丁志明抱著書包就坐在我的右手邊。
「我就黎做晒啲英文喇，今日啲唔係好難咋。你快啲攞啲功課出黎喇，做英文先喎。」一心一意要跟他一起做功課，當然就是要快點達到目標咯。也沒有理會他初來報到，還沒有定下神來。
他也只有應著我的指示，從書包拿出功課，都放在桌子上面。這個時候媽媽正端著一杯水來，放在他的面前。「你食左飯未呀？下次你可以放學跟埋阿妹一齊黎呢度食埋飯架。」
哎呀，媽媽呀，怎麼在我的同學面前叫我「阿妹」那麼土的呢？氣死我了！我立刻往他的臉上看，他表現得有點尷尬的，答道：「我放學要去買餸返屋企先呀，我夜晚要煮飯等阿爸返黎食。」他的聲量比平常跟我談話的小。
「你好叻仔喎！阿妹就冇用嘞，咩都唔做，懶到死架。」
媽呀，夠了吧！還叫我「阿妹」，你怕他還聽不清楚了嗎？真氣，媽就是不給我面子！
「媽，我哋要做功課喇。」
「好喇，你哋正經做功課，我去洗衫喇。」媽完全沒有察覺我的不滿，只管自己說完了就往浴室裡去了。
「快啲做喇，就黎三點喇。」心裡就只有一個希望，就是要確保他順利做好功課，有不懂的，我就要幫他的忙。
我們就這樣子開始一起做功課了。今天我好像比平常都來得專心，可能是因為我也要確保自己都要懂，才有能力教他吧。
「我...可唔可以睇吓你第八條點做呀？」他有點不好意思的問，手指就指著英文作業的第八條題目的位置。
我立刻打開我的作業簿，移到他的面前。「嗱，你睇吖。」八歲的小孩，哪懂得怎麼去教呢，把答案給你看就是了。
「咁......點解係to呀？」
「go to school吖嘛！先生係咁講嘅......」我說著，聲音卻變得低了，老師好像也沒有怎麼解釋過，那麼，「係咁架，總之你記住就得架嘞。快啲做喇。」
他也沒有再問下去了，心裡才安穩下來。
我們都沒有再說話；一直到我開始做最後一樣的功課，就是抄寫金句了。「你頭先買左咩餸呀？」我終於忍不住了。
「豬肉、牛肉、芥菜、苦瓜，呀，仲有薑，屋企啲薑用晒喇。」他邊做著算術題，邊應著我。
「咦，苦瓜！！你鍾意食架？」自從有一次媽媽弄過甚麼苦瓜炒牛肉，試過一點點味道，我就連那黏著苦瓜的牛肉都不肯沾上唇邊。
「阿爸琴晚叫我買架，佢想食苦瓜炒牛肉呀。」他說得漫不經心的。
「啲豬肉同芥菜係唔係又炒呀？」我只有興趣聽聽還有甚麼。
「唔係呀！」他這一句的聲浪好像特別提高了。「唔係咁煮架，我整豬肉蒸蛋同埋滾芥菜牛肉湯呀。」
聽起來都不像是甚麼美味的菜，突然想起：「咦，你都冇買雞蛋！」
「我屋企有吖嘛。......呀仲有一樣呀，今朝陳師奶話佢今晚整涼拌茄子，話教埋我整，仲唔駛我畀錢買呀。」
「茄子？係唔係蕃茄呀？」
「唔係呀，佢話即係矮瓜喎。」
「矮瓜？咩味架？」
「唔知呀。」
「不如你整炸菜蒸豬肉喇，仲好味呀？我好鍾意食架。」也真的沒有興趣想那甚麼茄子、矮瓜了，只想建議他弄些好吃的。
「我都鍾意呀，不過我屋企冇炸菜喎。」
「唔怕，我屋企乜都有架，我問吓阿媽畀啲你咪得囉。」
正想去找媽媽，他搶著說：「唔好呀，唔好呀，我都係整翻豬肉蒸蛋嘞。」
看他的樣子挺堅決的，我也只好打消這個主意了。可是炸菜蒸豬肉真的很美味的呀，心裡就是有點難明。
「其實我頭先返去仲洗埋衫，晾埋添呀。」他突然主動改了話題，好像要告訴我他的本事。
「嘩，你好犀利呀！」我由衷地讚歎著。
「不過我冇用洗衣粉呀，我淨係用凍水洗左一次咋。」原來他要告訴我一個重大的秘密；他伸了伸舌頭、聳了聳肩膊。
我不期然瞪著眼睛，都跟著他吐了一下舌頭，「咁怕唔怕你爸爸知道架？」
