Saturday, April 14, 2007

的士奇遇(一)

「唔該美孚第七期吖。」

「Ann,認唔認得我呀?」

「......Lawrence?...咦,又幫伙計替更呀?」

「都可以話係嘅。......冇見大半年喇。」

「嗯。」

「唔好意思呀!......」

「吓?」

「嗰陣時我唔係有心畀麻煩你架,我不過.......我都打過電話畀你想同你講對唔住,不過啲人話你唔係度做。」

「係呀。」

「我其實...呢個月嚟都好多時會兜嚟呢頭,睇吓會唔會咁轎撞到你。點知今日真係畀我見番你。」

「喂,Ricky,我大概三分鐘就到喇。」

。。。。。。

「唔該。」

「唔駛喇。」

「唔得,數還數嘛。你快啲找錢畀我喇,我趕時間呀。」

「多謝!」

「唔該。」

「拜拜。」

「拜拜。」

自此之後,每次上的士之前,都一定看看司機的模樣。

42 comments:

暗黑的卡夫卡 said...

Hey free taxi ride!!! Why not!!! :P

xiao zhu said...

K,

Hey, U!

Anonymous said...

有些女生對“免費”是很執著的!!!

但大部份都愛貪小便宜是事實。

xiao zhu said...

space:

畀你哋激死呀!一個二個都係咁。問題都唔係的士費個度。

再講,我當然有原則喇,我一定唔會貪小便宜,但係唔代表我唔會接受"免費"喎,梗係要睇吓邊個丫嘛,如果唔係,就後患無窮!

暗黑的卡夫卡 said...

Ha Ha Ha Ha Ha...

"要睇吓邊個丫嘛,如果唔係,就後患無窮!"

甚麼患?甚麼患?

btw, I heard HK pollution index break the record recently again?

xiao zhu said...

K:

哼,好好笑咩!"甚麼患?甚麼患?" 答案咪講左囉;仲要係冇貪到便宜、做左好心,都有後患呀,咁仲點可以再畀機會呀。

另,係呀,空氣污染好勁呀。唔好出咁多街囉,唯有。-______-

新鮮人 said...

我都係咁諗,
非不得意,
我絶對不會受人恩惠.
後果可大可小!

Anonymous said...

"畀你哋激死呀!一個二個都係咁。問題都唔係的士費個度。"

哈哈哈! 連新鮮都祇是針對這點來回應。



"仲要係冇貪到便宜、做左好心,都有後患呀,咁仲點可以再畀機會呀。" 衹怪o的男生太多幻想﹐對佢地好小小﹐就收錯信號﹐當正是機會來了。


所以話: 女生對“免費”是很執著的!!!

vicky said...

我也貪小便宜, 不過如果同呢條友唔熟, 都係數還數好, 費時欠人情, 唔熟唔食ma.

xiao zhu said...

新鮮兄:

基本上我寧願人哋欠我,我都唔想我欠人。

xiao zhu said...

space:

其實有時都根本係冇咩信號可言,你明唔明我想講咩呀? 本來鍾意一個人係冇錯嘅,不過。。唉,唔知點講喇!

xiao zhu said...

Vicky:

係呀,都係小心啲好,唔係後果堪虞呀。

又喺library呢? ^_

暗黑的卡夫卡 said...

寧教天下人欠我,休教我欠天下人?

Anti-曹操??

xiao zhu said...

K:

不欠人,避免不必要的負擔(雖然不能全然剔除),但求心之所安,繼續我行我素。

再者,人家欠我也好,最低限度可以表示我未算最差,尚有能力。

Anonymous said...

"其實有時都根本係冇咩信號可言,"

原本我上文 " 衹怪o的男生太多幻想" 是寫作 " 衹怪o的男生太敏感” 後來該掉的。

女生有時不覺的身體語言﹐有時一片好心﹐都會被錯認為信號罷。

咁呢家巔透過窗口﹐睇到的士師傅是怎麼樣的呢? 難度都幾高﹐你見到佢個樣時佢亦見到你過播!

Anonymous said...

"再者,人家欠我也好,最低限度可以表示我未算最差,尚有能力。 "


這是 --- 本文主旨?

xiao zhu said...

space:

我知你知我講乜,我都知你講乜。我明嘅,我點會唔明丫。所以有時都幾無奈,想話好好地做個朋友都要諸多顧忌,唔暢快。有時對住某啲人,仲要做到自己好衰咁,希望少啲麻煩。

本文主旨?我寫嘅時候固然有我嘅主旨,到你接收嘅時候,你都可以按你嘅體會賦予新嘅意思,你睇到係乜就乜喇,冇乜所謂,世界係open嘅。

xiao zhu said...

space:

喂,好似除左個歌名之外,都唔係個種情懷喎!

xiao zhu said...

space:

唔好意思,唔記得多謝你點呢首歌畀我。整體上對小鳳姐啲歌其實真係麻麻,不過有兩三首都好鍾意,呢首係其中之一,仲有婚紗背後(最鍾意)同情比雨絲。:)

Carrie said...

