地球繼續轉（四） ── 人道

.

「既然不能一直愛下去，我們就好好地愛一場吧。」

「呵呵呵，好好好。」

* * * * * * * * *

「雖然唔係好關你樹...都整番份收藏下，我有咩三長兩短都有 back up 吖嘛...」

「我呢輪心血少呀！」

「鬥快死我未必輸。」

「雖然我真係好欣賞你呢個回應，不過...都係...算吧啦你！」

* * * * * * * * *

「實在不忍繼續傷害你，我唯有狠狠地傷你一次。」

「呵呵呵，好。好。好。」

* * * * * * * * *

「昨日…」

「今天。」

「不盡同...」

「都一樣。」

.

地球繼續轉（三）

「喂，真好味。」

「喂，我頭先係叫三加六固喎，你黎錯左個五加九呀！」

「阿靚女，等我睇睇先呀吓。嗯……唔係喎，你係要五加九喎。」

「我明明係話三加六架，我都唔食淡水魚、又唔食韭黃嘅，咁點會叫五同九唧！」

「哎呀，咁換番俾你啦，但係冇乜嘢剩嚕喎。」

「咁究竟仲有咩吖？」

「嗱，有蒜茸大白菜、韭黃芽菜炒肉絲、麵醬豆卜蒸鯇魚、雙花炒鮮魷，冇喇；你咁晏至打黎。」

「咩話！……」


* * * * * * * * *


「點解食左咁耐啲藥仲有咁多架？」

「我想測試吓啲藥嘅功效之嘛。」


* * * * * * * * *


「一直以來，你對我嘅寬大同包容，每次我想起都熱淚盈眶。喺你身上，我學到好多；我希望你可以好似俾機會我咁，俾多一次機會我公司！」

「你仲未明白點解我唔再同你公司做生意！」

「其實係我引起嘅錯，唔關我公司事。既然你可以體諒我，點解唔可以接受我公司？」

「唉，你要我講幾多次？你睇，一年喇，你公司嘅負責人從來都冇現過身、或者做過任何嘢。你明嗎？其實我要嘅係比道歉仲要低層次呀！而家你仍然係以你自己嘅身份同我談論呢件事。可唔可以對我公道啲呢！」

「我老闆工作好認真、對員工又好，而且都有盡最大嘅努力去做神所要求嘅誠信。請你再考慮；神係公義嘅，如果我哋做錯，上帝係會出手教導嘅。」

「你老闆好有福氣。我無意、亦都冇資格去審判任何人。我一路都好努力、好審慎咁用緊神俾我嘅自由意志；神係唔會偏私嘅，就讓神去繼續教導我哋喇，好嗎。」


* * * * * * * * *


「我唔明呀！」

「你肯唔肯定如果你真係明左，你就會舒服啲吖？」

「我唔知，但係我而家真係好唔舒服！」

「如果你已經選擇左聰明地去扮演一個愚蠢嘅角色，咁你要連戲至得格。」

地球繼續轉（二）

才點了菜不久，一位疑似女部長的人走過來。

「你要油雞呀呵，欸，咁要幾多呀？」

「咪一碟囉。」

「要半隻定一隻呀？」

「咩話！你講多次！」

「一係半隻，一係一隻。」

「唔係有樣嘢叫例牌嘅咩？！我兩個人咋噃！！」（想打人！）


* * * * * * * * *


「你都冇食藥，點解呃我呀？」

「我冇呃你呀，我話我一定會食，亦都的確有食。」

「你仲話有！」

「我係有呀，不過呢兩日冇，我唔需要解釋點解呢兩日唔食。嗱，你唔好再講落去喇吓！」


* * * * * * * * *


「天賜俾你有咁高嘅智慧，你就將自己鎖埋，咁係錯架，咁樣做都對唔住個天呀。」

「好明顯，咁就係個天嘅錯喇！」


* * * * * * * * *


「佢話呢輪好忙，所以少左陪我，不過我知道唔係。」

「你點知呀？」

「佢攬住我果陣都唔同左以前喇。」

「不如你諗吓佢仲肯攬住你俾個解釋你，都唔係咁差啫。」

「乜你唔係話講乜都冇用，行動先係最實際咩？」

「係吖，我唔會雙重標準架，所以你同我講咩都好，咁你而家會唔會 take 咩 action 吖？

「……」

「唉，你唔好忘記我都有講過話，女人最緊要知道同識得幾時聰明幾時愚蠢呀。」

地球繼續轉（一）

「老細，開咩茶呀？」

「有冇鐵觀音呀？」

「好呀，水仙喇。」


* * * * * * * * *


「點解啲人造啲藥出黎唔係應該要令病人舒服啲嘅咩？點解食左仲辛苦左嘅！？」

「因為人類想證明佢哋叻過上帝囉。」


* * * * * * * * *


「幾時出黎食餐飯傾吓偈呀？」

「而家咪傾緊囉。」

「好耐冇見面喇嘛，你個樣係點開始有啲模糊喇，想 update 吓啫。」

「唔緊要喇，我唔會怪你個噃，我自己都好耐冇 update 自己咯。」


* * * * * * * * *


「佢以前見親我都會好肉緊咁攬住我黎錫，唔見我一陣，都會好擔心，send sms 俾我架！而家…」

「咁咪好囉，證明你哋嘅關係又跨進左一步喇。」