黃毓民，做咩呀、做咩突然變左隻死狗咁呀？
你平日嗰啲慷慨激昂去左邊呀？你鬧嗰班批評你掟蕉嘅議員、官員嗰啲理氣又去左邊呀？
唔係特登？唔係一早做定？我頂你呀！乜你幾時學埋民建聯咁、咁識得急轉軚呀？
你唔係大大聲話過下次唔係掟蕉、要掟屎蜢嘅咩？
你唔係一日到黑講幾廿百次話要企喺人民嗰邊嘅咩？
你唔係有選民付託嘅咩？
咁點解你唔理直氣壯咁「教導」番班學生哥認識明白你嗰套「真理」、然後一齊拯救香港呀？
「周街都可以教壞細路喇，識諗架嘛，小朋友。」咩呀，越講越細聲，理虧呀？
嘿嘿，你真係冇講錯呀黃生，而家就係周街都係你啲咁嘅唯恐天下不亂嘅人喺度呃飯食，唔慌唔係教壞細路嘞！個個月收十幾萬俾你去鬧人，掟隻蕉就做埋人民英雄咁滯，你梗係頂癮啦！
你呢啲就叫做為民請命咩？請你條命呀！
香港政府係爭唔落，但係你地呢班掛羊頭賣狗肉嘅，又有過咩建樹呀？你地啲咁嘅就叫做愛港愛國？YAK屎喇！
哼，如果今次講嗰番話嘅唔係一個學生哥，而係其他議員或者官員，你唔即刻發巔亂吠、媽媽叉叉，我跟你姓！問題係除左係因為講嗰個人係「小朋友」，最主要係佢嘅學生身份，隱具有重要嘅政治意義，你梗係醒目，唔敢亂放屁喇。但係最最重要嘅係，林澤翔同學講嘅都係啱嘅，冇得搏！呢啲先至係理呀！
𣊬間睇廣告（十九）
8 hours ago
14 comments:
雖然攞到第一個回應，
但喺『O』哂嘴！唔識答落去！
這就是香港獨有的政治生態呀
不出位又怎能見報
雖然他做的並不是每個人也認同
但最重要的是為他爭取到選票
葉劉同范太都話長毛私底下好好人架啦
在開放日這些溫和的日子
說什麼也沒所謂啦
扮下死狗中和下件事都好
如果要議員成為香港人的模範
我諗應該要選晒d藝員入去先夠影響力law
又唔好將d議員擺到咁高
有咁樣的議員正好反映香港是一個怎樣的社會
如果個個香港人學晒d議員
大部份變成愛國愛黨人仕
香港既建華之亂應該仲未完
唔好咁認真啦
我都係覺得佢做騷,
為選票難免了,
話說從頭,
佢雖無建樹,
有破少立,
但對於一個施政不良的政府,
他就好像一個諫官,
事事媽叉住班狗官,
總好過事事維護政府嘅言論!
林同學有佢道理,
巔狗無謂同佢計較,
鬧完佢又畀人話佢欺凌弱小啦!
妖，毓民？有啲墨水嘅顛狗政客而已，要我納稅養佢真係唔冧！
一時興起喎？又會咁啱有蕉喺手嘅！
條友掟野都唔係第一次架啦，有次喺隧道口同人架車挨碰，用手提電話掟人呀！條友老粗，又係戲子佬！
定蕉，浪費食物也~~~會折福的
Space：
吓，輪到我『O』哂嘴喎！
思..寧：
>>葉劉同范太都話長毛私底下好好人架啦
我知呀，我仲知道長毛同拉佢果啲人好 friend 添呀。
>>要議員成為香港人的模範
重點唔係話咩人應該做咩人嘅模範，而係一種風氣嘅形成同伸延。無論好定壞，都唔會係一次、半次或者一兩件事件就會造成影響。個人覺得呢班曉鬧唔曉做嘅議員，只係屬於趁火打劫之流。
新鮮：
>>他就好像一個諫官
諫官！！未免太抬舉左佢喇啩！
>>林同學有佢道理,
>>巔狗無謂同佢計較,
>>鬧完佢又畀人話佢欺凌弱小啦!
我唔覺得癲狗嘅反應係『無謂』同佢計較，而係形勢問題。老實講，如果真係有道理嘅，而個學生哥有偏差嘅，係一定要澄清同解釋，藉呢個機會教育下一代，有咩唔啱呀? 就係因為佢冇理，如果佢再撐再鬧，就梗係俾人話大蝦細喇。
屠狗輩：
咁，搞政治嘅都係做戲架喇，不過香港呢班戲子佬級數低啲囉。
喺我眼中，而家好多人用知識去玩弄人，我覺得好無恥、好討厭，比起用姿色去玩弄人嘅人仲差。
蘇記：
對佢黎講，不過是一場戲、一件道具而已；show 都會繼續做落去。
但喺『O』哂嘴！ x2
不過唸落「我頂你呀！」「請你條命呀！」「YAK屎喇！」呢d應該唔係我地尊貴既小豬把口。事關野豬嘴邊都會生d類似象牙既....牙！
小寶：
哈，多謝你喎！其實小豬可以好粗魯、亦都好溫柔，會好火爆、又可以好包容，...睇情況、睇對象喇。
同學仔當然講得好，係教育角度睇佢的確理虧！
但爛佬還是比反轉豬(OH, 忌諱)肚嗰啲要好，雖然不事生產，但係又輪到你生產咩？ 親疏有別喎！
唔係話佢嘅態度行為啱！ 但係佢贯徹咗佢選舉時承諾，實行咗佢大部份選民嘅期望， 講得出做得到！ 唔似嗰啲陰側側、斯斯文文、偷天換日咁！
我還是喜歡睇到議會上有唔同嘅聲音！
樸老：
諗落我仲衰過佢，我政府又鬧，呢班議員又鬧，我仲癲過佢呀。
其實我完全贊成要有唔同嘅聲音，我想講嘅係我唔鍾意佢地啲咁嘅方法同行徑，我唔覺得對社會有幫助囉。
講真，佢要貫徹選舉時嘅承諾就梗係容易喇，係咁鬧就得嘞。佢一早都講明話要將台灣果班爛仔果套打交文化搬去香港立法會添。親又好、疏又好，根本就係五十步同百步嘅問題；最終最慘嘅都係啲小市民。
Post a Comment