"有些女生對“免費”是很執著的!!!

但大部份都愛貪小便宜是事實。"

inner space, 小心D bor, 第二句可以幾offending架!=P

btw, I dislike Mei Foo this place so so so so much!

xiao zhu said...

Carrie:

唔好怪阿space喇,我諗佢唔係有心嘅,不過我估佢可能都係有感而發啫。

咁點解你咁唔鍾意美孚嘅?講唔講得架? :P

Anonymous said...

"space:喂,好似除左個歌名之外,都唔係個種情懷喎!"

exactly Miss Xiao Zhu thats why I didnt post the lyrics :9

and 因為友輩間﹐會用“你都好徐小鳳 o播”
去代表“無奈”感。

thank you 小朱姐!

Anonymous said...

"小心D bor, 第二句可以幾offending架!=P"

Carrie 所以咁至顯得小部份的“清流”難能可貴!
要懂得珍惜。

呢句是 compliment 黎!

xiao zhu said...

space:

好嘢阿吓!

aulina said...

你地班佬真係吖!程的士錢真係唔係重點喎!

話時話我試過兩次類似嘅... 一似係返公巴士上,好彩那個他只是久不久先去果頭返公,唔係有排煩。另一次係返母校,好尷尬!

Carrie said...

I've been living in Mei Foo for less than a year in the past, which was a dark age of my life...

Anonymous said...

娜姐:

唔使尷尬播﹐這是“力‘的表現!

xiao zhu said...

Aulina:

真係好,你知我講緊乜。呢啲嘢真係好麻煩,但係點解會覺得尷尬嘅?

xiao zhu said...

Carrie:

:P

xiao zhu said...

space:

"唔使尷尬播﹐這是“力‘的表現!"

你係唔係讚娜姐有實力呢? ^_

Anonymous said...

尶尬,咪就係明明已告一段落,本應相對無言,但係就響呢種場合又要扮冇嘢,但係又唔係好想有嘢囉。男人點會明吖...

唔好話係異性,就算以前好好朋友而家唔再係好朋友嘅女朋友都一樣。

我咁鬼antisocial我梗知你講乜。

xiao zhu said...

Aulina,

Gimme 5!

"啪" XD

樂遊 said...

有點Same Old Lang Syne的味道。
回復你在LDD處的留言:
其實我也不清楚。應該要編碼上,用Unicode才有野睇。(都唔知點解好咁)

xiao zhu said...

樂遊兄:

見到你真係好喇!

"有點Same Old Lang Syne的味道。"

?? 係咩??

係喎,用Unicode就睇到喇喎。係呀, 我記得早排我都有feedback過,自己都唔記得左添。唔該哂。^_

Todd said...

我真係學到野喇。
原來係尷尬時刻...之前真係唔明添!

xiao zhu said...

Todd:

你好精靈架,點會唔明呀?

Anonymous said...

xiao zhu: 咁遲先睇添... 點解D男人(留言各位)好似唔多get到你既message既...
你驚唔驚下次又上到佢架車??? 夜晚上的士睇清楚D呀!

xiao zhu said...

MD:

有心唔怕遲!:)

"點解D男人(留言各位)好似唔多get到你既message既..."

用3G 果句"男人點會明吖..." 不過我覺得佢哋有時有啲嘢,唔係真係唔明嘅。你明啊呵?

"你驚唔驚下次又上到佢架車??? 夜晚上的士睇清楚D呀!"

本來都覺得唔駛驚嘅,呢個人都冇惡意嘅。正如我所講,鍾意一個人本來係冇錯嘅。不過你咁樣再問一問,我都有少少怕,因為你知喇,而家啲人嘅精神狀態都好難講,好容易諗埋一邊。

其實我而家上的士都盡量睇清楚架,不過學阿space 話齋,都好難睇架,到你見到佢嘅時候,佢都見到你喇。

唏,你見我個題目都係(一)咋,遲啲仲會有其他,有一次仲真係可以話係驚魂添呀。

macy said...

我覺得你做得啱,比我真係想第一時間跳車走.聽到佢話"呢個月嚟都好多時會兜嚟呢頭,睇吓會唔會咁轎撞到你。..."會嚇死,最怕呢d人.

梗係要付錢,劃清界線.以後小d搭的士咯.

d男人係唔明呢d野,有時男人比女人更貪心.

xiao zhu said...

Macy:

正如上面提過,當時覺得佢唔會有惡意,如果唔係都會落車架。

其實貪心又好,多心又好,有心又好,冇心都好,都係人性,講真都唔分男女嘅,都係睇個人嘅啫。

Anonymous said...

翻睇你這一篇﹐卡夫卡都冇提 多論之都D的士司機﹐會cut off LIMB. 但記得香港好似好久很久以前有幾個CASE﹐ 是的士司機做的。如果唔係卡夫卡提起﹐我都唔記得左!

小朱姐小心!!!

xiao zhu said...

Space:

好多謝你關心呀!!

我正準備聽日或者後日會post 的士奇遇(三),就係關於一啲驚險嘅經歷呀。