Saturday, May 10, 2008

食˙色˙性

一、二、三、四、五、六、七、八、總共九個。從來都不擅於鑑貌辨年齡,想她們大概都是三十尾、四十頭吧。(還是更大?抑或只是樣貌…?)

填鴨呀、蘆筍鹿肉呀、老虎斑呀、煎大蝦呀、網網千斤呀、燉海底椰呀、還有甚麼甚麼,哎呀,八嘴九舌的,很煩!

Eye mask 呀、去皺霜呀、磨砂膏呀、蛋黃混蜜糖呀、Covermark A4鏡子呀、還有甚麼甚麼,哎呀,八嘴九舌的,很煩!

陳玉蓮很胖呀、商天鵝肥到慘不忍睹呀、伍姑娘很老呀、哪個能及嘟嘟……老呀、石修雙眼那麼腫呀、還有甚麼甚麼,哎呀,八嘴九舌的,很煩!

還有甚麼甚麼,哎呀,八嘴九舌的,很煩呀!

「喂,食嘢喇,咁八做乜唧。」

「佢地啲老公真係…唉!」


* * * * * * * * *


「睇咩唧?」

「對面果個呀。」

「長頭髮、指手畫腳講緊嘢果個?」

「嗯。」

「睇落成個女強人咁款喎。」

「應該係個見習女強人。佢 sell 緊客呀。」

「見習女強人?咁都俾你睇到!」

「佢好 aggressive 呀…」

「你有順風耳架?食嘢喇,咁八做乜唧。」

「唔知佢個男人…」


* * * * * * * * *


「喂,你做咩呀,兩頭望?」

「睇靚女囉。」

「邊個呀?喺邊檯呀?」

「唔係呀,果個呀,個女侍應呀。」

「吓,唔算好靚啫,而且都唔後生嚕喎,睇佢都應該四字頭喇。」

「唏,你鋪話法呀,就係佢都唔後生,但係佢啲皮膚幾白滑呀,五官、面型、輪廓都配合得好正,面容滲透住一點風塵味,嘩,你睇,最攞命嘅係眉梢眼角流露住一絲幽怨咁,真係我見尤憐呀;呀,啲髮質仲好柔順咁喎。」

「喂,邊有人好似你咁架,人地行到邊你就追住望到邊,我懷疑你其實係男人黎嘅。」

「哈哈,靚人、靚嘢梗係要睇多兩眼啦,你嬲我唔睇你呢?」

「食嘢啦,周圍好多人望住你呀!」

「係呀,我慣架啦。」

33 comments:

seikomatic said...

【蓮妹】最大問題系聲沙.....

靚女俊男 eye candy 嘛!

Rolling Stone 聽過,見過未?

ah-yun said...

靚女我都中意睇架!! :)

Hana said...

靚女、靚佬我都中意!

Hana said...

即係小朱你係男係女我都中意囉!

xiao zhu said...

大師:

唉,蓮妹嘅【小龍女】神話終於破滅喇,講真,我真係因為咁唔想睇果套劇囉,真係好唔想接受呀。

其實最重要嘅原因都唔係純粹係因為佢外貌嘅改變。蓮妹無疑係欠缺左一啲風韻,但係致命傷其實係佢嘅演技。唔知點解,我覺得佢演得都幾差,感覺佢好刻意、好用力,可惜冇效果,演出黎個角色人物冇乜生命。當然可以賴編劇、劇本,但係如果一個有料嘅演員,劇本即使差,角色都一樣可以令人驚艷。真係好可惜!

不過話說回頭,當年蓮妹出名其實係因為小龍女選角上嘅成功,主要係外型同氣質取勝,實質演技都冇乜真係話佢演得好好就真。所以我對佢今次復出感到失望,某程度上係我自己一廂情願啫,都唔可以怪蓮妹嘅。

xiao zhu said...

Yun:

嘻嘻,係囉,靚就梗係要望多幾眼啦。

xiao zhu said...

Hana:

呵呵呵!

(話時話,究竟你而家係唔係仲有啲懷疑唧?)^_*

Leon said...

過去的總是美好又一例子.
小龍女都係細個睇好.
最怕大個回看果陣連回憶都破壞埋.

xiao zhu said...

567:

早晨呀!^^

除左過去,咁琴晚有冇發到個美夢呀?

新鮮人 said...

3個女人's一個墟,
3 x 3 該 9.
9個女人's三個墟,
嘈到拆天咁,
走為上著! =p

梁巔巔 said...

妳咁瘦, 要食多 oD~
妳咁靚仔, 駛乜 "茶" 咁多嘢~

不過~

都係嗰句~

男人唔補~ 好易冇呀小豬哥!!!!!!

**********************************

小豬哥~~~~~ 小豬哥~~~~~~~

Ahhahahahahahahaha~~~~~~ 我要要~~~~

Anonymous said...

原來妳是瘦瘦的靚哥哥仔,幸好沒去抱妳,不然以後會茶飯不思。

Anonymous said...

追求靚既野係人既天性呀

望下唔得咩
怕就唔好出街啦

不過你就好似分析得深入左少少

哈哈

xiao zhu said...

新鮮:

係喇,最憎啲女人吱吱喳喳、嘈喧巴閉咁架嘞。

xiao zhu said...

梁公子:

哼,你估讚吓我、嘻皮笑臉就可以當冇事呀? 今次叫十聲小豬哥都補唔番數呀!

