「喂，今晚駛唔駛煮飯呀？」
「要呀。」
「嗯，咁冇嘢嘞。」
「喂喂喂，個半鐘得唔得呀？我六點鐘收工，同你去大家樂傾到七點半吖。」
「唔……」
「收順啲喇，你咁打到黎，梗係有嘢啦，我唔想等喇，我驚…」
「哈哈，你驚今晚唔見我，聽朝會喺頭版見到我呢？哇哈哈哈…」
「唓，你估你一定上到頭版嘅咩！」
「嘿，你咪話呀，我假假地都係 XXXXXXX 喎！都有啲報導價值架。」
「黐線！一於六點喺大家樂啦。」
「唉，好喇，見你咁有心，今次就勉為其難喇。」
「嘩，咁真係好多謝你喎，肯出黎俾我聽你講嘢。」
「係架，你知我最憎去街去得果一陣，唔嗲唔吊咁。一係就唔出…」
「知喇知喇，下次通宵補數啦，好喇，要做嘢喇。」
「Bye.」
𣊬間睇廣告（十九）
1 day ago
64 comments:
豬豬，
乜你識得果位港姐咩？
你d frd幾有你心wor
真好...
你的新聞價值是在於什麼呢
讓我以後看報時留意一下...
(雖然最好唔好俾我望到...)
>「....都有啲報導價值架。」
咦！報料比加聞唔知有冇錢收架呢？:p
哈哈！不過要跑云港九新界咁多間大檸樂佢都真係幾大檸樂呀！
最憎去街去得果一陣，唔嗲唔吊咁。一係就唔出<----性格:一係去盡, 唔會留力
如果求其, 不如唔做!
"唔嗲唔吊"<---
相信只要廣東話先至有咁傳神嘅說話,
英文國語都唔會咁,
廣東人真係絶核,
無得頂!! =p
可以跟朋友傾傾真好！
嘩，竟然出街同人食飯！！
（點解仲係大家樂？）
噢！ 對方是位煮飯公，
男人識得煮飯真是罕有，
男人肯做煮飯公更罕有，
男人準時煮飯十分罕有，
女人食到煮飯公煮的飯，
一定是人間極品超罕有！
大師：
邊位港姐先?
思..寧：
係呀，做得我嘅 friend，梗係好喇。
>>你的新聞價值是在於什麼呢
嘻嘻，如果講得就唔駛交叉交叉咁啦。
亦步亦趨：
>>...跑云港九新界...
如果真係做呢行嘅，都預左架啦。
卡臣：
哈哈，差唔多、係咁上下啦。
新鮮：
係架，所以你見我一寫親啲日常嘅對話，（除左啲懶傷春悲秋、懶文藝果啲文，）我都全部用番廣東口語架，咁先夠傳神吖嘛。
樸老：
嗯。^^
大忙人：
唔駛咁哂我嘅！
>>點解仲係大家樂？
第一，為左爭取時間，要揀間最近佢公司嘅，咁最近佢（就喺佢樓下）有大家樂、Super Sandwich，咁我係大家樂擁躉兼夾唔鍾意食鬼佬三文治吖嘛。
第二，放工之後嘅中環大家樂好好架，地方乾淨、冇乜人，又唔駛好似去啲懶高級嘅餐廳咁要就住就住，暢快好多！啱我呢啲蟻民。
Space：
哈哈，如果我冇估錯，我諗除左你，冇人會諗到我呢個 friend 係男囉。
無錯，你講得啱，佢係煮飯公。不過呢，都唔係日日要煮嘅，有時佢老婆都會煮嘅，但係就佢煮多啲，因為佢好鍾意煮嘢食架。
話時話，我啲男性朋友裡面，九成都識煮嘢食，八成煮得好好添，真係入得廚房，出得廳堂架。相對於我識嘅女性朋友，反而都係一般咋。你唔見啲中外大廚師，大部分都係男嘅咩? 唔係咁罕有啫。
小朱姐：
『煮飯公』，我都是靠估啫！開大細好彩估中咗！
不過睇返轉頭，咁咪話你就喺喺個位==》
「哈哈，你驚今晚唔見我，聽朝會喺頭版見到我呢？哇哈哈哈…」
and
「嘿，你咪話呀，我假假地都係 XXXXXXX 喎！都有啲報導價值架。」
間接承認咗!