「佢唔知嘅，我以前都試過架喇，唔夠時間吖嘛。」我們相顧再笑，然後又繼續我們的功課了。
媽媽拿了一些餅乾和一瓶水出來，「食啲餅乾喇。」跟著她把丁志明的杯子再盛滿了。「妹，你去拿自己的杯子來吧。」
我沒好氣的去拿了自己的杯子，媽就幫我的也盛滿了。「食喇，唔駛客氣架。」
「唔喇，姨姨，我......都要走架喇。」
「吓，你咁快走？」本來已經把餅乾放到嘴唇邊的我大叫起來。
「就黎五點喇，我要返去煮飯呀。」
「你都未做晒功課！」我不解地嚷著。
「我要喺六點九之前煮好飯呀。」
「哦，你爸爸六點九返到黎呀。」媽媽問。
「唔係呀，佢多數八點幾九點先返到黎，不過陳師奶六點九要煮飯，所以我要煮先囉。」
「咁你爸爸返到黎啲飯餸咪凍晒囉？」媽關心地問。
「阿爸返到黎蒸番熱啲嘢咪食得囉。」他說起來是多麼的理所當然。
「哦，咁好喇，咁你真係要快啲返去嘞，咪晏左就趕唔切架喇。」媽也贊成他要走了。
「你啲功課都未做晒！」我實在焦急。
「我今晚會做埋佢架喇。」他的神情告訴我他也有點不捨的。
「係囉，你以後都可以黎做功課架，陪吓阿妹喇。」
想不到媽媽竟然批准他再來，也不再計較她「阿妹」、「阿妹」的叫我；心也穩妥了。「咁你聽日黎過吖！」心裡還是老不願意，但也只好是這樣了。
「哦。」他不好意思的應著，於是急忙地收拾好書包。「姨姨。我走喇。」
「呀，丁志明，如果你黎，記得要問左你爸爸先喎。」媽媽邊走邊跟他說。
「哦，我知道嘞。」
「拜拜。」媽給他開門。
「拜拜。」他回頭看著我。
「拜拜，拜拜。」我目送著他。
回到飯桌邊，坐下來，繼續抄金句。心頭泛起了一陣莫名的興奮和滿足感，還有絲絲不能言喻的感覺。
往後的半年，丁志明差不多每一個星期都有兩三天上我家來，跟我一起做功課、溫習。
還記得那年，他大考的平均分數是六十八分。
「我就黎做晒啲英文喇，今日啲唔係好難咋。你快啲攞啲功課出黎喇，做英文先喎。」一心一意要跟他一起做功課，當然就是要快點達到目標咯。也沒有理會他初來報到，還沒有定下神來。
他也只有應著我的指示，從書包拿出功課，都放在桌子上面。這個時候媽媽正端著一杯水來，放在他的面前。「你食左飯未呀？下次你可以放學跟埋阿妹一齊黎呢度食埋飯架。」
哎呀，媽媽呀，怎麼在我的同學面前叫我「阿妹」那麼土的呢？氣死我了！我立刻往他的臉上看，他表現得有點尷尬的，答道：「我放學要去買餸返屋企先呀，我夜晚要煮飯等阿爸返黎食。」他的聲量比平常跟我談話的小。
「你好叻仔喎！阿妹就冇用嘞，咩都唔做，懶到死架。」
媽呀，夠了吧！還叫我「阿妹」，你怕他還聽不清楚了嗎？真氣，媽就是不給我面子！
「媽，我哋要做功課喇。」
「好喇，你哋正經做功課，我去洗衫喇。」媽完全沒有察覺我的不滿，只管自己說完了就往浴室裡去了。
「快啲做喇，就黎三點喇。」心裡就只有一個希望，就是要確保他順利做好功課，有不懂的，我就要幫他的忙。
我們就這樣子開始一起做功課了。今天我好像比平常都來得專心，可能是因為我也要確保自己都要懂，才有能力教他吧。
「我...可唔可以睇吓你第八條點做呀？」他有點不好意思的問，手指就指著英文作業的第八條題目的位置。
我立刻打開我的作業簿，移到他的面前。「嗱，你睇吖。」八歲的小孩，哪懂得怎麼去教呢，把答案給你看就是了。
「咁......點解係to呀？」
「go to school吖嘛！先生係咁講嘅......」我說著，聲音卻變得低了，老師好像也沒有怎麼解釋過，那麼，「係咁架，總之你記住就得架嘞。快啲做喇。」
他也沒有再問下去了，心裡才安穩下來。
