「唔該美孚第七期吖。」「Ann，認唔認得我呀？」
「......Lawrence？...咦，又幫伙計替更呀？」
「都可以話係嘅。......冇見大半年喇。」
「嗯。」
「唔好意思呀！......」
「吓？」
「嗰陣時我唔係有心畀麻煩你架，我不過.......我都打過電話畀你想同你講對唔住，不過啲人話你唔係度做。」
「係呀。」
「我其實...呢個月嚟都好多時會兜嚟呢頭，睇吓會唔會咁轎撞到你。點知今日真係畀我見番你。」
「喂，Ricky，我大概三分鐘就到喇。」
。。。。。。
「唔該。」
「唔駛喇。」
「唔得，數還數嘛。你快啲找錢畀我喇，我趕時間呀。」
「多謝！」
「唔該。」
「拜拜。」
「拜拜。」
自此之後，每次上的士之前，都一定看看司機的模樣。
42 comments:
Hey free taxi ride!!! Why not!!! :P
K,
Hey, U!
有些女生對“免費”是很執著的!!!
但大部份都愛貪小便宜是事實。
space：
畀你哋激死呀！一個二個都係咁。問題都唔係的士費個度。
再講，我當然有原則喇，我一定唔會貪小便宜，但係唔代表我唔會接受"免費"喎，梗係要睇吓邊個丫嘛，如果唔係，就後患無窮！
Ha Ha Ha Ha Ha...
"要睇吓邊個丫嘛，如果唔係，就後患無窮！"
甚麼患?甚麼患?
btw, I heard HK pollution index break the record recently again?
K：
哼，好好笑咩！"甚麼患?甚麼患?" 答案咪講左囉；仲要係冇貪到便宜、做左好心，都有後患呀，咁仲點可以再畀機會呀。
另，係呀，空氣污染好勁呀。唔好出咁多街囉，唯有。-______-
我都係咁諗,
非不得意,
我絶對不會受人恩惠.
後果可大可小!
"畀你哋激死呀！一個二個都係咁。問題都唔係的士費個度。"
哈哈哈! 連新鮮都祇是針對這點來回應。
"仲要係冇貪到便宜、做左好心，都有後患呀，咁仲點可以再畀機會呀。" 衹怪o的男生太多幻想﹐對佢地好小小﹐就收錯信號﹐當正是機會來了。
所以話: 女生對“免費”是很執著的!!!
我也貪小便宜, 不過如果同呢條友唔熟, 都係數還數好, 費時欠人情, 唔熟唔食ma.
新鮮兄：
基本上我寧願人哋欠我，我都唔想我欠人。
space：
其實有時都根本係冇咩信號可言，你明唔明我想講咩呀? 本來鍾意一個人係冇錯嘅，不過。。唉，唔知點講喇！
Vicky：
係呀，都係小心啲好，唔係後果堪虞呀。
又喺library呢? ^_
寧教天下人欠我，休教我欠天下人?
Anti-曹操??
K：
不欠人，避免不必要的負擔（雖然不能全然剔除），但求心之所安，繼續我行我素。
再者，人家欠我也好，最低限度可以表示我未算最差，尚有能力。
"其實有時都根本係冇咩信號可言，"
原本我上文 " 衹怪o的男生太多幻想" 是寫作 " 衹怪o的男生太敏感” 後來該掉的。
女生有時不覺的身體語言﹐有時一片好心﹐都會被錯認為信號罷。
咁呢家巔透過窗口﹐睇到的士師傅是怎麼樣的呢? 難度都幾高﹐你見到佢個樣時佢亦見到你過播!
"再者，人家欠我也好，最低限度可以表示我未算最差，尚有能力。 "
這是 --- 本文主旨?
space：
我知你知我講乜，我都知你講乜。我明嘅，我點會唔明丫。所以有時都幾無奈，想話好好地做個朋友都要諸多顧忌，唔暢快。有時對住某啲人，仲要做到自己好衰咁，希望少啲麻煩。
本文主旨?我寫嘅時候固然有我嘅主旨，到你接收嘅時候，你都可以按你嘅體會賦予新嘅意思，你睇到係乜就乜喇，冇乜所謂，世界係open嘅。
space：
喂，好似除左個歌名之外，都唔係個種情懷喎！
space：
唔好意思，唔記得多謝你點呢首歌畀我。整體上對小鳳姐啲歌其實真係麻麻，不過有兩三首都好鍾意，呢首係其中之一，仲有婚紗背後（最鍾意）同情比雨絲。:)
"有些女生對“免費”是很執著的!!!