我時時都盈著盈著 小朱姐是名人，有知名度嘅猛人架嘞，好高興在blog的世界，和你交談！
另外
『噢！ 對方是位煮飯公，
男人識得煮飯真是罕有，
男人肯做煮飯公更罕有，
男人準時煮飯十分罕有，
女人食到煮飯公煮的飯，
一定是人間極品超罕有！』
同意 小朱姐話好多名廚都是男人，但啲男名廚好少在家中出手，家中煮飯留返畀老婆，或者家傭，因為工作上已經在廚房，返到家中希望不再留在廚房內。
當然如果有貴客到，家中攪宴會，男名廚會出來獻藝，這是例外！
所以仍然覺得『煮飯公』是罕有的品種，但個位太太就更罕有，有位『煮飯公』的，必也是人間極品。
原來我識左個好有心既名人
yeah
真係要賀一賀佢
>我啲男性朋友裡面，九成都識煮嘢食，八成煮得好好添，真係入得廚房，出得廳堂架。相對於我識嘅女性朋友，反而都係一般咋。
痴線！！！我都係喎！！！
煮得最好就係我了！
＞煮得最好就係我了！
口講無憑。幾時整餐我地食先？
好久不見了, 小朱~
和朋友傾完有冇舒服d?
Space：
>>不過睇返轉頭，咁咪話你就喺喺個位
我唔明你講乜喎！
>>我時時都盈著盈著 小朱姐是名人，有知名度嘅猛人架嘞，好高興在blog的世界，和你交談！
上頭版唔駛一定係名人固噃！
其實有冇人明點解我笑個 friend 驚唔即刻見我就第二日會喺頭版見到我吖?
Space：
>>仍然覺得『煮飯公』是罕有的品種，但個位太太就更罕有，有位『煮飯公』的，必也是人間極品。
嗯，諗落我都同意你嘅講法。^^
思..寧：
哈哈，係呀，我係又有心、又有名有姓嘅人黎架。
Hana：
哇哈哈哈哈，係喎係喎，哎呀一時醒唔起添，唔好嬲呀吓！錫番錫番！>3<
液液：
駛唔駛流晒口水咁呀！你要試 Hana 嘅手勢，唔駛揾我過橋吖。
火女：
傾完真係舒服左啲架，因為本來諗住呻吓，都估唔到佢對我做嘅事咁支持，個心都好安慰。
小朱姐：
『仍然覺得『煮飯公』是罕有的品種，
但個位太太就更罕有，有位『煮飯公』的，必也是人間極品。。。。。嗯，諗落我都同意你嘅講法。^^』
聽來你認識佢地兩公婆，仲好熟添噃，下次再有心無聊時，咪透露多啲這兩位，人間極品，神仙眷侶！
好嘞，食完午飯返嚟，再續。
小朱姐咩嘢唔明呀？
好等我整理好一吓，容易啲明白。
小朱：「喂，今晚駛唔駛煮飯呀？」
煮飯公：「要呀。」
小朱：「嗯，咁冇嘢嘞。」
煮飯公：「喂喂喂，個半鐘得唔得呀？我六點鐘收工，同你去大家樂傾到七點半吖。」
小朱：「唔……」
煮飯公：「收順啲喇，你咁打到黎，梗係有嘢啦，我唔想等喇，我驚…」
小朱：「哈哈，你驚今晚唔見我，聽朝會喺頭版見到我呢？哇哈哈哈…」
煮飯公：「唓，你估你一定上到頭版嘅咩！」
小朱：「嘿，你咪話呀，我假假地都係 XXXXXXX 喎！都有啲報導價值架。」
煮飯公：「黐線！一於六點喺大家樂啦。」
小朱：「唉，好喇，見你咁有心，今次就勉為其難喇。」
煮飯公：「嘩，咁真係好多謝你喎，肯出黎俾我聽你講嘢。」
