要放開,我要學習放開。

shek said...

放下心中的重擔後,你將會看見新的藍天......
這是你個人的藍天行動,讓我們為你的藍天打氣!

易亦 said...

>以我的酒量,怎會(拔蘭地)酒還未過三巡就醉昏過去;連我自己都摸不著頭腦,這永遠都是一個謎。

明顯被人落藥...
(都唔知自己呢句係講笑定講真:講笑唔好笑;講真唔似真)

點都好決定左就好

微豆 Haricot said...

" ... 決定沒有分對錯,只能說好與不好。"

I agree it's no use to pass judgment after-the-fact. Besides, circumstances change, including the people involved as well as our views of the world.

"... 怎麼樣都是自己承擔、都只有自己承擔。"

I do agree we must take responsibility for our own decisions and actions. However, don't be too hard on yourself :) We are only human and are allowed to lean from our mistakes too.

Old Cake said...

你...冇事吖嘛?

小貝 said...

小貝也想醉

醉一下感覺也很不錯。

小豬沒事就好了。

新鮮人 said...

支持你呀!

都係嗰句,
決定咗就去馬,
又唔洗死嘅,
得失都無所謂,
最緊要活得開心自在! :)

思緒不靈 said...

祝福你!
回望時仍會覺得這次的決定是好的!

思..寧

小貝 said...

呵呵

你放膽做咩先。

樂遊 said...

希望任何結果都是你樂於看見的吧。
等我都擠點時間寫寫最欄醉的一次先(雖然可擠的時間越來越少了)。

xiao zhu said...

Shek:

有你為我繼續打氣,我會更加醒神。~~

xiao zhu said...

易亦:

落藥? 哈,哈!

嗯!

xiao zhu said...

Haricot,

You really know me. Yes, I'm still learning.

xiao zhu said...

OC:

我...冇事呀! ^_*

xiao zhu said...

小貝:

小醉,可以去搏人懵;大醉,就會容易俾人搏懵。哈哈!

做咩? Shhhhhhh...(細細聲)你話呢?

xiao zhu said...

新鮮:

係呀,駛死咩? 我鍾意呀!!!

xiao zhu said...

思..寧:

我都衷心祝福你倆永遠幸福!!~_~

不敗的魔術師 said...

>決定沒有分對錯,只能說好與不好。

嗯,的確是.

xiao zhu said...

樂遊兄:

每次見你,都感到莫名的興奮。

一定不會任何結果都是我樂於看見的,但是,任何結果我都可以接受的。

快快寫吧!^_^

xiao zhu said...

魔術師:

甚麼時候再可以點唱呀?

墜落天使 said...

@__@ 小豬原來....

嗯嗯嗯嗯嗯.......
去歌~~~~
(懷緬過去常陶醉 一半樂事 一半令人流淚)

桃紅三點式 said...

好!我唔飲得都同你乾一杯!

mad dog said...

酒醉清醒後作人生大決定, 倒沒試過.

Keith said...

We had a little high school reunion at a friend last year. These over-grown kids quickly got mightly rowdy after few drinks. Almost all of us got half drunk after dinner. One girl, however, absolutely refused to join the fun and drink. Eventually she gave in and explained, "It would be so embrassing if a girl got drunk but cannot lost her virginity."

vicky said...

xiao Zhu,

add oil!

seikomatic said...

豬豬,

人生唔系你【決定】就得。

而事情計算過後多數一事無成,因為唔做唔錯。

反而一時衝動會精彩好多,而家身邊已經無朋友同俺一齊玩過山車同跳樓機啦。

xiao zhu said...

天使男:

原來咩呀? 你想講咩唧?

xiao zhu said...

三點:

多謝你捨命陪小豬呀。

呢一刻,我真係想醉死左佢喇!

xiao zhu said...

Mad Dog:

其實清唔清醒都好,個或然率都係一樣嘅咋。

xiao zhu said...

Keith,

What are you trying to say, huh?

Anyway, it's not necessarily to get drunk. Haha!

xiao zhu said...

Vicky:

我真係唔係好夠油呀,因為我副係turbo engine,勁食油呀!