但大部份都愛貪小便宜是事實。"
inner space, 小心D bor, 第二句可以幾offending架！=P
btw, I dislike Mei Foo this place so so so so much!
Carrie：
唔好怪阿space喇，我諗佢唔係有心嘅，不過我估佢可能都係有感而發啫。
咁點解你咁唔鍾意美孚嘅?講唔講得架? ：P
"space：喂，好似除左個歌名之外，都唔係個種情懷喎！"
exactly Miss Xiao Zhu thats why I didnt post the lyrics :9
and 因為友輩間﹐會用“你都好徐小鳳 o播”
去代表“無奈”感。
thank you 小朱姐!
"小心D bor, 第二句可以幾offending架！=P"
Carrie 所以咁至顯得小部份的“清流”難能可貴!
要懂得珍惜。
呢句是 compliment 黎!
space:
好嘢阿吓！
你地班佬真係吖！程的士錢真係唔係重點喎！
話時話我試過兩次類似嘅... 一似係返公巴士上，好彩那個他只是久不久先去果頭返公，唔係有排煩。另一次係返母校，好尷尬！
I've been living in Mei Foo for less than a year in the past, which was a dark age of my life...
娜姐:
唔使尷尬播﹐這是“力‘的表現!
Aulina：
真係好，你知我講緊乜。呢啲嘢真係好麻煩，但係點解會覺得尷尬嘅?
Carrie:
:P
space：
"唔使尷尬播﹐這是“力‘的表現!"
你係唔係讚娜姐有實力呢? ^_
尶尬，咪就係明明已告一段落，本應相對無言，但係就響呢種場合又要扮冇嘢，但係又唔係好想有嘢囉。男人點會明吖...
唔好話係異性，就算以前好好朋友而家唔再係好朋友嘅女朋友都一樣。
我咁鬼antisocial我梗知你講乜。
Aulina,
Gimme 5!
"啪" XD
有點Same Old Lang Syne的味道。
回復你在LDD處的留言：
其實我也不清楚。應該要編碼上，用Unicode才有野睇。(都唔知點解好咁)
樂遊兄：
見到你真係好喇！
"有點Same Old Lang Syne的味道。"
?? 係咩??
係喎，用Unicode就睇到喇喎。係呀， 我記得早排我都有feedback過，自己都唔記得左添。唔該哂。^_
我真係學到野喇。
原來係尷尬時刻...之前真係唔明添！
Todd：
你好精靈架，點會唔明呀?
xiao zhu: 咁遲先睇添... 點解D男人(留言各位)好似唔多get到你既message既...
你驚唔驚下次又上到佢架車??? 夜晚上的士睇清楚D呀!
MD：
有心唔怕遲！：）
"點解D男人(留言各位)好似唔多get到你既message既..."
用3G 果句"男人點會明吖..." 不過我覺得佢哋有時有啲嘢，唔係真係唔明嘅。你明啊呵?
"你驚唔驚下次又上到佢架車??? 夜晚上的士睇清楚D呀!"
本來都覺得唔駛驚嘅，呢個人都冇惡意嘅。正如我所講，鍾意一個人本來係冇錯嘅。不過你咁樣再問一問，我都有少少怕，因為你知喇，而家啲人嘅精神狀態都好難講，好容易諗埋一邊。
其實我而家上的士都盡量睇清楚架，不過學阿space 話齋，都好難睇架，到你見到佢嘅時候，佢都見到你喇。
唏，你見我個題目都係（一）咋，遲啲仲會有其他，有一次仲真係可以話係驚魂添呀。
我覺得你做得啱,比我真係想第一時間跳車走.聽到佢話"呢個月嚟都好多時會兜嚟呢頭，睇吓會唔會咁轎撞到你。..."會嚇死,最怕呢d人.
梗係要付錢,劃清界線.以後小d搭的士咯.
d男人係唔明呢d野,有時男人比女人更貪心.
Macy：
正如上面提過，當時覺得佢唔會有惡意，如果唔係都會落車架。
其實貪心又好，多心又好，有心又好，冇心都好，都係人性，講真都唔分男女嘅，都係睇個人嘅啫。
翻睇你這一篇﹐卡夫卡都冇提 多論之都D的士司機﹐會cut off LIMB. 但記得香港好似好久很久以前有幾個CASE﹐ 是的士司機做的。如果唔係卡夫卡提起﹐我都唔記得左!
小朱姐小心!!!
Space：
好多謝你關心呀！！
我正準備聽日或者後日會post 的士奇遇（三），就係關於一啲驚險嘅經歷呀。
Post a Comment