小朱：「係架，你知我最憎去街去得果一陣，唔嗲唔吊咁。一係就唔出…」
煮飯公：「知喇知喇，下次通宵補數啦，好喇，要做嘢喇。」
小朱 and 煮飯公：「Bye.」
ok
小朱：「哈哈，你驚今晚唔見我，聽朝會喺頭版見到我呢？哇哈哈哈…」 and
小朱：「嘿，你咪話呀，我假假地都係 XXXXXXX 喎！都有啲報導價值架。」
哪，第一段，喺就喺上頭版，未必一定喺名人，但第二段你打哂 XXXXXX， 又話假假地讀喺 XXXXXX， 六個X噃。
又喺答 C0度話：『嘻嘻，如果講得就唔駛交叉交叉咁啦。』
咁起碼 『假假地都喺“前立法會議員”喎！都有啲報導價值架。』
剛剛好六個字，哪六個字嘅仲可以喺：
香港小姐冠軍 六個字
八和會館主席 六個字
九龍塘區議員 六個字
無線電視藝員 六個字
上市公司董事 六個字
乜乜乜前女友 六個字 etc etc
non exhausive！
至於：
其實有冇人明點解我笑個 friend 驚唔即刻見我就第二日會喺頭版見到我吖?
喺香港冇知名度嘅，死咗都唔會上頭版，
但喺有知名度嘅呢，食咗檸檬都上頭版！
煮飯公 畀檸檬 小朱姐吃噃！第二日會喺頭版見到.....
＞香港小姐冠軍
噢！原來如此....等我唸下先...歷屆香港小姐冠軍有邊個可能係小豬黎架呢....嗯.......朱侏株珠蛛誅銖諸豬........莫非係.......豬玲玲！
一向不愛看香港小姐選舉，如果真的出過一位如小豬如此有才華的香港小姐冠軍，以後一定會「另眼相看」這個選舉。
立法會可能有喎——包括助選的人。呵呵呵~~~
Space：
我真係好服你呀！不過呢，你數漏左一個X 喎，應該有七個，唔係六個呀。再估過啦，哈哈。
>>喺香港冇知名度嘅，死咗都唔會上頭版，
點會呢，啲人俾車撞死、俾跌落黎嘅石屎宅死、俾人斬死，通通都上到頭版架！
逆小寶：
你唯恐天下不亂呀！誅左你吖嗱！
傻瓜：
我都冇睇香港小姐好多年喇。我諗你都唔駛另眼相看嘞。你俾阿 Space（冇心）誤導左喇。
預咗你嘅嘞！小朱姐
咁起碼 『假假地都喺“前行政會議議員”喎！都有啲報導價值架。』
剛剛好七個字，哪七個字嘅仲可以喺：
前香港小姐冠軍 七個字
前八和會館主席 七個字
前九龍塘區議員 七個字
前無線電視藝員 七個字
前上市公司董事 七個字
乜乜乜前度女友 七個字 etc etc
non exhausive！
至於
『點會呢，啲人俾車撞死、俾跌落黎嘅石屎宅死、俾人斬死，通通都上到頭版架！』
點會呢？煮飯公畀檸檬你食之嘛，我唔會咁黑心，會去冧你畀車撞死，畀石屎摘死，畀人斬死 etc etc. 而我 so far 認識的小朱姐，唔會因為食咗檸檬，就衝出馬路畀車撞死，坎頭埋牆畀石屎摘死，更加就唔會畀人斬死喇！
總之有知名度嘅呢，捏咗條頭髮都上頭版！
而其他『看官』
點解我咁好氣長篇大論呢？
唔該睇返個 Heading 標題 喺咩！