點算呀,Vicky!

米都話唔搞咯 said...

你個決定幾時知結果?

祝,化險為夷。

C.M. said...

承擔?

借問聲,咩叫“唔承擔”呀?

xiao zhu said...

大師:

每次見到你,都有兩種感覺。

第一,覺得自己好似即刻變左小人國啲人咁,當堂縮細左好多。點解? 我哋個名都露左玄機啦。

第二,覺得個心突然間靜番啲多。(啲多咋,唔多架,仲要你喺度至有效喎。死唔死!)

>>人生唔系你【決定】就得。

係呀,你講得啱架。不過唔決定又都唔得噃。咁點呀,大師?

你所講嘅精彩,我都擁有過唔少架。而過山車、跳樓機? 我玩到唔玩嚕!

xiao zhu said...

米搞:

結果? 可能都已經有喺度。其實咩叫結果,都可以有唔同嘅定義。

xiao zhu said...

C.M.:

唔知點解,你一問我嘢我就會即刻慌失失架嘞。我可唔可以問番一樣嘢先呀? 世界上係唔係每一樣事物都一定存在住相對嘅狀態架?

老實講,我真係唔識答你個問題噃!(因為仲未慌完。)我只可以話,"怎麼樣都是自己承擔、都只有自己承擔。" 呢兩句嘅文脈,係唔存在 "唔承擔" 嘅條件。(我噏咩呢?)

墜落天使 said...

冇呀^_^

呀...我都有次飲到行唔到直線@@
(當然我平時都係唔飲酒的,咁大圍人去唱K咪飲下)

梁巔巔 said...

醉後, 清醒, 何妨忘掉醉中的承諾.

Hana said...

即使好飲得嘅人
想求醉
一杯都已經可以搞掂咗啦
唔飲得嘅
酒入愁腸两三啖就醉咗都好多架
**************************
如果唔溝酒而飲嘅酒又醇嘅話呢
即使醉咗第ニ日醒返係唔應該(會?)頭痛架

不敗的魔術師 said...

「由於節目調動關係,本台既點唱節目時間,將會稍為延長.各位聽眾敬請留意.」

xiao zhu said...

巔巔:

你這無意的一句,可以是錐心泣血!

xiao zhu said...

Hana:

此刻但求醉死。

xiao zhu said...

魔術師:

(熱淚盈眶中!)多謝你的體貼!

小貝 said...

發生咩事?!
話比小貝知發生咩事?????

xiao zhu said...

小貝.....

古思哲 said...

這兩天,我忽然很想醉。雖然醉是甚麼都解決不了,但傷痛之時,就想念醉的感覺。

lu said...

醉時想清醒是痛苦的哦.因為要抑制自己不要失禮,但(暫時)已經沒有那個能力去控制任何事.倒不如放鬆去醉好了.

最重要醉的時候是在個可靠的人的身邊,有人照顧. :P

哦,看到你也是蝎子呢,快要生日囉. :)

xiao zhu said...

思哲:

我都想。

xiao zhu said...

Lu:

清醒時都要,更加要呀。

仲有一個月,不過我從來都冇慶祝嘅。

seikomatic said...

稱呼如果引起不快,希望收番就好啦。

提到決定真系有感而發,俺過去幾個大,好大的經歷都系因為自已唔想面對決定,但地球唔會等你,最後事情自會有決定。最近類似的事情又再發生,人真系跌極都唔會學精。

所以其實有得決定即系仲有得簡,應該珍惜先o岩。

如果真系唔想決定,船到橋頭自然直又派用上。

俺真好懷念人地叫俺:乖,聽話啦,錫錫的日子...

xiao zhu said...

大師:

你來到,怎會不快呢,滿心歡喜才是呢。

此刻心情壞透,就容許我說一句晦氣話。生命於我,是如斯痛苦,索性就沒有選擇好了。即如盲婚啞嫁,也並非沒有幸福。好的,可以歡天喜地感謝蒼天,不好的,也可以怨怨老天爺,自己不用背負那麼多。

我都一樣懷念那些日子。