(喺適當嘅時候,小豬哥都會行使番女人嘅專利架。)

xiao zhu said...

匿名朋友:

借問聲你係唔係自稱傻瓜果位呀?

我唔係好明你啲邏輯喎。

xiao zhu said...

思..寧:

>>不過你就好似分析得深入左少少

吓,咁都叫深入? 其實仲有好多都冇寫嚕喎。我估佢哩,係外省人黎嘅。佢身材屬於少少珠圓玉潤果種,好均勻,應該好好攬。哈哈!

PANG said...

死囉...我呢期都鐘意睇人...

仲會評頭品足!!!

=P

Anonymous said...

食色性不是每每不講理的嗎;事事都講邏輯,很怕人很悶的,是嗎?

(傻瓜)

Anonymous said...

小龍女就係勝在唔需要演技去演,冷冰冰就好,多感情反而不美。

Anonymous said...

好開心又見到你發文喇。

入嚟,咦? 有嘢睇喎!

醒一醒!

我見習嘅時候都俾人話過 aggressive 喎! 其實會有啲 hurt ! 好似盡本份係唔應該咁?!

你習慣望週圍嘅人,又習慣俾週圍嘅人望住你....係吖,幾好吖,有互動呃! 不過你眼望我眼,小心望出火喎!

xiao zhu said...

天使男:

唔係下嘛,乜你呢期先鍾意睇人、評頭品足!!唔好扮嘢喎!!

xiao zhu said...

傻瓜:

你講嘅,我同意一半。下下講邏輯就梗係會悶啦,但係食色性倒唔係每每都不講理固喎。又或者我會話,邏輯同講理並唔係完全一樣嘅。

xiao zhu said...

魔術師:

性格木然、冷冰並不代表裡面冇感情,呢個係講緊反應同表達嘅問題。一個好演員係會掌握點樣唔去用慣常嘅面部表情去表達果份內在;質素冇咁好嘅、或者閱歷、經驗不足嘅,就只會懂得唔做表情去演繹冷漠。

xiao zhu said...

樸老:

>>好開心又見到你發文喇。

你呢句令我覺得好開心呀!

盡本份絕對係啱嘅。我啲同事成日問我點樣可以幫我多啲,我都係一句,只要 "你地每個都做番自己嘅本份,就已經幫左我好多架喇。" 當然我所講嘅盡本份,係包含經常要積極、盡責、同投入,盡己所能去確保自己職責範圍內嘅嘢能夠做得妥貼。(其實今時今日咁嘅要求,都幾戇居架。)

我相信真正盡本份嘅人,係能夠從所做嘅事情上面得到滿足感嘅,無論結果係點。(係,無論結果係點。我的確係咁諗。)

好多人睇 aggressive 係好正面,代表好積極進取。不過同樣好多人用呢個字去形容人地嘅時候係帶住貶意嘅(其實係包含左 "唔抵得" 嘅心態)。而你所經驗嘅,就正正係以上我所講嘅兩種人嘅相遇所產生嘅刺激同反應。

文中講果位 "見習" 女強人,佢所表現出黎嘅,係急進式嘅 aggressiveness。我覺得呢種狀態有時會蝕章,容易俾人摸底。我自己就比較鍾意/慣用談笑用兵,覺得很管用。不過,無疑所有嘅學習都總有一個過程嘅。

仲有,女人過於表現得 aggressive,有時會容易令到啲男人產生唔舒服嘅感覺、有戒心。不過當然男人都有好多種嘅,有啲會好鍾意架,所以呢段算係廢話。

嘩,我做乜鬼突然噴咁多口水呀!

橫掂都係,等我噴多少少。

我由細到大都習慣左成日俾人望,不過哩,從來都未試過望出火喎,望出火花就有!嘻嘻。

xiao zhu said...

樸老:

諗諗吓想講多兩句。

我提及女人 aggressive 會令男人感覺點樣點樣果段,係因為經常見到有啲女仕表達自己如何渴望愛情、如何渴望找到愛自己、呵護自己的人,但係除左因緣際會自己控制唔到之外,果啲人硬係唔會去睇清楚自己、睇清楚人地,所以有感而發。

我覺得無論係咩關係、喺咩處境,人與人嘅相處係互動嘅,所以能夠做到知己知彼係好有幫助嘅,而其中首先係要 "知己"。而知己知彼,係有助雙方都容易揾到相對最好嘅位置而令相處融洽,並唔係為左去單向討好對方。

PANG said...

哇哈哈哈哈!!

其實近得我個女多!!佢真係男女都昅!!

xiao zhu said...

天使男:

好心你喇,咪囉,又唔係犯法,做乜要揾個女黎過橋唧。

xiao zhu said...

天使男:

哎呀,出唔到個 "gup" 字添。

Anonymous said...

你分析得咁深入,不如寫一篇係分析下你自己架啦

得我地又了解你多d
哈哈

xiao zhu said...

思..寧:

唔好強求、唔好強求。都係隨心、隨意、隨緣啦。

講真,特登刻意解構就唔會喇,都唔係我嘅 style,但係,留意吓啲留言,情緒到位,都可以睇到唔少架;嗱,好似今次咁,又好似喺下一篇咁。^^

Anonymous said...

唔知會唔會有人寫個summary出黎方便大家咁呢...

xiao zhu said...

思..寧:

傻傻地架你。 ~_~