我們都沒有再說話；一直到我開始做最後一樣的功課，就是抄寫金句了。「你頭先買左咩餸呀？」我終於忍不住了。
「豬肉、牛肉、芥菜、苦瓜，呀，仲有薑，屋企啲薑用晒喇。」他邊做著算術題，邊應著我。
「咦，苦瓜！！你鍾意食架？」自從有一次媽媽弄過甚麼苦瓜炒牛肉，試過一點點味道，我就連那黏著苦瓜的牛肉都不肯沾上唇邊。
「阿爸琴晚叫我買架，佢想食苦瓜炒牛肉呀。」他說得漫不經心的。
「啲豬肉同芥菜係唔係又炒呀？」我只有興趣聽聽還有甚麼。
「唔係呀！」他這一句的聲浪好像特別提高了。「唔係咁煮架，我整豬肉蒸蛋同埋滾芥菜牛肉湯呀。」
聽起來都不像是甚麼美味的菜，突然想起：「咦，你都冇買雞蛋！」
「我屋企有吖嘛。......呀仲有一樣呀，今朝陳師奶話佢今晚整涼拌茄子，話教埋我整，仲唔駛我畀錢買呀。」
「茄子？係唔係蕃茄呀？」
「唔係呀，佢話即係矮瓜喎。」
「矮瓜？咩味架？」
「唔知呀。」
「不如你整炸菜蒸豬肉喇，仲好味呀？我好鍾意食架。」也真的沒有興趣想那甚麼茄子、矮瓜了，只想建議他弄些好吃的。
「我都鍾意呀，不過我屋企冇炸菜喎。」
「唔怕，我屋企乜都有架，我問吓阿媽畀啲你咪得囉。」
正想去找媽媽，他搶著說：「唔好呀，唔好呀，我都係整翻豬肉蒸蛋嘞。」
看他的樣子挺堅決的，我也只好打消這個主意了。可是炸菜蒸豬肉真的很美味的呀，心裡就是有點難明。
「其實我頭先返去仲洗埋衫，晾埋添呀。」他突然主動改了話題，好像要告訴我他的本事。
「嘩，你好犀利呀！」我由衷地讚歎著。
「不過我冇用洗衣粉呀，我淨係用凍水洗左一次咋。」原來他要告訴我一個重大的秘密；他伸了伸舌頭、聳了聳肩膊。
我不期然瞪著眼睛，都跟著他吐了一下舌頭，「咁怕唔怕你爸爸知道架？」
「佢唔知嘅，我以前都試過架喇，唔夠時間吖嘛。」我們相顧再笑，然後又繼續我們的功課了。
媽媽拿了一些餅乾和一瓶水出來，「食啲餅乾喇。」跟著她把丁志明的杯子再盛滿了。「妹，你去拿自己的杯子來吧。」
我沒好氣的去拿了自己的杯子，媽就幫我的也盛滿了。「食喇，唔駛客氣架。」
「唔喇，姨姨，我......都要走架喇。」
「吓，你咁快走？」本來已經把餅乾放到嘴唇邊的我大叫起來。
「就黎五點喇，我要返去煮飯呀。」
「你都未做晒功課！」我不解地嚷著。
「我要喺六點九之前煮好飯呀。」
「哦，你爸爸六點九返到黎呀。」媽媽問。
「唔係呀，佢多數八點幾九點先返到黎，不過陳師奶六點九要煮飯，所以我要煮先囉。」
「咁你爸爸返到黎啲飯餸咪凍晒囉？」媽關心地問。
「阿爸返到黎蒸番熱啲嘢咪食得囉。」他說起來是多麼的理所當然。
「哦，咁好喇，咁你真係要快啲返去嘞，咪晏左就趕唔切架喇。」媽也贊成他要走了。
「你啲功課都未做晒！」我實在焦急。
「我今晚會做埋佢架喇。」他的神情告訴我他也有點不捨的。
「係囉，你以後都可以黎做功課架，陪吓阿妹喇。」
想不到媽媽竟然批准他再來，也不再計較她「阿妹」、「阿妹」的叫我；心也穩妥了。「咁你聽日黎過吖！」心裡還是老不願意，但也只好是這樣了。
「哦。」他不好意思的應著，於是急忙地收拾好書包。「姨姨。我走喇。」
「呀，丁志明，如果你黎，記得要問左你爸爸先喎。」媽媽邊走邊跟他說。
「哦，我知道嘞。」
「拜拜。」媽給他開門。
「拜拜。」他回頭看著我。
「拜拜，拜拜。」我目送著他。
回到飯桌邊，坐下來，繼續抄金句。心頭泛起了一陣莫名的興奮和滿足感，還有絲絲不能言喻的感覺。
往後的半年，丁志明差不多每一個星期都有兩三天上我家來，跟我一起做功課、溫習。
還記得那年，他大考的平均分數是六十八分。