『有心無聊』呀！
原來你係……（恍然大悟狀）
怪唔之得啦…
唉，傻瓜即係傻瓜，~~~唉！
＞預咗你嘅嘞！
好高章喎！
＞「前」香港小姐冠軍
哇哈哈哈哈！
＞誅左你吖嗱！
莫非你應該係「誅」玲玲？
想我入「聚」呀？
怕高攀唔起喎！
＞唔該睇返個 Heading 標題 喺咩！
呵呵！咁我呢d回覆一定係「有心無賴」喇！
Space：
哈，你好嘢呀吓！
題外話，唔係你黑心喎，其實我好細個果陣都已經成日講，『點知我一陣出街唔會俾車撞死呀！』次次都俾阿媽鬧亂噏嘢。咁係吖嘛，冇人知道下一分鐘會發生咩事，細個已經係咁諗架喇，所以當我遇到意外或者突發事件發生，都唔會覺得好驚訝嘅。
Space：
漏左添。係呀，我都係『有心』俾你『無聊』吓架。
傻瓜：
唔怪之得咩呀? 輪到我唔明喎。
無賴逆小寶：
哈哈哈，好好笑咩！
入「聚」? 咩呀，又唔明喎。
......其實我好細個果陣都已經成日講，『點知我一陣出街唔會俾車撞死呀！』次次都俾阿媽鬧亂噏嘢。咁係吖嘛，冇人知道下一分鐘會發生咩事，細個已經係咁諗架喇，所以當我遇到意外或者突發事件發生，都唔會覺得好驚訝嘅。
好巧, 我都係咁架!
我覺得小珠應該係「前無線新聞主播」..
火女：
係? 嘻嘻..
火鶴：
你又黎發揮創意無限呀?（你咪同佢地一齊癲啦。）
莫非係葉雅援?
小寶：
仲諗緊?！咁夜仲唔瞓！
火鶴 小寶：
我估都喺前無線新聞主播
不過是。。。。。。
魏綺珊
嗯...都似遮!
嘩當時我好鍾意睇魏綺珊架!!
賣口乖先..
嘻嘻.
『點知我一陣出街唔會俾車撞死呀！』
我宜家都成日講...
Space：
唔係呀嘛，仲未估完呀?
喂，魏綺珊都有寫 blog 固喎，咁你係唔係即係想話佢性格分裂，整個小豬出黎呀?
小寶：
似你個頭！人講你又講，半夜三更發開口夢。
火鶴：
當時? 咁即係而家唔鍾意啦? 嘿，你小心開口 "gup" 著脷呀。
Morca：
係呀，我都係架。
＞咁你係唔係即係想話佢性格分裂，整個小豬出黎呀?
點解唔得呀？
嗯....開始有d此地無銀既感覺...實則虛之、虛則實之...可能係都唔定呀！
喺呀 喺呀！ 小朱姐
我不嬲都有 follow
魏綺珊個 blog架！
小寶：
係呀，虛虛實實，任你點諗都得。
Space：
咁你嘅意思係唔係揾到啲咩蛛絲馬跡咁呀?
小朱姐：
你上面篇新文，都講咗有性格分裂，兩極化的傾向，
邊有蛛絲馬跡可尋呢？
不過在網上的虛擬世界，跟現實生活的你兩個身份，
點解唔可以呢？
Space：
冇呀，我諗住你咁聰明，又心水清，可能會睇到啲嘢架嘛。
其實係架，唔好話兩個身份喇，三個四個、五六七八個都得呀。
小朱姐：
我個啲是假聰明扮心水清啫！
不過你話：『可能會睇到啲嘢架嘛。』
嘩！咁即喺話，個啲有真聰明真心水清嘅朋友，已經找到啲蛛絲馬跡？
畀咁大鼓勵我，
咁一定有落力啲，努力啲，
將勤補拙去搵嘞！
Post a Comment